jah agung hyang kalih, wak wisnu kroda, catur muka brahma murti.
41. Manggung buana muntab tejania tekeng suarga, dreg dewa sapta resi, nguncaraken wedha, reg wedha muang yajur wedha, jaya-jaya sloka sruti, agandaksata, puspa warsa ngrang ring langit.
42. Dadi kagiat Rwaketu Rwajaya, awas tiaksa denia ngaksi, ring sang hurip karo, jati sanghyang Narayana, miwah sira Hyang Besakih minda manusa, mendek rarem resi kalih.
43. Sigra mekul pada karo hatur baktya, singgih pukulun Hyang mami, huwusan uyu hyang, tinghalana baktia ingwang, saking lawas mangun kerti, sadia pangguha, ring lungguh batara nyadmi.
44. Mangke meten kaliliran paweh ingwang, ikang gada sikumudi, gada salanggala, maka karna hinaturan, gawa gaweng bumi mangkin, nggen ngrakseng buana, lesuana angga hyang kalih.
45. Ndan mangkana hatur sira resi ngaksama, dinuluran reseng langit, pada angayuana, mangkia purna, sang inajnyan, rumenguatur prama resi, huwus uyungnia, hilang wisnu brahma mutrti.
46. Wawang sira rupa Kresna Karsana, pada suka sang resi kalih, duh dewa karo, antyan prama sukeng mami,
47. Dreke ulah kita mangke raksakeng rat, kita saksianikang yukti, rikang jagat sadaya, kita tangguhaning dharma, kita pranging murka juti, loba srowaka, kita kinon amatyanin.
48. Nguni purwa kita mraga narayana, makadi sanghyang Basuki, dadi kita karo, kami kalih turweng kita, mangke sampun kita kalih, masarira jadma, kita dadi tanaya mami.
49. Yeki kitania sanghyang Padmanaha, muang kuta Hyang Padmayoni, kami rumaksaka, katekeng sabusanen ira, kalania turun ring bumi, mangke wus katon, kita yogya anam penin.
41
