[᭓᭖ 36B]
᭓᭖
ᬤᬦᬶᬦ᭄᭞ᬳᬤᬓᭀᬘᬧ᭄᭞ᬒᬁᬗ᭄ᬓᬵᬭᬫᬰᬩ᭄ᬥ᭞ᬤᬶᬳᬢᬶᬚᬵᬢᬶᬮᬶᬗ᭄ᬕᬶᬳᬾ᭞ᬤᬶᬢᬸᬧᬶᬤᬩ᭄ᬥᬧᬶᬸᬩᬂᬫᬮᬸ᭞ᬲ᭄ᬯᬭᬦᬾᬭᬶᬗ᭄ᬓᭂᬲᬂᬲᬫᬶ᭞ᬲ᭄ᬯᬭᬳᬶᬮᬂᬢᬦ᭄ᬓᬋᬗᭀ᭞ᬭᬶᬓᬵᬮ
ᬬᭀᬕᬫᬢ᭄ᬫᬸ᭞ᬦᬄᬳᭂᬦ᭄ᬢᭀᬲᬸᬩᬰᬶᬯᬵᬢ᭄ᬫ᭞ᬫ᭄ᬭᬕᬲᬸᬡ᭄ᬬ᭞ᬳᬶᬤᬲᬗ᭄ᬳ᭄ᬬᬂᬰᬶᬯᬚᬢᬶ᭞ᬓᬾᬢᭀᬲᬂᬥᬭᬡᬬᭀᬕ᭄ᬕ᭟ᬓᬧᬶᬂᬮᬶᬫᬢᬃᬓ᭄ᬓᬬᭀᬕᬫᬓᬤᬶ᭞ᬮ᭄ᬯᬶᬃᬳᬓᬰ᭞ᬕᬮᬂ
ᬢᬦ᭄ᬮᬫᬤᬦ᭄᭞ᬢᭀᬂᬳᬤᬫᬢ᭄ᬭᬰᬩ᭄ᬥᬦᬾ᭞ᬳᬶᬓᬃᬡ᭄ᬦᬢ᭄ᬯᬭᬗᬭᬸᬗᬸ᭞ᬤᬾᬦᬶᬂᬲᬸ᭠ᬩᬫ᭄ᬭᬕᬚᬢᬶ᭞ᬓᬤᬶᬮᬗᬶᬢ᭄ᬢᬦ᭄ᬧᬢᬾᬚ᭞ᬕᬮᬂᬳ᭄ᬦᬶᬂᬲᬸᬯᬸᬂᬤᬫ᭄ᬧ᭄ᬮᬸᬂ᭞ᬳᬲᬶᬂᬳᬶᬥᬧ᭄ᬲᬸᬩᬲ
ᬚ᭞ᬧᬶᬸᬳᬧᬲ᭄ᬯᬢᬄ᭞ᬧᬜ᭄ᬯᬢᬳᬾᬫᬤ᭄ᬫᬚᬢᬶ᭞ᬓᬾᬢᭀᬳᬶᬢᬃᬓ᭄ᬓᬬᭀᬕ᭄ᬕ᭟ᬓᬧᬶᬂᬳᭂᬦᭂᬫ᭄ᬲ᭄ᬫᬥᬶᬬᭀᬕᬢ᭄ᬯᬶᬍᬯᬶᬄ᭞ᬓᬧᬶᬂᬳᬸᬦ᭄ᬢᬢ᭄᭞ᬚ᭄ᬜᬡᬢᬦᬶᬸᬦ᭄ᬧᭀᬧᬾ᭠
[᭓᭗ 37A]
᭓᭗
ᬓ᭄ᬱ᭞ᬢ᭄ᬯᬭᬜᬮᬦᬂᬚᬳᬶᬮᬾ᭞ᬢ᭄ᬯᬭᬳᬤᬧ᭄ᬭᬶᬄᬭᬸᬭᬸᬄ᭞ᬓ᭄ᬮᬦ᭄ᬓᬾᬯᬮᬫᬗᬦ᭄ᬢᬶ᭞ᬢ᭄ᬓᭃᬓᬗ᭄ᬕᭀᬳᬲᬶᬂᬢ᭄ᬓᬵ᭞ᬳᭂᬦᬶᬂᬳᬶᬤᬢᬦ᭄ᬧᬍᬢᬸᬄ᭞ᬳᬶᬤᬫᬭᬕᬘᬾᬣᬦ᭞ᬢᬦ᭄ᬗᬶᬢᬸᬗᬂ᭞
ᬦᬾᬳᬤᬤᬶᬭᬕᬲᬫᬶ᭞ᬮᬸᬧᬸᬢᬶᬂᬘᬢᬸᬃᬓᬮ᭄ᬧᬡ᭟ᬳᬧᬂᬢᬯᬂᬳᬶᬘᬢᬸᬃᬓᬮ᭄ᬧᬡᬚᬢᬶ᭞ᬓᬢ᭄ᬕᭂᬲᬂ᭞ᬳᭂᬜᬾᬦ᭄ᬲᬂᬫᬦᬯᬂ᭞ᬳᬧᬦᬾᬓᬢᬯᬂᬋᬓᬾ᭞ᬳᬶᬓᬪᬶᬱᬦ᭄ᬩᬵᬲ᭄ᬓ
ᬮᬚᬸᬃ᭞ᬳᬧᬚᬦᬾᬓᬩᬶᬸᬪᬶᬱᬦᬶᬦ᭄᭞ᬦᬄᬓᬾᬢᭀᬘᬢᬸᬃᬓᬮ᭄ᬧᬡ᭞ᬲᬂᬬᭀᬕᬶᬰ᭄ᬯᬭᬧᬫᬸᬧᬸᬢ᭄᭞ᬲᬦᬾᬧᬢᬸᬢ᭄ᬫᬦᬺᬯᬾᬦᬂ᭞ᬳᬶᬱᬤ᭄ᬳᬗ᭄ᬕ᭞ᬳᬶᬤᬲᬂᬧᬡ᭄ᬥᬶᬢᬦᬺᬯᬾ᭠
ᬦᬶᬦ᭄᭞ᬓ᭄ᬭᬡ᭄ᬦᬓᬳᬚ᭄ᬜᬡᬦ᭄ᬳᬶᬤ᭟ᬓ᭄ᬭᬡ᭄ᬦᬲᬶᬤ᭄ᬥᬵᬲᬗ᭄ᬳ᭄ᬬᬂᬯᬶᬰᬾᬱᬓᬧᬗ᭄ᬕᬶᬄ᭞ᬳᬦ᭄ᬢᬸᬓ᭄ᬳᬶᬤ᭞ᬭᬶᬂᬲᬂᬬᭀᬕᬶᬰ᭄ᬯᬭ᭞ᬳᭂᬦ᭄ᬢᭀᬭᬓ᭄ᬱᬵᬤᬶᬳᬶᬥᬧᬾ᭞ᬳᬶᬤᬰᬸᬰᬶᬮᬵᬧᬶ᭠
