[᭖᭒ 62B]
᭖᭒
ᬦ᭄ᬢᭀᬲ᭄ᬲᬸᬭᬸᬧ᭄ᬲᬹᬃᬬ᭄ᬬᬳᬶᬬᬦᬗ᭄ᬓᬶᬮ᭄᭞ᬢᬸᬲᬶᬂᬮᭀᬕᬲ᭄ᬮᭀᬕᬲ᭄ᬳᬶᬬᬫᬓᭂᬦᭂᬄᬫᬧᬫᬶᬢ᭄ᬩᬸᬤᬮ᭄᭟ᬬ᭠ᬦ᭄ᬫᬦ᭄ᬢᬸᬓ᭄ᬳᬸᬮᬶᬧᬦᬗ᭄ᬓᬶᬮᬦ᭄᭞ᬓᬳᬶᬭᬶᬂᬳᬦ᭄ᬢᬸᬓ᭄ᬧᬭᬧᬸᬢ᭄ᬭᬶᬦᬾᬳᬦᬾᬳᬬᬸᬳᬬᬸ᭞ᬳᬤᬦᬫ᭄ᬧᬫ᭄ᬯᬄᬳᬤᬜᬸᬯᬸᬦ᭄᭟ᬬ᭠
ᬦ᭄ᬦᭂᬫᭀᬦᬶᬦ᭄ᬳᬶᬤᬫᬓᬶᬭᬾᬗ᭄ᬭᬬᬸᬦᬂ᭞ᬫᬲᬶᬄᬧᬸᬢ᭄ᬭᬶᬧᬸᬢ᭄ᬭᬶᬦᬾᬳᬦᬾᬜᭀᬤᬬᬂ᭞ᬳᬤᬭᬾᬧᭀᬢ᭄ᬗᬶᬲᬶᬦᬶᬦ᭄ᬘᭂᬘᭂᬧᬦ᭄ᬳᬦᬾᬫᬩ᭄ᬮᭀᬂᬲᭀᬂᬳᬚᬶᬳᭂᬫᬲ᭄᭞ᬳᬤᬮᬾᬦ᭄ᬗ᭄ᬮᭂᬓᭂᬲᬂᬫᬓᬶᬭᬾᬳᬶᬤᬗᬶᬦᬂ᭞ᬗᬾᬦ᭄ᬤᬄᬧᬾᬮᬕ᭄ᬢᬢᬶᬗ᭄ᬓ
ᬳᬦ᭄ᬧᬸᬢ᭄ᬭᬶᬧᬸᬢ᭄ᬭᬶᬦᬾᬤᬶᬧᬸᬭᬶᬘᬭᬂᬲᬭᬶ᭟ᬳᬓᬾᬢᭀᬧᭂᬲᬦ᭄ᬳᬦ᭄ᬢᬸᬓ᭄ᬧᬦᬗ᭄ᬓᬶᬮᬦ᭄ᬳᬶᬤᬳᬦᬓ᭄ᬳᬕᬸᬂᬳᬦᭀᬫ᭄ᬤᬶᬧᬸᬭᬶᬘᬭᬂᬲᬭᬶ᭞ᬧ᭄ᬢᭂᬂᬍᬫᬄᬢᬸᬲᬶᬂᬢᬳᬾᬦ᭄ᬲᬸᬯᬸᬂ᭞ᬲᬚᬦ᭄ᬯᬶᬦᬶᬂᬳᬦᬓ᭄ᬫᬲᬦ᭄ᬧᬸᬲ᭄ᬫ᭄ᬯᬄᬫᬺᬫ᭄᭚᭜᭚ᬲ᭄ᬥᭂᬓ᭄ᬤᬶᬦᬳᬦᬸᬭ᭠
ᬤᬾᬦ᭄ᬫᬦ᭄ᬢ᭄ᬭᬶᬳᬦᭀᬫ᭄ᬫᬓᬬᬸᬦ᭄ᬮᬸᬗ᭄ᬳᬳᬗ᭄ᬮᬂᬮᬂᬳᬸᬮᬗᬸᬦ᭄ᬓᬳᬮᬲᬾᬫᬧᬶᬓ᭄ᬧᬓ᭄ᬱᬶᬢᬶᬢᬶᬭᬦ᭄᭞ᬓᬳᬶᬭᬶᬂᬳᬦ᭄ᬢᬸᬓ᭄ᬧᬋᬓ᭄ᬧᬋᬓᬦ᭄ᬫ᭄ᬯᬄᬓᬯᬸᬮᬓᬯᬸᬮᬦᬾᬧᬤᬫᬓᭂᬚᬂ᭞ᬢᬸᬃᬲᬺᬕᭂᬧ᭄ᬧᬤᬗᬩᬧᬶᬭᬦ᭄ᬢᬶᬦᬶᬂᬫᬧᬶᬓᬢ᭄᭞
[᭖᭓ 63A]
᭖᭓
ᬤᬤ᭄ᬬᬦ᭄ᬜᬫᬓᭂᬚᬂᬲᬸᬩᬧᬤᬬᬢ᭄ᬦ᭞ᬮᬳᬸᬢ᭄ᬳᬶᬤᬫᬫᬃᬕ᭄ᬕᬶᬓᬳᬶᬭᬶᬂᬳᭀᬮᬶᬄᬓᬯᬸᬮᬦᬾᬫᬓᭂᬚᬂ᭞᭠ᬫᬲᬸᬲᬸᬧᬦ᭄ᬓᬳᬮᬲ᭄ᬳᬮᬲᬾ᭟ᬓᬘ᭄ᬭᬶᬢᬲᬸᬩᬢᭂᬓᭂᬤ᭄ᬤᬶᬳᬮᬲᬾ᭞ᬦᭂᬧᬸᬓᬶᬦ᭄ᬧᬤᬧᬸᬜᬦ᭄ᬯᬦ᭄ᬥᬶᬭᬫ᭄ᬯᬄᬕᭀᬃᬤ᭄ᬥᬳᬦᬾᬕ᭄ᬥᬾ
ᬕ᭄ᬥᬾᬫ᭄ᬯᬄᬧᬸᬜᬦ᭄ᬓᬬᬸᬳᬦᬾᬮᬾᬦᬦ᭄᭟ᬤᬶᬢᬸᬮᬦ᭄ᬢᬦ᭄ᬧᬤᬫᭂᬦᬾᬓ᭄ᬓᬯᬸᬮᬦᬾᬫᬲᬗᬂᬫ᭄ᬯᬄᬗᬦ᭄ᬢᬸᬂᬧ᭠ᬘᭂᬂᬘᭂᬂᬧᬤᬤᬶᬧᬸᬜᬦ᭄ᬓᬬᬸᬦᬾ᭟ᬤᬾᬦᬶᬂᬲᬸᬩᬫᬓ᭄ᬮᭀᬳᬶᬤᬗᬦ᭄ᬢᬶᬬᬂᬧᬘᭂᬂᬘᭂᬗᬾᬤᬶᬢᬸ᭞ᬧᭂᬮᬦ᭄ᬲᬸᬩᬓ᭄ᬜᭂᬮ᭄ᬗᬮ᭄ᬕᬮ᭄ᬫᬸᬜᬶ
ᬦ᭄ᬦᬾ᭞ᬫᬲᬶᬄᬢᬸᬲᬶᬂᬳᬤᬵ᭞ᬓᬮᬶᬂᬓᬾᬫᬸᬜᬶᬦᬾ᭟ᬜᬂᬳᬩᭂᬲᬶᬓ᭄ᬢᬸᬲᬶᬂᬳᬤᬜᬳᬸᬢᬶᬦ᭄ᬓᬢᭂᬗ᭄ᬓᬸᬗᬦ᭄ᬫᬸᬜᬶ᭠ᬦ᭄ᬧᬘᭂᬂᬘᭂᬗᬾ᭞ᬗᬦ᭄ᬢᬶᬓᬮᬶᬢᭂᬧᭂᬢ᭄ᬫᬲᬶᬄᬢᬸᬲᬶᬂᬳᬤᬮᬯᬢ᭞ᬤᬶᬢᬸᬮᬦ᭄ᬢᬲ᭄ᬭᬤᬾᬦ᭄ᬫᬦ᭄ᬢ᭄ᬭᬶᬳᬦᭀᬫ᭄ᬗᬍᬲᭀᬦ᭄᭞ᬤᬸᬮᬸᬭᬶᬦ᭄ᬓ
ᬲᬢᬦ᭄ᬲᬗᬸ᭞ᬩᬸᬯᬶᬦ᭄ᬩᭂᬤᬓ᭄ᬜᬦᬾᬢᬦ᭄ᬲᬶᬦᬶᬧᬶ᭟ᬩᬳᬦ᭄ᬓᭂᬩᬸᬲᬾᬫᬗᭂᬦ᭄ᬢᬓᭂᬦ᭄ᬢᬓ᭄ᬭᬲᬩᬸᬓᬩ᭄ᬮᭂᬂᬫ᭄ᬩᭂᬂ᭞᭠ᬢᭀᬂᬳᬤᬳᬗᬶᬦ᭄ᬗᭂᬲᬶᬭᬶᬦ᭄᭟ᬮᬯᬸᬢ᭄ᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶᬳᬦᭀᬫ᭄ᬫᬓᬬᬸᬦᬦ᭄ᬢᭀᬬ᭟ᬗᬦ᭄ᬤᬶᬓᬢᭂᬓᬾᬦ᭄ᬓᬯᬸᬮᬦᬾ᭟ᬳᬶᬄᬩ
