Kacrita sasubane Ida Sang Prabu suud nunas waranugrahan Ida Betara, lantas ida mamargi ngamantukang sareng rabinida, tan mari ledang kayun sang kalih. Kasuen-suen ida mamargi lantas manggihin setra. Di semane ento cingakina ada payuk cenik tur kedas, kaget macempleng Anake Agung Istri ngandika sarwi matujuang payuke ento.
"Dong Beli Agung cingakin ja, teka luung gati payuke ento. Cenik mungil buin kedas." Mara keto pangandikan rabine, tengkejut ida tur ngandika,
"Yeh Adi tusing ja kasadiane dadi alih. Engsap Adi teken pangandikan Ida Betara. Ah saking ganti dewekw lacur". Suud ngandika keto nglantas ida mamargi, kairing antuk rabine, kayune tan mari engsek.
Gelising satua, rauh suba di tepi siring negaranidane, lantas kapendak ban panjakidane makejang. Sarwi ngaba gong, cendekan. Baris gede pada mendakin ida, kulkul madendang, nyiriang Sang Prabu suba rauh. Makejang pada girang kaulanida, ada tusing mabaju malaib ka rurunge, ada gambah-gambah, ada nyangkil pianak nu pusuh, ada nengteng semprong, wireh sedek ia ngupinin api ningeh uyut di rurunge, ane sepanan malaib pesu, ada ngragas tembok kanti telah gempih tembokne. Ah liu pesan yen tuturang tingkah anake mabalih.
Kacrita Sang Prabu suba rauh di purian, sausan idane masiram kalih ngrayunang, lantas ida medal, katangkilin baan baudanda makejang. Pepatih idane lantas matur,
"Inggih Ratu Sang Prabu, sampunn amunika suen Cokor I Dewa lunga nangun kerti, ne mangkin sampun wenten panugrahan Ida Hyang?" Ngandika Sang Prabu,
"Beh, kene Paman, nira suba kapaica, kewala ke jeneng tusing dadi nira maan kasukan nulus. Teka ada dogen gegodan di jalan, dadi sadia tan sadiane nira luas nangun semadi." Sampun puput ida ngortaang, saunduk-unduk idane nangun kerti, uli pangawit tekaning pamuput, lantas matur buin I Patih,
"Inggih, manawi sampun tuduh Ida Sanghyang Kawi asapunika. lnggih yan wantah dados, usanang sampun nyungkanang punika. Yadiapin asapunika antuk, yan sampun pagentosan sinak kapanggih." Ngandika Ida Anake Agung,
"Ah, sing ja nira ngewehang ento sanget. Saja tuah Pamane,
100
