Cokorde Darma
"Inggih, Paman! Suwéca pisan Paman ugi kayun rauh natar okané sané karebut olih uledé cenik-cenik, uladalid puniki."
Sambil matakon lantas ketuné kaungkabang. Kagét pesan sang pangalu, i jaran pondong mangatonang kahanan ida. Ipun lantas tatas uning weruh indik Ksatria Darma punika sané mawiwit saking Puri Kadiri sané tan kirangan entut.
"Duh, Ratu Cokorde Darma! Aduh, panyungsungan titiangé, titiang niki, Gusti! Gusti, matangi Gusti!"
Cokorde Darma raris ngandika.
"Uling dibi bena kola suba ngilehin gumi tur jani suba madan Sri Wiratanu. Nira anak suba suud madan I Darma. Sing tawang, ah!"
Si pangangon engon, enggang-enggep lantas kitak-kituk.
"Margi ké I Dewa budal mangkin sareng titiang! Titiang ja ngiringang I Ratu ka puri."
I pangagon lantas nintingang ida. Madian idané sané kantun tulang kakaput antuk kulit, méh-méhan kadi rerégék tunggék berag tégrég. Madian idané sané acekel gonda layu kategul antuk tali kupas masambung-sambung, tanggun lalin kupasé kasambungang ban peselan senjata ané kabaktan ida. Tegulané kadadiang abesik kaatepang ka kuwacané miwah ring ketuné. Muncuk taliné laut kabeléngsotang ka tundun jarané ané pékés, lancig, ramping kadi rasa alah bungan gadungé layu.
31
