cemeng cuil, tan krama jadma, siapa aran kita kalih.
31. Naling nira resi kalih sinahuran, aku tanaya yadhu kalih, ran Kresna Karsana, sadyan aku laris ing pucak, kita ran Rwaketu Resi, wiku Rwajaya, huruh aku aranta kalih.
32. Ling Kresna sang Brahmana tanpa ngucap, kagrepena tangan kalih, guguten wajania, teka nuduk kalih amujah, sing sinudukan tan kanin, tan wruhing lara, Sang Kresna Karsana dahat sengit.
33. Sru nabetan watang ngirang resi karo, tikel kapisan karwa henti, pada tan pasara, pada langguk paperangira, pareng parek maka kalih, prang nunggal-nunggal, silih danda silih gitik.
34. Arok aruket Kresna Karsana, tur kadekung kagitikin, kadedel katampial, tan lara sang dinedelan, wawang males amukulin, jaja sang resia, mrasa nerus ring geger.
35. Mundur pwekang resi roro ngaduh kalaran, menget ring purwani anguni, lampah sirang bapa, sang Hyang Nara Narayana, malahana ratu sakti, sira mobhawa, kusanggania nglepasin.
36. Wawang resi kalih nusup ing lalang, mayoga tur nglepasin, kumedus ikang lalang Ilwir warsa tibeng akasa, pembahing lalang tan kanin, sang nrepa karo, urugen kusa mignanin.
37. Kadi bandha sang karo denikang lalang, tamolih wakita kalih, pan kakehan kusa, katon dening sang pandita, ripunia urugan dadi, hegar ing cita, mojar masa kita hurip.
38. Sarwa anuman-uman sang Kresna Karsana, denirang prama resi, sengguh kita gampang, kita alpakeng pandita, siapa hana anengguhin, kita precura, tan urung mne kita basmi.
39. Sigra pinasang geni murub Iwir parwata, dadi awu maka kalih, basmi tan pasesa, awunia binanu bajra, awuning kusa tan kari, kadi sinapuan, suka tambek resi kalih.
40. Nirwikara awuning Kresna Karsana, tatan kapawanan kalih, apan wisnua basukia, sira nindyeng sabuana, tan sue pe-
40
