[᭑᭖ 16B]
᭑᭖
ᬗᬭᬦ᭄ᬬᬵ᭞ᬇᬓᬂᬲ᭄ᬯᬧ᭄ᬦᬧᬤ᭞ᬬᬢ᭄ᬭᬾᬢᬗᬭᬦ᭄ᬬᬵ᭞ᬇᬓᬂᬲᬸᬲᬸᬧ᭄ᬢᬧᬤ᭞ᬬᬤ᭄ᬯᬧᬭᬵᬗᬭᬵᬦ᭄ᬬᬵ᭞ᬇᬓᬂᬢᬹᬃᬬ᭄ᬬᬧᬤ᭞ᬬᬓᬵᬮᬶᬲᬗ᭄ᬳ
ᬭᬗᬭᬦ᭄ᬬᬵ᭛ᬦᬵᬪᬶᬫᬸᬮᬾᬪᬵᬯᬾᬢ᭄ᬚᬕ᭄ᬭᬶᬀ᭞ᬲ᭄ᬯᬧ᭄ᬦᬳᬺᬤᬬᬫᬸ᭠ᬘ᭄ᬙ᭄ᬬᬢᬾ᭞ᬳᬺᬤᬬᬦ᭄ᬢᬶᬲᬸᬲᬸᬧ᭄ᬢᬜ᭄ᬘ᭞ᬲ᭄ᬯᬕ᭄ᬭᬀᬢᬸᬃᬬ᭄ᬬᬵᬫᬶᬳᭀᬘ᭄ᬙ᭄ᬬᬢᬾ᭛ᬭᬶᬂ
ᬯᬶᬢ᭄ᬦᬶᬂᬧᬸᬲᭂᬃᬬᬲᬶᬦᬗ᭄ᬕᬸᬄᬚᬵᬕ᭄ᬭᬧᬥ᭞ᬭᬶᬂᬗᬵᬢᬶᬬᬲᬶᬦᬗ᭄ᬕᬸᬄᬲ᭄ᬯᬧ᭄ᬦᬧᬥ᭞ᬬ᭄ᬭ᭄ᬬᬵᬖ᭄ᬭᬦᬶᬂᬳᬺᬤᬬ᭞ᬬᬲᬶᬦᬗ᭄ᬕᬸᬄᬲᬸᬲᬸᬧ᭄ᬢᬧᬥ᭞ᬭᬶᬢᬸᬂᬢᬸᬂᬦᬶᬂᬕᬸ
ᬭᬸᬂᬕᬸᬭᬸᬗᬦ᭄᭞ᬬᬢᬹᬃᬬ᭄ᬬᬧᬤᬗᬭᬦ᭄ᬬᬵ᭞ᬫᬗ᭄ᬓᬦᬮᬶᬂᬪᬝᬵᬭᬵ᭛ᬮᬮᬝᭀᬰ᭄ᬘᬾᬯᬢᬹᬃᬬ᭄ᬬᬦ᭄ᬢᬀ᭞ᬓᬾᬯᬮ᭄ᬬᬀᬜ᭄ᬘᬫᬡᬀᬲ᭄ᬣᬶᬢᬀ᭞ᬰᬶᬯᬀ᭠
[᭑᭗ 17A]
᭑᭗
ᬧᬭᬫᬀᬓᬾᬯᬮ᭄ᬬᬀ᭞ᬲᬹᬓ᭄ᬱ᭄ᬫᬦ᭄ᬢᬦᬧ᭄ᬭᬓᬶᬃᬢ᭄ᬢᬶᬢᬀ᭛ᬇᬂᬭᬳᬶᬫᬸᬗ᭄ᬕᬸᬄᬢᬹᬃᬬ᭄ᬬᬵᬦ᭄ᬢᬵ᭞ᬭᬶᬂᬧᬡᬶᬫᬸᬗ᭄ᬕᬸᬄᬓᬾᬯᬮ᭄ᬬ᭞ᬭᬶᬗ᭄ᬳᬸᬮᬸᬫᬸᬗ᭄ᬕᬸᬄᬧᬭᬫᬓᬾ᭠
ᬯᬮ᭄ᬬ᭞ᬦᬵᬳᬦᬶᬓᬲᬧ᭄ᬢᬲᬹᬓ᭄ᬱ᭄ᬫᬧᬶᬡ᭄ᬥᬗᬭᬦ᭄ᬬᬯᬶᬄ᭛ᬧᬹᬃᬯ᭄ᬯᬳ᭄ᬦᬾᬚᬵᬕ᭄ᬭᬫᬶᬘ᭄ᬬᬸᬓ᭄ᬢᬀ᭞ᬫᬥ᭄ᬬᬵᬳ᭄ᬦᬾᬲ᭄ᬯᬧ᭄ᬦᬫᬾᬯᬘ᭄ᬙ᭞ᬅᬧᬭᬳ᭄ᬦᬾ᭠
ᬲᬸᬲᬸᬧ᭄ᬢᬜ᭄ᬘ᭞ᬭᬵᬢ᭄ᬭ᭄ᬬᬵᬢᬹᬃᬬ᭄ᬬᬫᬶᬳᭀᬘ᭄ᬙ᭄ᬬᬢᬾ᭛ᬇᬓᬂᬚᬕ᭄ᬭᬧᬤ᭞ᬬᬲᬓᬢᬫ᭄ᬩᬾ᭞ᬇᬓᬂᬲ᭄ᬯᬧ᭄ᬦᬧᬤ᭞ᬬᬢ᭄ᬗᬄᬗ᭄ᬯᬾ᭞ᬇᬓᬂ
ᬲᬸᬲᬸᬧ᭄ᬢᬵᬧᬤᬵ᭞ᬬᬲᭀᬭᬾ᭞ᬇᬓᬂᬢᬸᬃᬬ᭄ᬬᬧᬤᬵ᭞ᬬᬯ᭄ᬗᬶ᭛ᬰᬸᬓ᭄ᬮᬯᬃᬡ᭄ᬦᭀᬪᬵᬯᬢ᭄ᬚᬵᬕ᭄ᬭᬀ᭞ᬲ᭄ᬯᬧ᭄ᬦᬜ᭄ᬘᬭᬯᬶᬰᬸᬤ᭄ᬥᬶᬦᬀ
