[᭔᭐ 40B]
᭔᭐
ᬩᬾᬦᬾᬫᬢᬄᬳᬚᬶᬗ᭄ᬮᬯᬦ᭄ᬮᬯᬦᬶᬦ᭄᭟ᬬᬦ᭄ᬗᬶᬭᬶᬂᬯ᭄ᬬᬤᬶᬦ᭄ᬢᬸᬲᬶᬂ᭞ᬓᬧᬶᬢᬸᬯ᭄ᬬᬂᬧᭂᬲᬦ᭄ᬳᬶᬤᭂᬧᬾ᭞ᬦᬶᬭᬗᬶᬤᬶᬄᬓᬢ᭄ᬭᬗᬦ᭄ᬳᬶᬤᭂᬧ᭄ᬩᬧᬦᬾᬧᬤᬫᬓᭂᬚᬂᬳᬧᬂᬓᬃᬯ᭄ᬯᬦ᭄ᬧᭂᬲᬦ᭄ᬦᬾᬚᬦᬶ᭞ᬳᬧᬂᬳᭂᬤᬳᬤᬘᭂᬦ᭄ᬢᬸᬮᬧᬗᬶᬤᬶᬳᬦ᭄ᬦᬶᬭᬦᬾᬫ᭄ᬯᬄᬳᬶᬥᭂ
ᬧ᭄ᬩᬧᬦᬾᬧᬤᬫᬓᭂᬚᬂ᭟ᬫᭂᬦ᭄ᬬᬦ᭄ᬧᬤᬾᬢᬸᬲᬶᬂᬳᬤᬜᬶᬤᬬᬂᬗᬫᬢ᭄ᬬᬂᬳᬶᬭᬵᬓ᭄ᬱᬲᬫᬓᬢᭂᬮᬸᬳᭂᬦ᭄ᬢᭀ᭞ᬧᭂᬤᬲ᭄ᬕ᭄ᬥᬾᬦᬦ᭄ᬩᬸᬯᬶᬦ᭄ᬩᬶᬬᭀᬢᬦᬾ᭞ᬭᬲᬳᬦᬾᬫᬕ᭄ᬮᬂᬕ᭄ᬮᬂᬩᭂᬦᬂᬩᬋᬂᬮᬸᬯᬲ᭄ᬓᬧᬲ᭄ᬬᬢᬦ᭄ᬦᬶᬦ᭄ᬤᬶᬳᬶᬦ᭄ᬕᬸᬫᬶᬦᬾ᭟ᬩᬸᬓᬦᬶᬭᬓᬾᬦ᭄ᬓᬾᬦ᭄ᬮ᭠
ᬓᬃᬚᭂᬗᬳᬾᬫ᭄ᬯᬄᬓᬾᬯᭂᬳᬾᬫᬓᭂᬦᭂᬄ᭟ᬬᬦ᭄ᬧᬓ᭄ᬱᬮᬯᬦ᭄ᬳᬦᬓ᭄ᬰᬓ᭄ᬢᬶᬩᬸᬯᬶᬦ᭄ᬢᭂᬕᬸᬄ᭟ᬬᬦ᭄ᬧᬮᬳᬶᬩᬶᬦ᭄ᬕᬸᬫᬶᬦᬾ᭞ᬧᭂᬤᬲ᭄ᬳᬸᬯᬸᬕᬫᬓᭂᬚᬂ᭟ᬳᭂᬦ᭄ᬢᭀᬓᭂᬦᭂᬳᬂᬧᭂᬲᬦ᭄ᬧᬶᬢᬸᬢᬸᬃᬦᬶᬭᬦᬾᬲᬸᬩ᭞ᬩᬸᬓᬳᬶᬤᬸᬃᬫᬜᭂᬦᭂᬂᬭᬢᬸᬤᬶᬦᬶ᭞ᬲᬶᬂᬚᬦᬶᬭᬮᬓᬃᬗᬸᬢᬂ᭞
ᬦᬶᬭᬮᬓᬃᬗᬩᬶᬄᬲᬲᬶᬤ᭄ᬥᬲᬶᬤ᭄ᬥᬬᬦ᭄᭟ᬬᬤ᭄ᬬᬦᬶᬭᬢᬸᬲᬶᬂᬗᬩᬶᬄᬩᬸᬓᬳᬶᬬ᭞ᬳᬦᬓ᭄ᬲᬸᬩᬤᬸᬯᭂᬕᬦ᭄ᬢᭂᬓᬾᬦᬶᬂᬦᬶᬭ᭞ᬲᬸᬩᬯ᭄ᬭᬸᬄᬩ᭄ᬯᬢ᭄ᬧᬳᬶᬡ᭄ᬥᬶᬓᬦ᭄᭟ᬳᬦᬾᬓᬧᬗᬦ᭄ᬤᬶᬓᬳᬶᬦ᭄ᬫᬓᭂᬚᬂᬫᬩ᭄ᬭᬶᬬᬸᬓ᭄ᬲᬩᬋᬗᬦ᭄ᬫᬢᬸᬃᬲᬃᬯ᭄ᬯᬶᬕᬃᬯ᭄ᬯᬶᬢᬧᭂᬲᬦ᭄ᬓᭂᬦᭂᬄᬦᬾ᭞᭠
[᭔᭑ 41A]
᭔᭑
ᬳᬶᬗ᭄ᬕᬶᬄᬭᬢᬸᬤᬾᬯᬕᬸᬂ᭞ᬢᬶᬢ᭄ᬬᬂᬯᬦ᭄ᬢᬄᬲᬳᬶᬭᬶᬂᬧᬶᬲᬦ᭄ᬲᬋᬂᬲᬫᬶ᭞ᬢᬦ᭄ᬲᬗ᭄ᬓᬦᬶᬂᬳᬗ᭄ᬲᭀᬓ᭄ᬳᬗ᭄ᬲᭀᬓᬦ᭄᭞ᬧᬶᬢᬸᬯᬶᬧᬶᬲᬦ᭄ᬲᬓᬶᬂᬯᬶᬢ᭄ᬫᬦᬄᬢᬶᬢ᭄ᬬᬗᬾᬗᬶᬭᬶᬂᬪᬓ᭄ᬢᬶᬫᬕᬸᬲ᭄ᬢᬶᬭᬶᬂᬳᬦᬓ᭄ᬳᬕᬸᬂᬫᬗ᭄ᬓᬶᬦ᭄᭟ᬫᬮᬶᬄᬦᬾᬢᬦ᭄ᬫᬩᬶᬦᬩᬶᬦᬬᬦ᭄ᬫᬦᬄᬢᬶᬢ᭄ᬬᬗᬾᬫᬕᬸ
ᬲ᭄ᬢᬶ᭞ᬲᬸᬓᬢᬶᬢ᭄ᬬᬂᬓᬧᬤᬃᬯ᭄ᬯᬲᬋᬂᬲᬫᬶ᭟ᬢᬶᬢ᭄ᬬᬂᬢᬦ᭄ᬫᬧᬶᬮᬶᬄᬳᬕᬸᬂᬳᬮᬶᬢ᭄ᬫᬶᬯᬄᬲᭀᬃᬲᬶᬗ᭄ᬕᬶᬄ᭞ᬮᬫᬸᬦ᭄ᬲᬫ᭄ᬧᬸᬦ᭄ᬧᬢᬸᬢ᭄ᬫᬶᬯᬄᬯᬶᬓᬦ᭄ᬯᬶᬘᬓ᭄ᬱᬡᬳᬫᭂᬗ᭄ᬓᬸᬭᬵᬢ᭄ᬢᬶᬢ᭄ᬬᬂᬢᬦ᭄ᬧᬜ᭄ᬚᬂᬧᬜ᭄ᬚᬂᬳᬢᬸᬃ᭞ᬜᬤ᭄ᬬᬧᬶᬲᬦ᭄ᬢᬶᬢ᭄ᬬᬂᬗᬶᬭᬶᬂᬪᬓ᭄ᬢᬶ᭟ᬧᬸᬦᬧᬶᬫᬮᬶᬄᬧᬸᬢ᭄ᬭᬦ᭄ᬘᭀᬓᭀᬃ
ᬳᬶᬤᬾᬯᬲᬶᬳᬶᬂᬓᬯᬶ᭞ᬧᬢᬸᬢ᭄ᬲᬶᬦᬶᬯᬶᬳᭀᬮᬶᬄᬚᬕᬢᬾ᭞ᬲᬫᬮᬶᬄᬳᬶᬤᬤᬳᬢᬶᬂᬉᬢ᭄ᬢᬫᬾᬂᬰᬲ᭄ᬢ᭄ᬭ᭞ᬅᬚᬶᬍᬯᬶᬳᬶᬂᬧᬸ᭠ᬭᬸᬱ᭞ᬲᬸᬭᬰᬓ᭄ᬢᬶᬜᬶᬤᬬᬂᬗᬯᭀᬦᬂᬰᬢ᭄ᬭᬸᬦᬾᬯᬶᬰᬾᬱ᭟ᬬᬦ᭄ᬢᬦ᭄ᬳᬶᬤᬫᬗ᭄ᬓᬶᬦ᭄ᬚᭂᬦᭂᬗᬂ᭞ᬲᬶᬦᬄᬭᬯᭀᬲᬾᬓᬯᭀᬦ᭄ᬫᬶᬯᬄᬲᬮᬶᬢ᭄ᬳᬳᬢᬦ᭄ᬓᬯᬸ᭠
ᬮᬦᬾᬲᬫᬶ᭟ᬓᬧᬶᬂᬓᬮᬶᬄᬘᭀᬓᭀᬃᬳᬶᬤᬾᬯᬓᬧᬶᬳᬸᬢᬗᬦ᭄ᬳᬸᬭᬶᬧ᭄᭞ᬫᬤᭂᬫᬂᬰᬢ᭄ᬭᬸᬦᬾᬰᬓ᭄ᬢᬶ᭟ᬬᬦ᭄ᬢᬦ᭄ᬧᬸᬢ᭄ᬭᬦ᭄ᬘᭀ᭠ᬓᭀᬃᬳᬶᬤᬾᬯᬲᬦᬾᬢᬸᬮᬸᬂᬭᬶᬂᬲᬫᬶ᭞ᬢᬦ᭄ᬳᬸᬭᬸᬗᬦ᭄ᬢᬶᬢ᭄ᬬᬂᬲᬋᬂᬲᬫᬶᬫᬫᬗ᭄ᬕᬸᬄᬲᬗ᭄ᬲᬭᬵ᭞ᬫᬶᬯᬄᬧᬵᬧᬦᬭᬓᬲᬮᬫᬶᬮᬫᬶᬜ᭟ᬫᬭᬓᬾᬢᭀ
