Kaca:Cokorde Darma (Don Quixotte Versi Bali).pdf/41

Saking Wikisource
Kaca puniki kavalidasi

I Gusti Putu Antara

I Cograh raris kadandan, Sang ksatria sakadi untang-anting, luntang-lantung, mayunan nglayut ulian prawakan ragané ringan pesan. Ida nglengsot ulung ka marginé lantas kabrorot ngorod rurung. Nanging duk ento, ida marasa malinggih di duur jempanané

Mangkin kacerita pamarpiné nuju ka Puri Sérang, nanying ida marasa kasunggi olih para prayudan musuhé sané madan Ksatria Wirajaya sané wau kakalahang ring pasiatan. Musuhné mrasa kuciwa pisan wiréh kalah masiat sareng Cokorde Darma tur jani dadi jejarahan. Sabenehné. i pangangon jaran ento ané kasengguh musuhé ané sujati sakti maparab Ksatria Wirajaya.

Kocap mangkin, sampun prapta ring purian tur ida kalehang ngranjing. Biang lan ajin idané pramangkin nyaup nyangkol ida, sedih kingking ngatonang okané sambilanga masesambatan ri kala uning cagan okané alah nuluh grémbéngan di pangkungé ngaba sawu ngalih udang ban telebé manut ring lelintihan satua lontar. Ida uning, liu anaké sané ngranayang buduh paling, nyengguhang tur nyambatang apiné misi anak aéng makumis jempé tebel, atub muwah bulun kalesné bréngos ngrimbun. Wenten malih manyengguhang tunggaké galak misi caling tur kapireng suarané capluk-capluk. Taler wénten nyengguhang batun parasé sané ageng irika taler kadénanga misi Sang Hyang Widi tur lantas katakénin,

“Siapa hana irika kadi ingsun, ah?” Ida ngrimik kemak-kemik. Patakén ida ngapak-apak nrawang manga-

32