Puh Srinata
I. Pukulun Sanghyang sinembah, sang linggan i pangawi, sang yang teja bayu akasa, Hyang Gum Reko Yang Mahning, mekadi Hyang Basundari, Yang Nata Sanna Hyang Tuduh, Nabe Ida Hyang Utamma, Sanghyang Tripurusa malih, Brahma Wisnu, Iswara Hyang Jagatnatha.
2. Sahanan ikang dewata, makadi Hyang Nawa Resi, sapta Resi Loka Pala, Hyang Surya Candra Hyang Agni, Hyang Basukih Hyang Daresi, sang Tabengsun jiwa pakulun, luputa ring ila-ila, tan kena ring tulah pati, bagna luput, ing wang amangun gitta.
3. Ingeket lambang dadakan, maka pamurnaning hati, bumbahan lara wirangro, i mudanan dening kingking, basurugan laas maleki, sinusupan manah sungsut, sinakitan rajah tamah, baya basmi tanpa apwi, ikang tanu, satata nanu duhkita.
4. Mangke amurnaken citta, anapuh manah kapariatin, ilanganing lara kawot, sakrahing duhka buburwi, sahananing murkeng hati, tundungan dening kawikun, dharma, yukting sucitta, anggen angalapin kingking, sanan ipun, basmya nadi nrekeng citta.
5, Tembayaning amangun gitta, jina Wisnu dawa sasaih, aku marep Warigadean, mbatri waya catur Sri, sadhedrewegan malih, daca watek pati muu, sukla sapta tri mastaka, bhayu sapta yusaning bhumi, yekanpitu, puluh tri domya sahacra.
6. Ida dane ipun samian, sang sudi pacang mawosin, mangda sami sahuninga, ring sangapus puniki, Brahma kula wangsa jati, potraku bapa jajuluk hinakaya tan abhawa, paksa madang kawya bwih, pama susul, apatya ngasorang gondang.
7. Kasa tawya ingsun tuwan, langgya angroncana kawi, tur wruhing jadma kawon, tan ana wiplaleng bhukti, tan pananggu tan pakerti lwir sodama aptyanarung, sebuning sanghyang sasangka, sembaha kasideng kapti, bas kadurus, kasuksemeng budhi tunggal.
7
