kuhang, apang mangdenne bisa matuutin timpal. Apang sida baan ngisinin basange dogen ja, bas kene sabilang angkuhang tuara taen matuutin anak. Kremis suba ngangsan arang, jani gantin deweke tuara ngamah." Pangrumukne keto dingeha teken payuke, lantas ia mapineh-pineh,
"Beh padalem gati I Tiwas, sai-sai maselselan baan kalacuranne. Ah melahan buin mani semengan lakar luas ka peken, saget ada apa anak alas, apang ada anggon nulungin Meme Tiwas." Subane keto, buin mani semengane mara galang kangin, I Tiwas luh muani suba makalah uli kubunne, lakar luas ngalih pangupajiwa. Raden Galuh Payuk, masih tuun uli langgatanne, matutug uri ajaka I Tiwas, lakar luas ka peken. Selantang jalan payuke mamunyi kene,
"Troktok-tok dengkok-dengkok-dengkok". Kandugi tuara ada anak nepukin muah ningeh munyinne nganteg ka peken. Mara Sedeng bek pekene, lantas I Payuk nyangongot nongos di samping dagang baase. Buin akejepne ada anak nyorjor kema lakar nggup baas. Mara tingalina payuke ento, lantas matakon teken dagange,
"Ih Jero Dagang, nyen sih mejang payuk ditu? Dong luung san goban payuke ento." Masaut dagange,
"To yen nyen jenenga, dadi tiang tusing rungu." Ngomong buin anake i busan,
"Ah lamun tusing ada ngakuin lakar duduk kone, ada ja anggon wadah baas." Suba suud ia meli baas, lantas penpena ka tengah payuke, ngon ia ngajinang payuke, wireh amun apa ja penpenina baas, teka sedeng doegen. Lantas ngomong,
"Ye, ih Embok, tingalin ja tusing madaya tiang teken payuke ne, amonto cenikne, teka aaador sedeng penpenin baas. Ne tiang makingsan kone malu, lakar kalahin mablanja!" Mara lenga akijapan anake maliat, sagetan ilang payuke, magedi uli ditu lakar mulih. Di jalan tan mari ia mamunyi, "Troktoktok-dengkok-dengkokdengkok!"
Kacrita payuke suba teked jumah I Tiwase, lantas baase pejanga di balene, wadahina lumpian lantas ia buin menek ka langgatane. Mara teka Men Tiwas, tengkejut ia ngajinang ada baas, laut ngomong,
"lh Bapanne, dadi ada baas dini, nyen ngejang aah?" Masaut
102
