Kacritanan suba dauh telu sawatara, dingeha munyi kone di arep kubunne, "Trok-toktok dengkok-dengkok dengkok". Lantas I Tiwas pada pesu uli pengkebanne, baana ningeh tawah. Mara teked di arep kubunne, tingalina payuke cenik majalan, bek misi magenepan. Ditu I Tiwas gigian baan kendelne, lantas nyemakin aba-abaan payuke. Payuke Jantas buin pejanga di tongosne melahanga pesan. Sawireh jani I Tiwas suba ada ngalihang daar, dadi ia tusing buin ngalih gegaen kema mai, nanging ia ngantiang dogen jumahne . Sabilang teka payuke mamunyi, "Trok-toktok dengkok dengkok dengkok, juangin kumbi!" Lantas juangina lantas aba-abaane. Payuke buin pejangan. Sayan makelo sayan riyugihang I Tiwas. Payuke buin pejanga. Panganggo, barang mas, slaka suba Jiu ia ngelah uling ngelah payuke cenik ento, katut umah ia suba nyidaang ngae .
Kacrita Pan Tiwas nuju ia ada jemaka, lantas ia menek ka panukub umahne . Sedek ia repot ngalihin ane jemaka, tusing asena teka bakat gampesa payukne, nganti ulung ka patuanganne. Ditu lantas payuke ento belah sigar mabrarakan, lantas pesu anak cenik luh uli payuke belah ento, sawatara matuuh pitung tiban, jegege tan kadi-kadi, ngeling mapuhsahan di patuanganne, sambilanga masesambatan,
"Dong, kenken kaden Bapa Tiwas , saking gantin Bapane tuara dadi sugih. Mara amonto ne Bapa ngelah suba Bapa lenga teken tiang . Gantin tuah Bapa akejep ngajak tiang dini. Yadin kenken baan Bapa ngengkebang tiang, suba sinah makelo-kelo liu anake tau." Mara keto pamunyin anake cerik ento, ngenggalang Pan Tiwas macebur uli baduur laut ngaukin kurenanne. Kurenanne enggal nyagjag, sambilanga ngempeng jun misi yeh atenga, wireh ia teka uli nyuang yeh, mara turuanga atenga, dingeha kurenanne makaukan geleh tur mamunyi makateprug. Ngengap Men Tiwas matingalan, kadena kurenanne kenapa, lantas tingalina anake cerik ngeling .
"Yeh ih, ih, pan, Bapanne, nyen ngelah pianake ajak cai jumahan meten?" Lantas Pan Tiwas nuturang unduke ne mara. Mara dingeha ban Men Tiwas tutur kurenanne keto, entunganga junne, lantas ia ngenggalan nyaup anake cenik lantas abina. Ditu I Tiwas luh muani nakonin anake cerik,
"Dong, Jero, Jero alit, sira Jerone madue okane, ring dija purin Jerone, dadi Jerone kene neraka dadi payuk? Indaang tutu-
104
