57. Paksa pareng satasrengga, kandeg lampah maring riki, sadia pasnetana mangko, sang resi wawang nawurin, singgih dewa sri bupati, panghiangning rat tembia anurun, hulun haterana dewa, parek ring sang guru resi, resi Metreku, tuwaning astameng tapa.
58. Sirga madeg sri narendra, parengkana bawa resi, tumut antenia karo, wadwania sama angiring, jumujug haneng asrami, sang mpu Yogiswara wuwus, aum bapa Kanobawa, sang apa duluri kami, wawang matur, Kanobawa saha sembah.
59. Duh pukulun susuunan, yeki ratu Hasteneki, sang Mengkueng rat brata warsa, sang sri pandu yan papasih, sigra sira Metra resi, lunga yan sira sinambut, asung pinara sapa, duh bapa srining bumi, tembia rauh, bapa maring wanasrama.
60. Paranta inulatan, sambawa atekeng bumi, sang Pandu umatur alon, singgih wacana sang resi, hulun sadiana laris, ring satasrengga pakulun, agung nalaning ucewa, keneng sot Kindama Resi, sajnyang lebur, brahmatieng Resi Kindama,
61. Yan santa sabda munindra, nggonangkna sisia darmaji, hulun sadia sapagoron, nadah waseh pada resi, suka ta paduka resi, lukaten sot Kindameku, asue nandang kajentaka, wedia parek pareng istri, lara sanggung, yan temueng istri antara.
62. Mangkanatur Pandu nata, Resi Metri anawurin, saking sihnia ring sang katong, aum bapa sri narapati, renguana ujar ireki, aja kagunganing sungsut, tingkahing masrira jadma, agung papa agung lewih, Brahma Wisnu, tan simpang angganta bapa.
63. Aja duka temuecng lara, aja suka manggih yukti, yan tan pasah anda karo, tan dadi ya linesani, kramaning wang janma kaki, mawa ala mawa hayu, apan ya sampun sinuratan, ring yama loka kaki, sama mungguh, polahing dadi manusa.
56
