[᭕᭒ 52B]
᭕᭒
ᬳᬦᬕᬯᬾᬳᬮᬢᬧ᭄ᬯᬦ᭄ᬪᬶᬦᬸᬓ᭄ᬢᬶ᭞ᬨᬮᬦ᭄ᬬᬓᬮᬶᬗᬦᬶᬓ᭞ᬅᬢᬧ᭄ᬭᬶᬳᭂᬦ᭄ᬕ᭄ᬲᭂᬗᬦᬤᬾᬲᬂᬬᭀᬕᬷᬰ᭄ᬯᬭ᭞ᬯᬗᬸᬦᭂᬦᬶᬭᬾᬓᬂᬲᬫᬵᬥᬶ᭞ᬫᬸᬯᬄᬲᬂᬳ᭄ᬬᬂᬲᬧ᭄ᬢᬵᬕ᭄ᬦᬶ᭞ᬋᬕᬧᬶᬦᬶᬭ᭞ᬯᬾ
ᬳᭂᬦ᭄ᬧ᭄ᬭᬓᬵᬰᬇᬓᬂᬲᬫᬵᬥᬶ᭞ᬫᬓᬵᬯᬓᬂᬢᬸᬢᬸᬃᬲᬃᬯ᭄ᬯᬚ᭄ᬜ᭞ᬲᬃᬯ᭄ᬯᬓᬵᬃᬬ᭄ᬬᬓᬃᬢ᭄ᬢᬵ᭞ᬬᬧ᭄ᬭᬦᬾᬦᬓ᭄ᬤᬶᬮᬄᬲᬂᬳ᭄ᬬᬂᬲᬧ᭄ᬢᬵᬕ᭄ᬦᬶᬭᬶᬓᬂᬲᬫᬵᬥᬶ᭞ᬕ᭄ᬲᭂᬂᬪᬱ᭄ᬫᬷᬪᬹᬢᬓᬳᬶᬥᭂᬧᬦᬶᬓᬗᬸᬧᬲᬃᬕ᭄ᬕ᭞ᬓ
ᬯ᭄ᬓᬲ᭄ᬢᬵᬯᬓ᭄ᬲᬂᬬᭀᬕᬶᬰ᭄ᬯᬭ᭞ᬅᬮᬶᬮᬗᬳ᭄ᬦᬶᬂᬦᬶᬭᬵᬯᬭᬡᬢᬦ᭄ᬧᬢᬮᬸᬢᬸᬄ᭞ᬓᬤᬶᬮᬶᬮᬂᬦᬶᬗᬵᬓᬵᬰ᭞ᬬᬾᬓᬲᬶᬦᬗ᭄ᬕᬸᬄᬢᬃᬓ᭄ᬓᬬᭀᬕᬗᬭᬦ᭄ᬬ᭟ᬯᬮᬸᬬᬭᬶᬗᬦ᭄ᬢᬯᬶᬰᬾᬱ᭞ᬇᬓᬲᬂ
ᬳ᭄ᬬᬗᬵᬢ᭄ᬫᬵᬬᬦ᭄ᬫᬗ᭄ᬓᬦ᭞ᬯᬮᬸᬬᬲᬬᭀᬤ᭄ᬬᬮᬯᬦ᭄ᬪᬝᬵᬭᬲᬤᬵᬰᬶᬯᬢᬢ᭄ᬢ᭄ᬯ᭞ᬫᬸᬯᬄᬲᬃᬯ᭄ᬯᬚ᭄ᬜ᭞ᬲᬃᬯ᭄ᬯᬓᬵᬃᬬ᭄ᬬᬓᬃᬢ᭄ᬢᬵ᭞ᬓ᭄ᬦᬵᬦᬰᬓ᭄ᬢᬶ᭞ᬯᬶᬪᬸᬲᬓ᭄ᬢᬶ᭞ᬧ᭄ᬭᬪᬸᬰᬓ᭄ᬢᬶ᭞ᬓ᭄ᬭᬶᬬᬵᬰᬓ᭄ᬢᬶ᭞ᬮᬸᬧᬸᬢ᭄ᬲ
[᭕᭓ 53A]
ᬗ᭄ᬓᬾᬂᬓᬃᬫ᭄ᬫᬯᬶᬧᬵᬓᬵᬰᬬ᭞ᬇᬓᬂᬲᬤᬵᬰᬶᬯᬢᬢ᭄ᬢ᭄ᬯ᭞ᬓᬃᬫ᭄ᬫᬯᬶᬧᬵᬓᬵᬰᬬᬗᬭᬦ᭄ᬬ᭞ᬓᬃᬫ᭄ᬫ᭞ᬗᬭᬦᬶᬂᬕᬯᬾᬳᬮᬳᬬᬸ᭞ᬯᬶᬧᬵᬓᬵᬗᬭᬦ᭄ᬬ᭞ᬭᬢᭂᬂᬨᬮᬦ᭄ᬬᬪᬶᬦᬸᬓ᭄ᬢᬶᬭᬶᬂᬰᬭᬷᬭ᭞ᬆᬰᬬ
ᬗᬭᬦ᭄ᬬ᭞ᬰᬾᬱᬦ᭄ᬬᬪᬶᬦᬸᬓ᭄ᬢᬶ᭞ᬬᬢᬾᬓᬭᬸᬫᬓᭂᬢᬶᬗᬵᬢ᭄ᬫᬵᬫᬫᬗᬸᬦ᭄ᬓᬃᬫ᭄ᬫᬫᬸᬯᬄ᭞ᬬᬢᬲᬶᬦᬗ᭄ᬕᬸᬄᬯᬵᬲᬦᬵᬗᬭᬦ᭄ᬬ᭞ᬬᬦᬳᬮᬯᬵᬲᬦᬵᬦᬶᬓᬂᬓᬃᬫ᭄ᬫᬗᬸᬦᬶ᭞ᬫᭀᬖᬫᬳᬋᬧ᭄ᬫᬕ
ᬯᬾᬳᬳᬮᬇᬓᬂᬯ᭄ᬯᬂᬤᬾᬦ᭄ᬬ᭞ᬬᬦᬳᬬᬸᬯᬵᬲᬦᬵᬦᬶᬓᬂᬓᬃᬫ᭄ᬫᬗᬹᬦᬶ᭞ᬫᭀᬖᬫᬳᬋᬧ᭄ᬫᬕᬯᬾᬳᬳᬬᬸᬇᬓᬂᬤᬾᬦ᭄ᬬ᭞ᬢᬦ᭄ᬳᬦᬧ᭄ᬯᬾᬓᬓᬩᬾᬄ᭞ᬭᬸᬫᬓᭂᬢᬶᬗᬵᬢ᭄ᬫᬵ᭞ᬬᬾᬓᬮᬸ
ᬧᬸᬢ᭄ᬲᬗ᭄ᬓᬾᬂᬓᬃᬫ᭄ᬫᬯᬶᬧᬵᬓᬵᬰᬬᬗᬭᬦ᭄ᬬ᭞ᬲᬶᬦᬗ᭄ᬕᬸᬄᬭᬶᬂᬬ᭞ᬅᬮᬶᬯᬢ᭄ᬲᬗ᭄ᬓᬾᬂᬳᬮᬳᬬᬸ᭞ᬇᬓᬂᬲᬤᬵᬰᬶᬯᬢᬢ᭄ᬢ᭄ᬯ᭞ᬦᬳᬦ᭄ᬓᬧᬶᬂᬧᬢᬂᬘᬾᬢᬦᬧᬶᬦ᭄ᬭᬢᬶᬱ᭄ᬝᬮᬶᬦᬸᬗ᭄ᬕᬸᬳᬓᭂᬦ᭄᭟ᬓᬧᬶᬂᬮᬶ
Kaca:Bali-lontar-tatwa-maha-jnana-300ppi.pdf/53
Kaca puniki sampun kauji-wacén
