58. Miwah haji suksma tatwa pingitana, mekas ika bapa mulih, ring delaha ring delaha, mungsiang Swarga Hari Bwana, kalaning dewasa rawi, ngutara yana, yeku anananing patya.
59. Ndah mangkana lingira sanghyang Bruna, Gangga Suta matur agelis, sdarawot sekar, sarwi amekut padha hyang, suka paduka hyang mami, awarah-warah, warah angguaning murka yukti.
60. Siapa butha syapa jadma syapa dewa, syapa sadhu siapa maling, siapa pragan dharma, siapa ta pawaking krodha, siapa yogya nindyeng bumi, sang trisamaya, yeku trang-trang juru angenti.
Puh Dangdang
1. Nahan wuwus sirang Bhisma Resi, angaksama, Hyang Jladi ling nialon, aum bapa Ganggasuta, sajnya wruha trisamayeku, bapa warahana kami, sanghyang Kali sira nyadma, dadi gurun murka sadhu, dadi Pandhu Drestarastra, arya Widhura, gandarwa sira anyadmi, sangkan dadi kamanusan.
2. Witnia dangu kawanhana laki, nguni purwa, sanghyang caturmuka, panca nguni mastakane, sinimpen tunggal ring tanu, Hyang Gama kon angwacanin, wuwus ira sanghyang Gana, singgih wyakti mukacatur, tan hana ya kwihana, Brahma ngucap, mudha sira Gana murti, hulu panca tan kawruha.
3. Bawis iku imetana mangkin, hulun ira, hyang guru Iswara, sira wruh ring payuadina, asaru inupak mastakane, ngking tan hana kawruhi, mangeta sira hyang Brahma, hulunira nora kantun, kadahat runtikira, ring hyang Gana, Brahma wetwa sata bhuti, satus dlapan takweh ira.
4. Dadi mundur sang Gana Murti, nahen baya, nangis amekul padha, ring lungguh hyang Guru iswarane, hyang Guru Iswara nuwus, bapa wuwusen tangise, hulun mangke analangana, hilanganing buta iku, sigra sira anebes naka, kinayoga, dadi panca dewa resi, maka satu nikang buta.
25
