Cokorde Darma
Nganistayang pesan tuara ngelah pangrasa tur ngitungang rerasan anak len."
Lantas nerumpakang tungganganne saha ngayat muncuk tumbakne nanging manyuduk basang I Cograh nganti nyeriut mageledag. I Cograh labuh ulung nyungkiling glalang-gliling tur keseh-keseh. Ia maguyang wireh ulian beragne miwah layah tan gigis durung polih nasi. Taler ida sareng runtuh tur tuara mrasidayang bangun malih.
I pangalu nyagjagin pada nganggar srobong bungut jaran, katigtigang cedat-cedut agelanga ka tulang igan sang ksatria. Suud keto lantas i pangalu matabikan sambilanga kenyar-kenyir. Wus punika pangalune raris nyerengseng makawon sambilanga matur.
"Inggih Ratu Sang Ksatria. Becik-becikang nggih deriki mamelud dumun, nggih!"
Cecingakan idane makuneng-kunengan, bah di natahe nyelepek. Angkihan idane geris-geris sambilang nah sakit.
Ida bendu pisan wireh i pengaJu nyengguhang ida wong buduh, nganyalin tur ngelempagin tambis-tambis bangka.
Sri Sudarsana kacingak ngluluk bah duur parangane. Kahananne kantun ucem, apisan marupa sakadi anak ngidem sirep miwah apisan sakadi anak nyele ati nenten ja karoan. Nanging, ida mrasa nyeriep ring purian ring duur ranjange gede tur makasur tegeh empuk lemuh sambil nyandingin Dewi Ayu Bulan sirep. Taler karasa-rasayang
29
