"Nah dong dayanin suba. Amento ne tuges pamunyin Beline i tuni, nguda ya tusing inget Adi. Gantin ja i dewek lakar nepukin jele." Keto pangandikan Ida Sang Prabu, meneng kone Ida Prameswari, wireh ida marasa teken raga pelih.
Nah kacritanan jani suba kone Ida Sang Prabu kalih Prameswari rauh di puri. Gelising satua, kacrita mobot kone Ida Pramesari. Makelo-kelo, di subanne tutug ulanan bobotanidane, lantas embas okanidane istri, nanging marupa kedis cengkileng. Mawanan sungsut kone Ida Sang Prabu kalih Prameswari, mawesang buat kalacuranidane buka keto. Becik-becikang ida ja masih ngupapira okane, nanging kagenahang di taman , kagebag ban parekan muah penyeroan lemah peteng.
Kacrita makelo-kelo di subanne i kedis gede, makeber lantas ia ngungsi kalase , tuara tawanga teken gebagane. Tan kacritanan duka Ida Sang Prabu teken gebagane, kacrita i kedis cengkileng suba kone tekeddi tengah alase. Kacrita jani I Truna Tua ngubu di sisin alase. Gegaenne matulupan dogen. Sedek ia matulupan di alase tepukin!l lantas I Kedis Cengkileng. Ngon pesan kone ia ningalin buat kranyahan bulun kedis cengkilenge, kene kone abetne,
" Bih ne amone makelon i deweke sai-sai ngindeng matulupan dadi tumben nepukin kedis kene, aeng ja luung kranyahan bulune. Ngomong lantas I Kedis,
"Kaki Truna Tua, dong tulup aku. Aku I Kedis Cengkileng!"
"Be, ne 'bisa ngomong jelema kedise tenenan" . Keto abetne I Truna Tua tur lantas nulup I Kedis. Nanging tusing kena. Buin kone ngendepang I Kedis Cengkileng matinggah saha ngeber-ngeberang kampid.
"Kaki Truna Tua, dong tulup aku, aku I Kedis Cengkileng!" Buin kone I Kedis tulupa, nanging masih tusing kena. Nganti. kenyel kone I Truna Tua nulupin i kedis, masih tuara kena-kena. Kene lantas abetne,
"Ah ne nyen nemin kai, basang kai seduk, adenan ja suba kai mulih." Majalan lantas I Truna Tua ngamulihang, tutuga kone lantas teken I Kedis Cengkileng . Mara I Truna Tua mangkregan, i kedis ia matinggah . Mara I Truna Tua majalan, i kedis nutug. Keto dogen undukne, kanti neked di kubunne I Truna Tua. Ditu kone i kedis sasarina, nanging masih tuara kena-kena.
164
