I Gusti Putu Antara
becik. Titiang sahenehne lintang seneng manginggihang, ngawiaktiang kaselehan miwah kajegegan paras Ni Dewi Ratih. Nanging ke malarapan antukyan sampun kapanggihin, yadin tuara marupa ukudan ragan idane, nggih dados bantas marupa gambar sane baktan I Ratu. Nanging ke ampura pisan, titiang wantah manguningang kemad. Ne sampun kakantenang titiang antuk matan tiliange makekalih, tan lian putrine ring Bandung maparab Siti Komala, miwah Dewi Rukmini ring Toya Arum kenjek sampun kauji kajegegannyane durmaning durung wenten sane prasida nandingin.
Pangadeg idane langsing lanjar, mesem manis, madiane ramping acekel gonda layu. Pamulune luwes lumlum, wantah sakadi Ida Dewi Supraba sane nyalantara turun ka Mayapada matuhin rupan idane ring ratnaning rat. Sapunapi sakadi rawos anake akeh ring jabaan minab sampun manyinahang ida tan wenten reke nglewihin malih?Minab indike Dewi Ratih saking Puri Serang punika kacingak sengat matane, paliatne nujuang bucu kangin kauh, miwah pecehne kantun mretpet mapupul-pupul? Manawi cunguhne cuwat meliat menek. praraine manawi burik capuh tulen tain kebone heseg mitul kadi kena yeh ujan. Nenten kenten Ratuuuuuuu? Inggih, sane sakadi punika sane kanikayang I Ratu melah becik ayu sotaning ratna? Tur tuara ada sane nandingin? Meh-mehan ida sane salahang Widi!"
Menggah pesan Cokorde Darma lantas nimbalin.
"E...e...e ye...ye kai! Bungut ibane jahil.
28
