5. Tandwa tulus angadaken kali, sota buta, kalawan sang Pancanaka, antyanta ramyaning prange, kasor sata buta iku, sama ya angemasin pati, krodha ida hyang Brahma, Pancanaka jerih kaburu, anggil sira ring pada hyang, Guru Iswara, dadi hyang Brahma nut duri, lunga ring sawaning buta.
6. Kawelas hyun sanghyang Brahma ngaksi, punang sawa, sigra inuripan, saksana hurip butane, sanghyang Brahma sira nuduh, ring madya loka anyadmi, dadi kula Drestarastra, kuneng sang Pancanaketu, ring sang Pandhu kon ajadma, hyang Guru Iswara nuduhin, amejahana sata buta.
7. Sanggwaniku sata buta basmi, Pancanaka, yogya malahana, hyang hari makakantine, mangkin sampun pada turun, mungseng sahenggonia nadi, yeku kawruhana bapa, ritatwaning murkasadu sang sadu kinira kira, niolih murka, ya ngrananing hana kali, ritengah nikang kuruksetra.
8. Marganiku para natha sami, sirantaka, ring tungtunging sara, yan purusa ring patine, jati swarga kang tinuju, yan mawirun manggih weci, binanaya maring loka, kewala sang mraga sadu, tan milua matyerana, mangka bapa, mulih kita den agelis, pahayuanang ikang jagat.
9. Nahan wuwus sira sanghyang Jladi, sung nugraha, sirang Resi Bhisma, kadi masalin budhine, wawang sira nembah matur, singgih mamwiting hyang mami, nghing sanmatana gelis awas, hyang Bruna Sru sira mastu, mogha sira cetring umah, wusan nugraha, mur mungsyang ka Bruna loki, Bhisma muiting parwata.
10. Ndan lumaku sirang pramaresi, wus anembah, irikang giri menawa, asemu kemul pangubnipise, sawang kadi asemu mangu, katinggalan prama resi, muang sarwa pala akweh, rasa kadi amerih turun, buka makon waknialapa, sila yana, kacmban angsana matis, kaya hatur araryana.
11. Sake iku satwa haneng giri, metweng nggonia, buka meringana, sang lunga saking girine, maruttolon kadia nungsung, sigrang-sigrang kon dunungi, manuk aniya ring ka-
26
