sembah Widureki, hulun tumut, pareng anemu suka duka.
50. Mangkana sembah sangaria, tan mari kusa anangis, sang Pandu mawuwus alon, ujare sajarwa manis, duh kitanten ingsun yayi, aywa parengana laku, pakaryeng ngke tungueng rajia, wenipranga pada resi, kaka prabu, hana kinon rakseng praja.
51. Tutur tututinta tatas, rari raras raris riris, saling sasar sisir sosor, gawa gaweng guwa guwi, papa papeh pupuh pipih, kna kneh kinon kanut, yayi yayah yuyu yaya, dudu dada buda dadi, dlali lulut, nani nandeh nindih ninda.
52. Aywa suka aywa gila, pare wadua lemuh gudig, aywa cita jujon-jujon, sama denia angrasanin, asing sadu sinaduti, murka dusta ya sinatru, aywa pasahing brahmana, yeku yogia sdulur urip, ngawe kukuh, ikanang rat baktieng kita.
53. Yan hana wadwa prangujar, segata kita angrasanin, sing sor sira dosa danda, kang yukti wehana singgih, nis dosa danda agung, asampun wipalang laba, darma raksa kaning bumi, suluh-suluh, kramaning purwadigama.
54. Mangkana warah sang kaka, yiasih nireng anten kingking, Widura muit pareng jero, lunga sampun alaris, tan lingania ring nagari, prapteng kubuan-kubuan sampun, tan ararian sri narendra, tangeh langenia ring margi, tan kahetung, prapta ring giri pajaran.
55. Rikan kepwan Sri narendra, meh-meh ilanganing rawi, hana pasraman tinonton, sang Pandu angucap aris, duh rari mas ingsun kalih, pareng pasnetan maskuiku, sang Diah kalih atur baktia, saka sadnya kaka aji, hulun tumut, kancit sang tapa swi prapta.
56. Negaran resi kanobawa, manon sira narapati, segata hatur patakon, singgih tapa sareng riki, ndin swaraja muang papasih, sang Pandu alon umatur, duh pukulun sang pandita, hulun ratu kawelas asih, nama pandu, kang mengkueng mat Hastina.
55
