[᭕᭓ 53B]
᭕᭓
ᬫᬦᬶᬂᬘᬾᬢᬦᬯᬶᬦᬓᬳᬬᬸ᭞ᬓᬸᬫ᭄ᬯᬧ᭄ᬯᬮᬶᬂᬦ᭄ᬬ᭞ᬲᬂᬳ᭄ᬬᬂᬯᬶᬰᬾᬱ᭞ᬫᬮᬸᬬᬓ᭄ᬦᬵᬦ᭄ᬢᬯᬶᬰᬾᬱ᭞ᬫᬧᬤᬾᬦᬶᬗᬸᬫᬮᬸᬬᬓ᭄ᬦᬲᬶᬭᬭᬶᬂᬅᬦᬦ᭄ᬢᬯᬶᬰᬾᬱ᭞ᬦᬶᬳᬦ᭄ᬢᬢᬹᬃᬬ᭄ᬬᬵᬦ᭄ᬢᬧᬤ᭞ᬚᬸᬕᬧᬶᬦᬓᬵ
ᬯᬓ᭄ᬤᬾᬦᬶᬂᬲᬫᬵᬥᬶ᭞ᬢᬹᬃᬬ᭄ᬬᬵᬦ᭄ᬢᬧᬤ᭞ᬗᬭᬦ᭄ᬬ᭞ᬮᬸᬧᬸᬢ᭄ᬲᬓᬾᬂᬭ᭄ᬯ᭞ᬭ᭄ᬯᬗᬭᬦ᭄ᬬ᭞ᬢᬦ᭄ᬳᬦ᭄ᬢᬬ᭞ᬓᬮᬶᬗᬦ᭄ᬬ᭞ᬅᬘ᭄ᬙᬾᬤ᭄ᬬ᭞ᬅᬮᬶᬢ᭄ᬲᬓᬭᬶᬗᬮᬶᬢ᭄᭞ᬲᬹᬓ᭄ᬱ᭄ᬫ
ᬲᬓᬭᬶᬂᬲᬹᬓ᭄ᬱ᭄ᬫ᭞ᬮᬸᬧᬸᬢ᭄ᬲᬓᬭᬶᬂᬧᬭᬯ᭄ᬬᬵᬧᬵᬭ᭞ᬫᬭᬶᬲᬃᬯ᭄ᬯᬚ᭄ᬜᬲᬃᬯ᭄ᬯᬓᬵᬃᬬ᭄ᬬᬓᬃᬢ᭄ᬢᬵ᭞ᬓᬾᬯᬮᬦᬶᬱ᭄ᬧ᭄ᬭᬬᭀᬚᬦᬚᬸᬕᬢᬦ᭄ᬮᬓᬸ᭞ᬢᬦ᭄ᬳᬶᬮᬶ᭞ᬢᬦ᭄ᬮᬶᬫ᭄ᬗᬓ᭄᭞ᬢᬦ᭄ᬧᭀᬮᬄ᭞ᬅᬲ᭄ᬣᬶᬢᬶ
ᬉᬫᬶᬥᭂᬂᬚᬸᬕ᭞ᬬᬾᬓᬲᬶᬦᬗ᭄ᬕᬸᬄᬲᬫᬵᬥᬶᬬᭀᬕᬗᬭᬦ᭄ᬬ᭞ᬅᬧᬦ᭄ᬲᬫᬵᬥᬶᬗᬭᬦ᭄ᬬᬧᬶᬦᬓᬵᬧᬸᬲᬧᬸᬲ᭄ᬦᬶᬂᬲᬵᬥᬦᬓᬩᬾᬄ᭞ᬦᬳᬦ᭄ᬓᬲ᭄ᬣᬶᬢ᭄ᬬᬦ᭄ᬪᬝᬵᬭᬲᬤᬵᬰᬶᬯᬢᬢ᭄ᬯ᭞ᬬᬾᬓᬲᬶ
[᭕᭔ 54A]
ᬦᬗ᭄ᬕᬸᬄᬫᬮᬸᬬᬭᬶᬗᬦ᭄ᬢᬯᬶᬰᬾᬱᬗᬭᬦ᭄ᬬ᭟᭐᭟ᬬᬧ᭄ᬯᬦ᭄ᬫᬗ᭄ᬓᬦᬮ᭄ᬯᬶᬃᬦᬶᬓᬂᬲᬫᬵᬥᬶ᭞ᬓᬧᬗ᭄ᬕᬸᬄᬤᬾᬲᬂᬬᭀᬕᬶᬰ᭄ᬯᬭ᭞ᬯ᭄ᬬᬓ᭄ᬢᬲᬶᬭᬫᬓᬤᬺᬩ᭄ᬬᬓᬵᬱ᭄ᬝᬾᬰ᭄ᬯᬃᬬ᭄ᬬᬦ᭄ᬫᬗ᭄ᬮᬾᬭᬶᬂᬲᬓᬮ᭞ᬅᬧ
ᬲᬶᬦᬗ᭄ᬕᬸᬄᬓᬵᬱ᭄ᬝᬾᬰ᭄ᬯᬃᬬ᭄ᬬᬦ᭄ᬗᬭᬦ᭄ᬬ᭞ᬅᬦᬸᬗ᭄ᬕᬂᬲᬵᬫ᭄ᬧᬸᬦ᭄ᬫᬦᭂᬫ᭄ᬯᬓᭂᬦ᭄ᬬᭀᬕᬯᬶᬰᬾᬱ᭞ᬳᬦᬓᬲᬶᬤ᭄ᬥ᭄ᬬᬦ᭄ᬗᬭᬦ᭄ᬬ᭞ᬦᬶᬳᬦ᭄᭞ᬅᬖᬶᬫᬵ᭞ᬫᬳᬶᬫᬵ᭞ᬧ᭄ᬭᬵᬧ᭄ᬢᬶ᭞ᬧ᭄ᬭᬵᬓᬵᬫ᭄ᬬ᭞ᬇ
ᬰᬶᬢ᭄ᬯ᭞ᬯᬰᬶᬢ᭄ᬯ᭞ᬬᬢ᭄ᬭ᭄ᬯᬓᬵᬫᬵᬯᬲᬵᬬᬶᬢ᭄ᬭ᭞ᬅᬡᬶᬫᬵᬗᬭᬦ᭄ᬬ᭞ᬇᬓᬵᬯᬓ᭄ᬲᬂᬬᭀᬕᬷᬰ᭄ᬯᬭ᭞ᬕᬡᬮ᭄ᬢᬫ᭄ᬩᬬᬦ᭄᭞ᬯ᭄ᬓᬲᬦᬮᬶᬢ᭄᭞ᬲᬹᬓ᭄ᬱ᭄ᬫ᭞ᬬᬢᬫᬢᬂᬦ᭄ᬬᬦ᭄ᬲᬂᬬᭀᬕᬷᬰ᭄ᬯᬭᬯ᭄ᬦᬂᬲ
ᬧᬭᬦᬶᬭ᭞ᬢᬦ᭄ᬓᬢᬳᬦ᭄ᬲᬶᬭᬤᬾᬦᬶᬂᬕᬸᬦᬸᬂᬯᬢᬸ᭞ᬯ᭄ᬦᬂᬢᬲᬶᬭᬵᬲᬶᬮᬸᬭᬸᬧᬶᬂᬮ᭄ᬫᬄ᭞ᬢᬦ᭄ᬳᬦᬫᬥᬦᬓᬾᬰ᭄ᬯᬃᬬᬦᬶᬭ᭞ᬬᬾᬓᬲᬶᬦᬗ᭄ᬕᬸᬄᬅᬡᬶᬫᬵᬗᬭᬦ᭄ᬬ᭟ᬮᬖᬶᬫᬵᬗᬭᬦ᭄ᬬ᭞ᬇ
Kaca:Bali-lontar-tatwa-maha-jnana-300ppi.pdf/54
Kaca puniki sampun kauji-wacén
