Lutung teken kedise,
“Kucapi kucacang, kucalcil amah icang, kayu kacubeng jani payu sebeng-sebeng. Kacucung kacicang, Meme Lutung makejit ngincang”. Be I Lutung sragsag-sregseg lantas ngigel, aeng gejeran carang-carang kayune alah ogarang. Mabriag lantas kedise ngedekin.
Nah gelising satua, critanne makelo kone suba Raden Galuh ditu jumah J Lutunge, telah kone suba woh-wohane ane paek paek ditu, jani kanti ngejoh-ejohang kone pagedinne I Lutung ngalih woh-wohan bakal ajengan I Raden Galuhe, nepukin lantas I Lutung kubu, tur liu pesan woh-wohane ditu, biu, manggis, ceroring.
"Beh, ne nguning buine dini, nyen sih ngelah kubune. Jumah ya ane ngelahang, bakal paling kone biunne. Keto kone | Lutung, ngengap paliatne.
Critanne ento umah I Rangsasa. I Rangsasa dugas ento nuju luas ngalih amah. Dadinne suung di kubunne ento. Wireng suung, ngenggalang kone I Lutung ngalap biu aijeng ane nasak, lantas abana mulihne. Suba neked ia jumah, nangandika Raden Galuh,
“Teked kija luasne Men Lutung, dadi tengai tepet mara teka. Kaden nira Meme nepukin sengkala, bane tumben makelo pesan pagedin Memene".
“Ratu Dewa Ayu, napi doh pajalan tiange. Driki-drikian telas sampun woh-wohan. Doh pesan ba daja, drika tiang manggihin kubu. Beh, akeh pisan punyan biune drika tur mabuah nasak-nasak. Niki napi tiang polih aijeng. Durusang Ratu ajengang!” Buin mani semenganne buin kone I Lutung mamaling biunne I Rangsasa. Dening bes pepes I Rangsasa kelangan biu, pedih lantas I Rangsasa.
“Ne dadi sai-sai ilang biune, nyen sih mamaling’’. Keto kone I Rangsasa ngrengkeng, padidiana.
‘‘Nah bin mani bakal pasangin jeet di ambah-ambahane, bakal engkebin tendasne dini di ebete".
Kacrita buin maninne palimunan pesan, mapasang jeet kone I Rangsasa tur engkebina luanan umah di ebete. Tengaian teka lantas I Lutung kema lakar mamaling biu, saab-seeb uli diwangan kubune.
“Sing ada ane ngelahang, suung. Bakal palebihin kone jani
219
