Kaca:Bali-lontar-satwa-i-durma-250ppi.pdf/42

[᭔᭑ 41B]
᭔᭑
ᬳᬢᬸᬃᬓᬯᬸᬮᬦᬾᬫᬓᭂᬚᬂ᭞ᬮᬳᬸᬢ᭄ᬫᬢᬸᬃᬳᬶᬤᬸᬃᬫ᭟ᬳᬶᬗ᭄ᬕᬶᬄᬭᬢᬸᬤᬾᬯᬕᬸᬂ᭞ᬢᬦ᭄ᬧᬢᬸᬢ᭄ᬧᬶᬲᬦ᭄ᬧᬮᬸᬗ᭄ᬕᬸᬄᬘᭀᬓᭀᬃᬳᬶᬤᬾᬯᬗᬤᭂᬕᬂᬢᬶᬢ᭄ᬬᬂᬭᬢᬸᬳᬶᬭᬶᬓᬶ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬓᬭᬶᬯᭀᬂᬯᬶᬫᬸᬥᬦᬶᬱ᭄ᬝᬤᬫᬤᬳᬢ᭄ᬫᬧᬸᬗ᭄ᬕᬸᬂ᭟ᬫᬗ᭄ᬤᬵᬲᬫ᭄ᬧᬸᬦ᭄ᬘᭀᬓᭀᬃᬳᬶᬤᬾᬯ
ᬲᬮᬶᬢ᭄ᬳᬃᬱ᭞ᬓᬾᬗᬶᬦ᭄ᬫᬯᬸᬯᬸᬄᬯᬸᬯᬸᬄᬓᬭᬸᬲᬓᬜ᭄ᬚᬕᬢᬾ᭞ᬯᬳᬸᬢᬶᬢ᭄ᬬᬂᬗ᭄ᬕᬫᭂᬮᬂ᭞ᬗᭂᬦ᭄ᬢᭀᬲᬶᬦ᭄ᬘᭀᬓᭀᬃᬳᬶᬤᬾᬯ᭠ᬤᬤᭀᬲ᭄ᬩᬸᬧᬢᬶ᭟ᬩᬸᬯᬶᬦ᭄ᬲᬂᬧ᭄ᬭᬪᬸᬦᬶᬫ᭄ᬩᬮ᭄ᬯᬘᬦᬳᬭᬶᬲ᭄‌‌ᬢᬸᬃᬓ᭄ᬥᭂᬄᬧᬶᬲᬦ᭄ᬓᬬᬸᬦ᭄ᬳᬶᬤᬦᬾ᭟ᬤᬸᬄᬤᬾᬯᬫᬵᬲ᭄ᬩᬧᬦᬾᬘᭂᬦᬶᬂ᭞ᬳᭂᬤᬘᭂᬦᬶᬂᬓᬾ
ᬢᭀ᭞ᬳᬶᬤᭂᬧᬂᬧᭂᬲᬦ᭄ᬓᭂᬦᭂᬄᬩᬧᬦᬾ᭞ᬢᬦ᭄ᬯᭂᬦᬂᬳᬶᬧ᭄ᬬᬦᬓ᭄ᬢᬸᬗ᭄ᬓᬲ᭄ᬢᭂᬓᬾᬦ᭄ᬧᬕᬸᬭ᭄ᬯᬦ᭄᭟ᬓ᭄ᬭᬡᬩᬸᬓᬩᬧᬧᬶᬳᬸᬢ᭠ᬗᬦ᭄‌‌ᬕ᭄ᬥᬾᬧᭂᬲᬦ᭄ᬢᭂᬓᬾᬦᬶᬂᬘᭂᬦᬶᬂ᭞ᬭᬲᬧᬶᬂᬓ᭄ᬝᬶᬢᬸᬭᬸᬦ᭄ᬦᬸᬫᬥᬶᬫᬜ᭄ᬚᬦ᭄ᬫᬓᬫᬺᬘ᭄ᬘᬧᬤ᭞ᬫᬲᬶᬄᬢ᭄ᬯᬭᬳᬸᬦ᭄ᬢᬲ᭄ᬩᬳᬦ᭄ᬫᬬᬄᬳᬸᬢᬂᬩᬧᬦᬾᬢᭂᬓᬾ
ᬦᬶᬂᬘᭂᬦᬶᬂ᭟ᬩᬸᬯᬶᬦ᭄ᬦᬾᬲᬸᬩᬓᬤᬸᬂᬮᬩᬸᬄᬫᬸᬜᬶᬦ᭄ᬩᬧᬦᬾᬤᬶᬳᬋᬧ᭄ᬳᬦᬓ᭄ᬮᬶᬬᬸ᭞ᬗᬾᬤᬍᬫ᭄ᬩᬧᬫᬢᬶᬮᬲ᭄ᬢᭂᬓᬾᬦᬶᬂᬘᭂᬦᬶᬂ᭠ᬫ᭄ᬯᬄᬢᭂᬓᬾᬦ᭄ᬓᬯᬸᬮᬦᬾᬫᬓᭂᬚᬂ᭟ᬫᬸᬜᬶᬦ᭄ᬩᬧᬦᬾᬳᭂᬦ᭄ᬢᭀᬳᬗ᭄ᬕᭀᬦ᭄ᬦᬯᬸᬃᬧᬸᬦᬕᬶ᭞ᬳᬧᬂᬳᭂᬤᬦ᭄ᬤᬶᬫᬦᬶᬧ᭄ᬯᬦᬾᬗ᭄ᬭᬸᬤᭂᬕ᭄ᬢᭂᬓᬾᬦᬶᬂᬩᬧ᭟ᬬ

[᭔᭒ 42A]
᭔᭒
ᬦ᭄ᬢᬦ᭄ᬓᬤᬶᬘᭂᬦᬶᬂᬗᬸᬭᬶᬧ᭄ᬚᬕᬢ᭄‌‌ᬯᬦᭀᬓ᭄ᬮᬶᬗᬾ᭞ᬢᬦ᭄ᬳᬸᬭᬸᬗᬦ᭄ᬭᬸᬲᬓ᭄ᬧᬦᬕᬭᬦᬾ᭞ᬤᬤᬶᬳᬮᬲ᭄᭞ᬢ᭄ᬕᬮᬶᬗ᭄ᬕᬄᬧᬦᬗ᭄ᬲᬭᬦ᭄᭞ᬓᬢᭀᬗᭀᬲᬶᬦ᭄ᬳᭀᬮᬶᬄᬓᬶᬤᬂ᭞ᬫᬜ᭄ᬚᬗᬦ᭄᭞ᬲᬶᬗ᭄ᬳ᭞ᬫᬘᬦ᭄᭞ᬕᬚᬄ᭞ᬯᬭᬓ᭄‌‌ᬫ᭄ᬯᬄᬩᬭ᭄ᬯᬂ᭞ᬲᬲᭀᬭᭀᬄᬩᬸᬭᭀ
ᬦᬾᬫᬧᬸᬡ᭄ᬥᬸᬄᬤᬶᬢᬸᬳᬦᬾᬲᬃᬯ᭄ᬯᬕᬮᬓ᭄ᬕᬮᬓ᭄᭟ᬬᬦ᭄ᬳᬓᬾᬢᭀᬫ᭄ᬮᬄᬓᬾᬩᬸᬓᬘᭂᬦᬶᬂᬦᬶᬗ᭄ᬳᬮᬶᬦ᭄᭟ᬲᬶᬂᬓᬾᬩᬸᬓᬘᭂᬦᬶᬂᬗ᭄ᬮᬄᬓᭂᬦᭂᬄᬚᭂᬗᬄ᭞ᬯᬶᬭᬾᬄᬓᬾᬢᭀᬤᬤᬶᬦᬕᬭᬦᬾ᭟ᬘᬸᬢᭂᬢ᭄ᬩᬧᬫᬧᬗᬶᬤᬶᬳᬦ᭄ᬢᭂᬓᬾᬦ᭄ᬘᭂᬦᬶᬂ᭞ᬳᬧᬂᬘᭂᬦᬶᬂᬗᬶᬲᬶᬦ᭄ᬚᬓᭂᬦᭂᬄᬩᬧ
ᬦᬾᬫ᭄ᬯᬄᬲᬧᬶᬦᬸᬦᬲ᭄ᬓᬯᬸᬮᬦᬾᬫᬓᭂᬚᬂ᭞ᬳᬧᬂᬲᬸᬓᬚᬵᬩᬸᬓᬘᭂᬦᬶᬂᬫᬦ᭄ᬢᬸᬩᬧ᭞ᬫᬶᬓᬸᬓᬸᬳᬶᬦ᭄ᬧᬦᬕᬭᬯᬦᭀᬓ᭄ᬮᬶᬗᬾ᭞ᬳᬧᬂᬗᭂᬮᬄᬫᬲᬶᬄᬧᬗᭂᬢᬶᬲ᭄ᬚᬕᬢ᭄᭟ᬬᬦ᭄ᬓᬾᬦ᭄ᬓᬾᬦ᭄ᬓᬾᬦ᭄ᬓᬾᬧᭀᬘᭂᬦᬶᬂ᭞ᬩᬧᬗᭂᬮᬄᬢᬗ᭄ᬕᬸᬗᬦᬾ᭞ᬲᬲᬶᬤ᭄ᬥᬲᬶᬤ᭄ᬥᬬ᭠
ᬦ᭄ᬩᬳᬦ᭄ᬩᬧᬫᬶᬤᬩ᭄ᬤᬩᬶᬦ᭄ᬩᬸᬓᬘᭂᬦᬶᬂ᭟ᬬᬦ᭄ᬩᬧᬳᭂᬦᬸᬤᬤᬶᬭᬢᬸ᭞ᬳᬕᬸᬂᬯᬦᭀᬓ᭄ᬮᬶᬗᬾᬤᬶᬦᬶ᭞ᬳᬧᬮᬓᬃᬤᬤᬶᬦ᭄ᬕᬸᬫᬶᬦᬾᬫᬓᭂᬚᬂ᭞ᬘ᭄ᬭᬶᬓ᭄ᬮᬄᬧᭂᬤᬲ᭄ᬫᬢ᭄ᬭᬾᬬᬓ᭄᭞ᬭᬾᬄᬩᬧᬢᬸᬦᬕᬸᬡ᭞ᬢᬸᬦᬰᬓ᭄ᬢᬶ᭞ᬢᬦ᭄ᬧᬓᬾᬃᬣᬶ᭞ᬭᬲᬢᭀᬂᬜᬶᬤᬬᬂᬩ᭠