[᭑᭗ 17B]
᭑᭗
᭞ᬲᬸᬲᬸᬧ᭄ᬢᬀᬘᬦ᭄ᬤ᭄ᬭᬲᬓᬮᬀ᭞ᬢᬹᬃᬬ᭄ᬬᬵᬲ᭄ᬨᬝᬶᬓᬵᬲᬦᬶᬪᬀ᭛ᬧᬸᬢᬶᬄᬯᬃᬡ᭄ᬦᬦᬶᬂᬚᬵᬕ᭄ᬭᬧᬤᬵ᭞ᬓᬵᬤᬶᬯᬃᬡ᭄ᬦᬦᬶᬂᬗᬵᬤᬶᬢ᭄ᬬᬵ᭞ᬇᬓᬂᬲ᭄ᬯ
ᬧ᭄ᬦᬧᬤ᭄ᬥᬵ᭞ᬓᬤᬶᬯᬸᬮᬦ᭄ᬯᬃᬡ᭄ᬦᬦ᭄ᬬ᭞ᬇᬓᬂᬲᬸᬲᬸᬧ᭄ᬢᬧᬤ᭞ᬓᬤᬶᬲ᭄ᬨᬝᬶᬓᬵ᭞ᬯᬃᬡ᭄ᬦᬦᬶᬓᬂᬢᬹᬃᬬ᭄ᬬᬵᬧᬤ᭄ᬥᬵ᭞ᬓᬤᬶᬰᬗ᭄ᬓᬫᬢᬶ᭛ᬢᬹᬃᬬ᭄ᬬᬵ
ᬦ᭄ᬢᬭᬹᬧᬰᬗ᭄ᬓᬰᬀ᭞ᬓᬾᬯᬮ᭄ᬬᬀᬓᬜ᭄ᬘᬓᭀᬘ᭄ᬬᬢᬾ᭞ᬭᬵᬢ᭄ᬫᬯᬢ᭄ᬧᬭᬓᬾᬯᬮ᭄ᬬᬀ᭞ᬧᬭᬀᬓᬾᬯᬮ᭄ᬬᬀᬰᬦ᭄ᬢᬶᬓᬀ᭛ᬯᬃᬡ᭄ᬦᬦᬶᬂᬢᬹᬃᬬ᭄ᬬ᭠
ᬦ᭄ᬢ᭞ᬓᬤᬶᬧᬶᬭᬓ᭄᭞ᬯᬃᬡ᭄ᬦᬦᬶᬂᬓᬾᬯᬮ᭄ᬬ᭞ᬓᬤᬶᬳ᭄ᬫᬲ᭄᭞ᬯᬃᬡ᭄ᬦᬦᬶᬂᬧᬭᬫᬓᬾᬯᬮ᭄ᬬ᭞ᬅᬦᬧ᭄ᬭᬪᬲ᭄ᬯᬭᬚᬸᬕ᭞ᬲᬂᬓ᭄ᬱᬾᬧᬦ᭄ᬬ᭞ᬇᬓᬂᬧᬭᬫ
[᭑᭘ 18A]
᭑᭘
ᬓᬾᬯᬮ᭄ᬬ᭞ᬓᬢ᭄ᬫᬸᬓᬮ᭄ᬧᬲᬦ᭄᭛ᬧᬤᬀᬚᬵᬕ᭄ᬭᬦ᭄ᬢᬸᬩ᭄ᬭᬵᬳ᭄ᬫᬰ᭄ᬘ᭞ᬲ᭄ᬯᬧ᭄ᬦᬯᬶᬱ᭄ᬡ᭄ᬯᬧᬤᬀᬢᬣᬵ᭞ᬲᬸᬲᬸᬧ᭄ᬢᬜ᭄ᬘᬚᬤᬀᬭᬸᬤ᭄ᬭᬄ᭞ᬢᬹᬃᬬ᭄ᬬᬵᬧᬤᬀᬫ
ᬳᬾᬰ᭄ᬯᬭᬀ᭛ᬳ᭄ᬬᬂᬦᬶᬓᬂᬚᬵᬕ᭄ᬭᬧᬤ᭄ᬥᬵ᭞ᬲᬂᬳ᭄ᬬᬂᬩ᭄ᬭᬳ᭄ᬫᬵ᭞ᬳ᭄ᬬᬂᬦᬶᬓᬂᬲ᭄ᬯᬧ᭄ᬦᬧᬤᬵ᭞ᬲᬂᬳ᭄ᬬᬂᬯᬶᬱ᭄ᬡᬸ᭞ᬳ᭄ᬬᬂᬦᬶᬓᬂᬲᬸᬲᬸᬧ᭄ᬢᬧᬤ᭞ᬲᬂᬳ᭄ᬬᬂᬭᬸᬤ᭄ᬭ᭞ᬳ᭄ᬬᬂ
ᬦᬶᬓᬂᬢᬹᬃᬬ᭄ᬬᬧᬤᬵ᭞ᬲᬂᬳ᭄ᬬᬂᬫᬳᬾᬰ᭄ᬯᬭᬵ᭛ᬢᬹᬃᬬ᭄ᬬᬵᬦ᭄ᬢᬵᬰ᭄ᬘᬫᬳᬵᬤᬾᬯᬶᬀ᭞ᬦᬫᬰᬶᬯᬧᬤᬀᬢᬣ᭞ᬧᬭᬫᬦᬜ᭄ᬘᬓᬾᬯᬮ᭄ᬬᬀ᭞ᬧᬭᬀᬓᬾ
ᬯᬮ᭄ᬬᬀᬰᬦ᭄ᬢᬶᬓᬀ᭛ᬳ᭄ᬬᬂᬦᬶᬓᬂᬢᬹᬃᬬ᭄ᬬᬦ᭄ᬢ᭞ᬲᬂᬳ᭄ᬬᬂᬫᬳᬵᬤᬾᬯᬵ᭞ᬲᬶᬭᬢᬲᬶᬦᬵᬗ᭄ᬕᬸᬄᬧᬤᬗᬭᬦ᭄ᬬᬵ᭞ᬳ᭄ᬬᬂᬦᬶᬓᬂᬓᬾᬯᬮ᭄ᬬ᭞ᬲᬂᬳ᭄ᬬᬂᬇ
