wurin, duh kaka jiwa sang hulun, rengwanen hatur sun dewa, sakeng asih, yan sajnya amupu sunu, nghing yan sira sung lugraha, tan hana angubdeng kapti.
2. Pasambating wang ring kita, uni hana Rsi Dhurwasaran luwih, subhageng rat sakawikun, sira purohitan ingwang, duking anwam, hana nugrahan nirengsun, aji pangredana dewa, saka sajnya kanugrahin.
3. Sang Pandhu mesem angucap, duh masku ibu, tulusana sih masku ari, gelarana jua puniku, mogha hana sih nikang hyang, hana prapta, dewa anugraheng sunu, dumon awetuana kaka, siratuwia mangku bhumi.
4. Nahan wecanan narendra, dadia pupus, Dewi Madri sadhara manis, yeku yukti ling sang prabu, aminta putra pedana, maring dewa , nging pragan hyang Dharma Sadhu, sing ayogya tuntunana, teka sing ngalebur sapeki.
5. Na wuwus Madri pranatha, sang Sri Patah, sampun siyas asuci, warnane mawuwuh layu , asananing candra purnama, melok nyampuah, mamusti pada patangguh, matitis angranasika, hyang Dharma sira inisti.
6. Jeg tan pajemuga prapta, maring pangkuanira, sang Ni Diah Kunti, Hyang Dharma asru amuwus, ah Kunti paran sajnyanto, nuntung ingwang, warahana dena aseru, sakarsanta sun nugraha, sang Kunti nembah tur angeling.
7. Singgih sajnya hyang iringwang, pamalakwengsun, amet sutajalwasiki, ne mawa dharma rasadhun, maka catra nikang praja, ring Hastina, dumon awetwanak ingsun, lawan mretni Gandarya, pratijnya sang Tiga nguni.
8. Sinambat dening Hyang Dharma, pira kunang, sampun pamreti si Gandhari, singgih wawu rowang candra, sabdon Ida Bhatara, nah mogaha, wijiling sutanta iku, walung lekwetwana kita, wenang catran nikang bhumi.
9. Huwus anugraheng mreta, Hyang Dharma mur, Sri Kunti wawang atangi, angucap jeng sang Sri Pandhu, winarah wusida karya, labda jiwa, pada suka nikang kayun, sang
16
