[᭗᭕ 75B]
᭗᭕
ᬢ᭄ᬯᬵᬰᬵᬦ᭄ᬢᬶᬫᬵᬧ᭄ᬦᬸᬬᬵᬢ᭄᭟᭗᭙᭟ᬇᬓᬢᬯᬶᬤᬾᬲᬂᬕᬸᬭᬸ᭞ᬲᬮᬂᬲᬂᬳ᭄ᬬᬂᬰᬵᬲ᭄ᬢ᭄ᬭᬢᬄ᭞ᬤᬾᬯᬦᬶᬭᬬᬦ᭄ᬧᬯᬾᬄᬓᬮ᭄ᬧᬲᬦ᭄᭞ᬳᬲ᭄ᬯᬲᬶᬫᬤ᭄ᬯᬵᬭᬵᬓᭂᬦ᭄᭞ᬫᬗ᭄ᬓᬦᬤᬾᬦᬶᬭᬦ᭄ᬫᬯᬾᬄᬉᬧᬤᬾᬰ᭞ᬳᬬ᭄ᬯᬲᬶᬭᬫᬗᬶᬘ᭄ᬙᬵ
ᬯᬶᬄ᭞ᬅᬧᬦ᭄ᬲᬂᬳ᭄ᬬᬂᬰᬵᬲ᭄ᬢ᭄ᬭᬧᬗᬮᬧᬦ᭄ᬭᬲ᭞ᬧᬥᬲᬶᬭᬮᬯᬦ᭄ᬰᬵᬦ᭄ᬢᬶ᭞ᬧᬗᬮᬧᬦ᭄ᬫᬥᬸᬧᬵᬣᬭ᭄᭞ᬲᬂᬳ᭄ᬬᬂᬑᬁᬓᬵᬭᬧ᭄ᬯᬲᬶᬭᬫᬸᬮᬶᬄᬗᬫᬸᬢ᭄ᬧᬸᬢᬸᬲ᭄ᬦᬶᬂᬤᬶᬯ᭄ᬬ᭞ᬕᭂᬕᭃᬦ᭄ᬇᬥᭂᬧᭂᬦ᭄᭞ᬅᬗᭂᬦᬗᭂᬦᭂᬦ᭄᭞ᬧ
ᬫᬵᬃᬢ᭄ᬣᬦ᭄ᬬ᭞ᬳᬦᬧ᭄ᬯᬲᬶᬭᬲᬂᬯ᭄ᬭᬸᬄᬧᬶᬦᬓᬲ᭄ᬯᬫᬶᬦᬶᬂᬭᬵᬢ᭄᭞ᬫ᭄ᬯᬂᬲᬂᬯ᭄ᬭᬸᬄᬭᬶᬲᬂᬧᬶᬦᬓᬦᬶᬫᬶᬢ᭄ᬢᬦᬶᬗᬚᬶ᭞ᬲᬶᬭᬢᬳᬸᬫᬗ᭄ᬕᬸᬄᬲᬂᬳ᭄ᬬᬂᬓᬮ᭄ᬧᬲᬦ᭄᭞ᬯ᭄ᬬᬓ᭄ᬢᬀᬘᬧ᭄ᬭᬓᬺᬢᬶᬂᬯᬶᬤ᭄ᬬᬵᬤᬯ᭄ᬬᬓ᭄ᬢᬀᬧᬸᬭᬸᬱᬀᬯᬶᬤᬸᬄ᭞ᬢᬬᭀᬭᬲᬤ᭄
ᬯ᭄ᬬᬓ᭄ᬢᬀᬲᬘ᭄ᬘᬧᬸᬭᬸᬱᬫᬯ᭄ᬬᬓ᭄ᬢᬀᬧᬶᬤᬸᬄ᭟ᬇᬓᬂᬧ᭄ᬭᬓᬺᬢᬶ᭞ᬬᬲᬶᬦᬗ᭄ᬕᬸᬄᬯ᭄ᬬᬓ᭄ᬢᬗᬭᬦ᭄ᬬ᭞ᬯ᭄ᬬᬓ᭄ᬢᬗᬭᬦ᭄ᬬ᭞ᬢᬦ᭄ᬳᬦᬢ᭄ᬗᬄᬦᬶᬓᬂᬭ᭄ᬯ᭞ᬳᬦᬢᬲᬶᬭᬲᬂᬧᬸᬭᬸᬱᬗᬭᬦᬶᬭ᭞ᬚᬵᬢᬶᬦᬶᬭᬦᬶᬃᬯ᭄ᬯᬶᬓᬵᬭᬧ᭄ᬭᬓᬺᬢᬶᬗᬭᬦᬶᬭ᭞ᬲᬶ
[᭗᭖ 76A]
ᬭᬢᬬᬸᬓ᭄ᬢᬶᬓᬯ᭄ᬭᬸᬳᬦᬓᬫᬸᬂᬓᬸᬫᬵᬭ᭟ᬬᬣᬵᬲ᭄ᬯᬯᬺᬢ᭄ᬢᬶᬢᭀᬬᬦ᭄ᬢᬶᬘᬦ᭄ᬤ᭄ᬭᬓᬵᬦ᭄ᬢᬲ᭄ᬬᬭᬰ᭄ᬫᬶᬯᬢ᭄᭞ᬢᬣᬵᬲ᭄ᬣᬾᬬᬫᬣᬢᬹᬃᬬ᭄ᬬᬀᬚᬵᬕ᭄ᬭᬢ᭄ᬲ᭄ᬯᬧ᭄ᬦᬲᬸᬱᬸᬧ᭄ᬢᬓᬫ᭄᭟᭘᭐᭟ᬓᬸᬦᬂᬗᬶᬓᬂᬢᬹᬃᬬ᭄ᬬᬧᬤ᭞ᬬᬤᬸ
ᬫᬾᬄᬫᭀᬮᬄ᭞ᬇᬓᬂᬚᬵᬕ᭄ᬭᬲ᭄ᬯᬧ᭄ᬦᬲᬸᬱᬸᬧ᭄ᬢ᭞ᬫᬕᬦ᭄ᬢᬶᬫᭀᬮᬄ᭞ᬇᬦᬸᬮᬳᬓᭂᬦ᭄ᬧ᭄ᬯᬬᬤᬾᬦᬶᬂᬢᬹᬃᬬ᭄ᬬ᭞ᬬᬫᬢᬂᬦ᭄ᬬᬦ᭄ᬯ᭄ᬦᬂᬫᬓᭀᬮᬄᬕᬯᬾᬦ᭄ᬬ᭞ᬬᬢᬦ᭄ᬬᬦ᭄ᬓᬧᬗ᭄ᬕᬸᬳᬲ᭄ᬯᬯᬺᬢ᭄ᬢᬶᬦ᭄ᬬ᭞ᬓ
ᬤ᭄ᬬᬗ᭄ᬕᬦᬶᬂᬢᬾᬓᬗ᭄ᬓᬢᬹᬢ᭄ᬲ᭄ᬯᬯᬺᬢ᭄ᬢᬶᬦᬶᬂᬯᬸᬮᬦ᭄᭟ᬭᬸᬤ᭄ᬭᬮᭀᬓᬾᬢᬣᬵᬫᬵᬢᬵᬇᬰ᭄ᬯᬭᭀᬯᬵᬢᬣᬵᬯᬶᬢᬵ᭞ᬕᬸᬭᬸᬃᬯ᭄ᬯᬵᬧᬶᬫᬳᬵᬤᬾᬯᬇᬢᬶᬤᬾᬯᬯᬶᬤᭀᬯᬶᬤᬸᬄ᭟᭘᭑᭟ᬲᬂᬳ᭄ᬬᬂᬋᬱᬶᬇᬩᬸᬦ᭄ᬢ᭞ᬲᬂᬳ᭄ᬬᬂᬇᬰ᭄ᬯ
ᬭᬩᬧᬦ᭄ᬢ᭞ᬲᬂᬳ᭄ᬬᬂᬫᬳᬵᬤᬾᬯᬲᬶᬭᬕᬸᬭᬸᬓᬓᬶᬦ᭄ᬢ᭞ᬦᬳᬦ᭄ᬮ᭄ᬯᬶᬃᬦᬶᬂᬤᬾᬯᬢᬧᬶᬦᬓᬵᬚᬵᬢᬶᬦ᭄ᬬ᭞ᬧᬶᬦᬓᬯᬶᬢᬦ᭄ᬢ᭞ᬮᬶᬂᬲᬂᬯ᭄ᬭᬸᬄᬭᬲᬦᬶᬂᬢᬢ᭄ᬢ᭄ᬯ᭟ᬭᬵᬢ᭄ᬭᬶᬰ᭄ᬘᬧ᭄ᬭᬓᬺᬢᬶᬃᬚ᭄ᬜᬾᬬᬵᬭᬯᬶᬱ᭄ᬡᬧᬸᬭᬸᬱᬲ᭄ᬢᬣᬵ᭞ᬤ᭄ᬬᬸ
Kaca:Bali-lontar-tatwa-maha-jnana-300ppi.pdf/76
Kaca puniki sampun kauji-wacén
