[᭗᭖ 76B]
᭗᭖
ᬢᬶᬰ᭄ᬘᬯᬵᬫᬳᬵᬤᬾᬯᬄᬰᬹᬦ᭄ᬬᬀᬘᬧᬭᬫᬄᬰᬶᬯᬄ᭟᭘᭒᭟ᬇᬓᬂᬧ᭄ᬭᬓᬺᬢᬶᬬᬲᬶᬦᬗ᭄ᬕᬸᬄᬯ᭄ᬗᬶ᭞ᬲᬂᬧᬸᬭᬸᬱᬲᬶᬭᬲᬶᬦᬗ᭄ᬕᬸᬄᬆᬤᬶᬢ᭄ᬬ᭞ᬲᬂᬳ᭄ᬬᬂᬫᬳᬵᬤᬾᬯᬲᬷᬭᬧᬶᬦᬓᬢᬾᬚ᭞ᬪᬝᬵᬭᬰᬶᬯᬲᬶᬭ
ᬰᬹᬦ᭄ᬬ᭞ᬲᬶᬭᬢᬬᬸᬓ᭄ᬢᬶᬓᬯ᭄ᬭᬸᬳᬦ᭞ᬫᬳᬵᬚ᭄ᬜᬵᬦᬾᬫᬳᬵᬕᬸᬳ᭄ᬬᬀᬲᬃᬯ᭄ᬯᬪᬵᬯᬾᬱᬸᬦᬶᬢ᭄ᬬᬰᬄ᭞ᬯ᭄ᬬᬓ᭄ᬢᬵᬯ᭄ᬬᬓ᭄ᬢᬧᬭᬶᬢ᭄ᬬᬵᬚ᭄ᬬᬾᬉᬧᬤᬾᬰᭀᬦᬶᬕᬤ᭄ᬬᬢᬾ᭟᭘᭓᭟ᬇᬓᬂᬚ᭄ᬜᬵᬦᬫᬳᬵᬚ᭄ᬜᬵᬦᬗᬭᬦ᭄ᬬ
᭞ᬧᬸᬢᬸᬲ᭄ᬦᬶᬂᬕᬸᬳ᭄ᬬ᭞ᬦᬶᬢ᭄ᬬᬳᬦᬦ᭄ᬬᬭᬶᬂᬲᬃᬯ᭄ᬯᬪᬵᬯᬓᬩᬾᬄ᭞ᬇᬓᬂᬯ᭄ᬬᬓ᭄ᬢ᭞ᬅᬯ᭄ᬬᬓ᭄ᬢ᭞ᬬᬵᬢᬾᬓᬳᬃᬬ᭄ᬬᬓ᭄ᬦ᭞ᬬᬢᬉᬧᬤᬾᬰᬗᬭᬦ᭄ᬬ᭟ᬫᬳᬵᬚ᭄ᬜᬦᬾᬫᬳᬵᬓᬣᬵᬀᬓᬺᬱ᭄ᬡᬵᬧᬸᬱ᭄ᬧᬤ᭄ᬬᬢᬾᬰᬶ
ᬯᬄ᭞ᬰᬱ᭄ᬬᬵᬦᬸᬕ᭄ᬭᬳᬩᭀᬥᬦᬾᬏᬢᬢ᭄ᬢᬾᬫᬗ᭄ᬕᬮᬀᬤᬤ᭄ᬫᬄ᭟᭘᭔᭟ᬅᬦᬸᬂᬉᬫᬗᭂᬦᬗᭂᬦᬶᬓᬂᬚ᭄ᬜᬵᬦᬓᬩᬾᬄ᭞ᬓᬳᬦᬦ᭄ᬬᬪᬝᬵᬭᬰᬸᬯᬚᬸᬕ᭞ᬲᬶᬭᬢᬓᬳᬦᬦᬶᬭᬧᬶᬄ᭞ᬇᬓᬢᬤᭀᬦ᭄ᬪᬝᬵ
[᭗᭗ 77A]
ᬭ᭞ᬫᬢᬦ᭄ᬬᬦ᭄ᬕᬯᬬᬓᭂᬦ᭄ᬢᬾᬓᬂᬓᬃᬫ᭄ᬫ᭞ᬫ᭄ᬯᬗᬫᬶᬦ᭄ᬢᭀᬦᬓᭂᬦ᭄ᬓᬸᬰᬮ᭞ᬭᬷᬳ᭄ᬬᬸᬦᬶᬭᬦ᭄ᬳᬸᬫᬦᬸᬕ᭄ᬭᬳᬵᬦᬇᬓᬇᬭᬶᬓᬶᬢ᭟ᬫᬳᬵᬚ᭄ᬜᬵᬦᬾᬫᬳᬵᬢᬢ᭄ᬢ᭄ᬯᬀᬲᬫᬵᬧ᭄ᬢᬵᬇᬳᬲᬀᬰᬬᬵᬄ᭞ᬆ
ᬢ᭄ᬫᬮᬶᬗ᭄ᬕᬾᬰᬶᬯᬄᬲ᭄ᬣᬶᬢᬄᬰᬹᬦ᭄ᬬᬰᬹᬦ᭄ᬬᬵᬦ᭄ᬢᬭᬾᬢᬣᬵ᭟᭘᭕᭟ᬇᬗ᭄ᬓᬾᬲᬂᬳ᭄ᬬᬂᬫᬳᬵᬚ᭄ᬜᬵᬦ᭞ᬫᬳᬵᬢᬢ᭄ᬢ᭄ᬯ᭞ᬲᬶᬭᬯᬶᬰᬾᬱᬦᬶᬂᬢᬢ᭄ᬢ᭄ᬯ᭞ᬲᬫᬵᬧ᭄ᬢᬢᬸᬮᬸᬲ᭄ᬢ᭄ᬓᬭᬶᬂᬤᬶᬦᭀᬦ᭄ᬬ᭞ᬳᬬ᭄ᬯᬢᬲᬂᬰᬬᬓᬶᬢᬵᬦᬓᬸᬲᬂᬓᬸ
ᬫᬭ᭟ᬆᬢ᭄ᬫᬮᬶᬗ᭄ᬕᬾᬰᬶᬯᬄᬲ᭄ᬣᬶᬢᬄ᭟ᬪᬝᬵᬭᬰᬶᬯᬲᬶᬭᬉᬫᬸᬗ᭄ᬕᬸᬄᬭᬶᬗᬵᬢ᭄ᬫᬮᬶᬗ᭄ᬕ᭟ᬰᬹᬦ᭄ᬬᬰᬹᬦ᭄ᬬᬵᬦ᭄ᬢᬭᬾᬢᬣᬵ᭟ᬲᬶᬦᬗ᭄ᬕᬸᬄᬰᬹᬦ᭄ᬬᬗᬭᬦ᭄ᬬ᭟ᬚ᭄ᬜᬵᬦᬀᬲᬀᬓ᭄ᬱᬾᬧᬢᭀᬳ᭄ᬬᬢ᭄ᬭᬚ᭄ᬜᬵᬦᬲᬦ᭄ᬥᬶᬰ᭄ᬘᬧ᭄ᬭᭀᬘ᭄ᬬᬢᬾ
᭞ᬚ᭄ᬜᬵᬦᬫᬾᬢᬦ᭄ᬫᬳᬵᬕᬸᬳ᭄ᬬᬀᬬᬢ᭄ᬦᬵᬤ᭄ᬕᬺᬳ᭄ᬦᬷᬢᬧᬸᬢ᭄ᬭᬓᬄ᭟᭘᭖᭟ᬇᬓᬾᬲᬂᬳ᭄ᬬᬂᬚ᭄ᬜᬵᬦ᭞ᬬᬕᬳ᭄ᬬ᭞ᬧᬵᬚᬃᬓᬸᬭᬶᬓᬶᬢᬵᬦᬓᬸᬲᬂᬓᬸᬫᬵᬭ᭞ᬬᬢᬾᬓᬬᬵᬢ᭄ᬦᬵᬓ᭄ᬦᬦ᭄ᬢᬵᬦᬓᬸ᭞ᬬᬦ᭄ᬫᬳ᭄ᬬᬸᬦᬶᬂᬧᬤᬯᬶᬰᬾ
Kaca:Bali-lontar-tatwa-maha-jnana-300ppi.pdf/77
Kaca puniki sampun kauji-wacén
