[᭖᭑ 61B]
᭖᭑
ᬦᬾᬢᬦ᭄ᬓᬢᭀᬦ᭄᭞ᬩᬳᬦ᭄ᬫᬦᬤᬶᬕ᭄ᬦᬶᬫᬸᬭᬸᬩ᭄ᬳᬗᬭᬩ᭄ᬳᬭᬩ᭄᭟ᬤᬾᬦᬶᬂᬓᬾᬢᭀ᭞ᬫᬢᬸᬃᬲᬗ᭄ᬳ᭄ᬬᬗᬵᬕ᭄ᬦᬶᬲᬫ᭄ᬧᬸᬦᬂᬳᬚᬶᬲᬸᬗ᭄ᬲᬸᬢ᭄ᬭᬶᬂᬓᬬᬸᬦ᭄᭞ᬫᬦ᭄ᬢᬸᬓ᭄ᬳᬚᬶᬦᬾᬓᬓᬾᬦ᭄ᬤ᭄ᬭᬦ᭄᭞ᬫᬫᬃᬕ᭄ᬕᬶᬳᬚᬶᬩᭂᬘᬶᬓ᭄ᬩᭂᬘᬶᬓ᭄ᬫᬗ᭄ᬤᬭᬳᬬᬸ᭞ᬧᬸᬦ
ᬧᬶᬲᬦᬾᬓᬬᬸᬦᬂᬳᬶᬳᬚᬶᬳᬶᬭᬶᬓᬭᬶᬂᬳᬶᬦ᭄ᬤ᭄ᬭᬮᭀᬓ᭞ᬫᬸᬕᬶᬫᬸᬕᬶᬕᭂᬮᬶᬲ᭄ᬓᬤᬕᬶᬗᬦ᭄᭞ᬫᬗ᭄ᬤᬵᬕ᭄ᬮᬶᬲ᭄ᬳᬸᬕᬶᬢᬸᬭᬸᬦ᭄ᬓᬫᬺᬘᬵᬧᬤ᭟ᬓᬯᬸᬮᬦᬾᬢᬗ᭄ᬓᬶᬮ᭄ᬧᬤᬓᬾᬫᭂᬗᬦ᭄ᬩ᭄ᬗᭀᬂᬳᬤᬗᭂᬧᬄᬗᬢᭀᬦᬂᬲᬗ᭄ᬳ᭄ᬬᬂᬗᬕ᭄ᬦᬶ᭞ᬩᬳᬦ᭄ᬯᬶᬓᬦ᭄ᬦᬾ᭠
ᬩᭂᬲᬗᭂᬢ᭄ᬚᬕ᭄ᬜᬶᬤ᭄ᬥᬬᬂᬭᬕᬦᬾᬤᬤᬶᬳᬕ᭄ᬦᬶ᭞ᬢᬸᬃᬫ᭄ᬮᭂᬲᬢ᭄ᬫᬫ᭄ᬩᬸᬃᬓᬳᬫ᭄ᬩᬭᬦᬾᬗᬮᬶᬄᬲ᭄ᬯᬃᬕ᭄ᬕᬦ᭄᭟ᬲᬬᬦ᭄ᬫᬓᭂᬮᭀᬲᬬᬦ᭄ᬳᬶᬮᬂᬕ᭄ᬦᬶᬦᬾᬮᬦ᭄ᬓᬸᬓᬸᬲᬾ᭞ᬤᬶᬢᬸᬮᬦ᭄ᬢᬲ᭄ᬭᬤᬾᬦ᭄ᬫᬦ᭄ᬢ᭄ᬭᬶᬗᬪᬓ᭄ᬢᬶᬲᬃᬯ᭄ᬯᬶᬗᬚᬧ᭄ᬢᬯᬂ᭞ᬩᬸᬯᬶᬦ᭄ᬫᬤᬸᬮᬸᬭᬦ᭄ᬢᬗᬶᬲ᭄᭟᭠
ᬳᬶᬗ᭄ᬕᬶᬄᬭᬢᬸᬲᬂᬳᬫᭀᬭᬶᬂᬤᬾᬯ᭞ᬢᬶᬢ᭄ᬬᬂᬚᬦ᭄ᬫᬓ᭄ᬮᬶᬦ᭄ᬢᬂᬳᬶᬦᬕᬸᬡᬢᬦ᭄ᬧᬳᬓ᭄ᬱᬭᬵ᭞ᬫᬢᬸᬃᬪᬓ᭄ᬢᬶᬭᬶᬂᬧᬮᬸᬗ᭄ᬕᬸᬄᬪᬝᬵᬭ᭞ᬲᬳᬦ᭄ᬢᬸᬓᬦ᭄ᬳᬢᬸᬃᬢᬶᬢ᭄ᬬᬗᬾᬢᬦ᭄ᬧᬲᬚᬶ᭞ᬦᬗ᭄ᬳᬶᬂᬓᬾᬲᬸᬪᬓ᭄ᬢᬶᬦ᭄ᬫᬦᬄᬢᬶᬢ᭄ᬬᬗᬾ᭞ᬚᬢᬶᬤᬳᬢ᭄ᬦᬶᬃᬫ᭄ᬫᬮᬢ
[᭖᭒ 62A]
᭖᭒
ᬍᬢᭂᬳᬦ᭄᭟ᬗᬦ᭄ᬤᬶᬓᬳᬶᬤᬲᬂᬢᬦ᭄ᬓᬢᭀᬦ᭄᭟ᬦᬄᬘᭂᬦᬶᬂ᭞ᬳᭂᬤᬳᬶᬤᬾᬯᬢᬶᬓ᭄ᬱ᭄ᬡᬵᬳᬶᬤᭂᬧ᭄᭞ᬳᬧᬂ᭠ᬘᭂᬦᬶᬂᬢᬳᬸᬚ᭄ᬯᬵ᭞ᬦᬾᬚᬦᬶᬩᬧᬫᬸᬮᬶᬄᬓᬯᬶᬱ᭄ᬡᬸᬮᭀᬓ᭟ᬧᬶᬦᬸᬦᬲ᭄ᬩᬧᬦᬾᬭᬶᬂᬳᬶᬤᬲᬗ᭄ᬳ᭄ᬬᬂᬯᬶᬥᬶᬯᬰ᭞ᬭᬳᬶᬦᬵᬯ᭄ᬗᬶᬢᬺ
ᬲᬸᬳᬸᬤ᭄ᬲᬸᬳᬸᬤ᭄ᬗᬃᬘ᭄ᬘᬡᬤᬾᬯ᭞ᬤᬸᬫᬤᬓ᭄ᬩᬸᬓᬘᭂᬦᬶᬂᬤᬶᬃᬖ᭄ᬕᬬᬸᬱᬳᬫᬸᬓ᭄ᬢᬶᬓᬯᬶᬃᬬ᭄ᬬᬦᬶᬂᬓᬧ᭄ᬭᬪᭀᬦ᭄᭞ᬢᬸᬃᬓᬶᬦᬲᬶᬳᬦ᭄ᬤᬾᬦᬶᬂᬕᬸᬫᬶ᭞ᬳᬧᬂᬯᬶᬤᬕ᭄ᬥᬳᬦᬸᬮᬸᬲ᭄᭞ᬩ᭄ᬯᬶᬦ᭄ᬲᬦ᭄ᬥᬶᬗᬸᬘᬧ᭄ᬲᬶᬤ᭄ᬥᬶᬫᬸᬜᬶ᭟ᬢᬸᬯᬄᬳᬫᬸᬮ᭄ᬢᭀᬧᬗᬦ᭄ᬤᬶᬓ
ᬦ᭄ᬳᬶᬤᬲᬂᬢᬦ᭄ᬓᬢᭀᬦ᭄᭞ᬮᬯᬸᬢ᭄ᬫᬸᬓ᭄ᬱᬄ᭚᭜᭚ᬢᬦ᭄ᬓᭀᬘᬧ᭄ᬚᬦᬶ᭞ᬤᬾᬦᬶᬂᬳᬓᬾᬢᭀᬧᬳᬶᬦ᭄ᬤᬶᬓᬦ᭄ᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶᬳᬦᭀᬫ᭄᭞ᬤᬤᬶᬳᬶᬤᬲᬂᬧ᭄ᬭᬪᬸᬫᬯᬸᬯᬸᬄᬯᬸᬯᬸᬄᬲᬬᬂᬦᬾᬫᬧᬸᬢ᭄ᬭ᭞ᬩᬳᬦ᭄ᬲᬸᬪᬓ᭄ᬢᬶᬦ᭄ᬧᬜ᭄ᬚᬓᬾ
ᬫᬓᭂᬚᬂᬲᬸᬩᬢᬸᬲᬶᬂᬲᭂᬤᭂᬂᬭᬯᭀᬲᬂᬫᬮᬶᬄ᭞ᬢ᭄ᬯᬭᬩᬦᬶᬧᬤᬫᬶᬯᬮᬶᬦ᭄ᬭᬯᭀᬲ᭄ᬳᬶᬤᬦᬾ᭞ᬭᬾᬄᬳᬶᬤᬓᬲᬶᬦᬸᬗᬦ᭄ᬩᬳᬦ᭄ᬯᬶᬥᬶ᭞ᬲᬗ᭄ᬓᬦ᭄ᬜᬳᬶᬤᭂᬧ᭄ᬓᬯᬸᬮᬦᬾᬲᬸᬩᬍᬩᬶᬄᬍᬩᬶᬄᬪᬓ᭄ᬢᬶᬗᬶᬭᬶᬂᬓᬬᬸᬦ᭄ᬕᬸᬲ᭄ᬢᬶᬦ᭄ᬦᬾ᭞ᬬᬦ᭄ᬢᭂᬭᬳᬸᬮᬶᬲ᭄ᬫᭂᬂᬗ
