dirkang gopitta, tuturana jua pukulun, Drestharastra males mojar.
18. Duh sira aringku kalih, tan len kang inucapan, ring lunga sang Resi reko, suwya sira nangun yasa tan hana gatrania prapta, wuwus Rai Bhisma nusup, anten kaka raksakeng jagat.
19. Hana pakretin ingsun mangkin, mangda tan anggawe krodha, sasing rumuhun aputra, putra dadi pahulunan, maka panungsungan jagat, salwaning Brata warseku, tan wenang ya kinrebatan.
20. Nahan ling Drestharastra iki, Pandhu Widhura asru mojar, saka sayuyanto sang katon, anuhun ranten rahadyan, sampun samuana pratanda, miwah panggawa pada weduh, prekretin sang patiga sanak.
21. Sampun sanada magosti, sang Prabu manjing ing pura, Widhura mungseng kadaton, sang Pandhu sampun pamulya, luar sawang abhiwada, pretanda punggawa dulur, malya samya mungsi kuta.
22. Sang Pandhu prapting puri, ngunggun warna angleh kalesuan, sinungsungan anten karo, Sri Kunti amatur bhaktya, para lawan dewya Madris, punapa rasa pukulun, bina warna semu mohitha,
23. Dudu tan kayeng pralagi, punapana ling sang natha, tuturantaya ring ingwang, sang Pandhu wuwusnia banban, duh sira ranten ingwang karo, mangke gantyaning wang lungsur, besuk tan ngwisesa bwana.
24. Pasamuaning kaka yayi, asing dumon ana putra, kang putra anemu kaprabon, kinungsungan dening jagat, sopana citta mohitwa, dening sira tan pasunu, sapakon lukat pungkuran.
Puh Pangkur
1. Nahan ikana ling nirang, sang Sri Pandhu, Dewi Patah ana-
