[᭓᭕ 35B]
᭓᭕
ᬓᬢᬸᬢᬸᬃᬩᬧᬗᬹᬦᬶ᭞ᬫᬗ᭄ᬤᭂᬂᬧᬸᬲᭂᬃᬳᬶᬧᬺᬜ᭄ᬘᬃ᭟ᬳᬤᬩᬸᬯᬶᬦ᭄ᬬᭀᬕᬦᭂᬫ᭄ᬦᭂᬫ᭄ᬓᬳᬤᬦᬶᬦ᭄᭞ᬫᬳᬸᬢ᭄ᬢᬫ᭞ᬮ᭄ᬯᬶᬃᬜᬵᬦᬾᬬᬦ᭄ᬘᬘᬓ᭄᭞ᬲᬤᬕᬶᬂᬤᬕᬶᬂᬬᭀᬕᬦᬾ᭞ᬓ᭄ᬭᬡ᭄ᬦᬫᬯᬶ
ᬰᬾᬱᬢ᭄ᬧᬸᬓ᭄᭞ᬫᬤᬲᬃᬳᬶᬕᬮᬂᬩᬸᬤ᭄ᬥᬶ᭞ᬳᭂᬤᬓᬦ᭄ᬢᬶᬓᬲᬾᬯᭂᬭᬦ᭄᭞ᬲᬗ᭄ᬳ᭄ᬬᬂᬳᬚᬶᬫᬸᬮᬧᬸᬢᬸᬲ᭄᭞ᬳᬧᬂᬗᬺᬲᭂᬧ᭄ᬳᬧᬂᬢᬢᬲ᭄᭞ᬳᭂᬤᬳᬶᬫ᭞ᬮᬯᬸᬢ᭄ᬳᬶᬭᬶᬂᬲᬗ᭄ᬳ᭄ᬬᬂᬳᬚᬶ᭞ᬦᬄ᭠
ᬓᬓᬾᬢᭀᬤᬕᬶᬂᬬᭀᬕ᭟ᬓᬧᬶᬂᬢᬸᬗ᭄ᬕᬮ᭄ᬧ᭄ᬭᬢ᭄ᬬᬳᬭᬬᭀᬕᬍᬯᬶᬄ᭞ᬲᬂᬳᬶ᭠ᬦ᭄ᬤ᭄ᬭᬶᬬ᭞ᬫᬓ᭄ᬤᭂᬂᬫᬓ᭄ᬚᬂ᭞ᬫ᭄ᬯᬄᬲᬓᬜ᭄ᬘᬦ᭄ᬯᬶᬱᬬᬦᬾ᭞ᬩᬸᬤ᭄ᬥᬶᬫᬦᬄᬫᬗ᭄ᬥᬳᬤᬸᬂ᭞ᬢ᭄ᬯᬭᬤᬤᬶ
ᬓᭂᬫᬵᬫᬳᬶ᭞ᬓ᭄ᬫᬶᬢ᭄ᬳᬶᬥᬧᬾᬕᬶᬲᬶᬬᬂ᭞ᬳᬧᬂᬳᭂᬤᬵᬲᬳᬶᬗᬗ᭄ᬕᬸᬃ᭞ᬢᬸᬲᬶᬂᬤᬤᬶᬫᬫ᭄ᬚᭂᬓ᭄ᬩᭀᬘᬄ᭞ᬦᬗᬸᬦ᭄ᬬᭀᬕ᭞ᬲᬸᬘᬶᬫᬦᬄᬲᬳᬶᬢᬶᬮᬶᬂ᭞ᬫᬢᬶᬢᬶᬲᬂᬧ᭄ᬭᬢ᭄ᬬᬳᬭ᭟ᬓᬧᬶᬂ
[᭓᭖ 36A]
᭓᭖
ᬧᬶᬦ᭄ᬤᭀᬥ᭄ᬬᬦᬵᬬᭀᬕᬓᬯᬱ᭄ᬝᬦᬶᬦ᭄᭞ᬫᬲᬶᬄᬫᭂᬮᬄ᭞ᬢ᭄ᬯᬭᬤᬤᬶᬳᭀᬩᬄ᭞ᬳᬧᬂᬫᬦᬸᬗ᭄ᬕᬮ᭄ᬚ᭄ᬜᬡᬦᬾ᭞ᬢᬦ᭄ᬲᬂᬗ᭄ᬓᬮᬚ᭄ᬜᬡᬧᬸᬢᬸᬲ᭄᭞ᬢᬦ᭄ᬲᬄᬍᬕᬲᬳᬶᬳᭂᬦᬶᬂ
᭞ᬦᬶᬃᬫ᭄ᬫᬮᬩᬸᬤ᭄ᬥᬶᬫᬮᬶᬮᬂ᭞ᬋᬕᭂᬤ᭄ᬮᭂᬢᬸᬄᬲᬸᬩᬳᬜᬸᬤ᭄᭞ᬳᬸᬫ᭄ᬩᬄᬩᬳᬦ᭄ᬓᬩ᭄ᬬᬶᬸᬪ᭄ᬬᬱᬦ᭄᭞ᬲᬶᬦᬄᬲᬶᬤ᭄ᬥᬵ᭞ᬦᬗᬸᬦᬂᬥ᭄ᬬᬦᬵᬲ᭄ᬫᬵᬤᬶ᭞ᬫᬮᬭᬧᬦ᭄ᬲᬓᬶᬂᬚ᭄ᬜᬡ᭟ᬓᬧᬶᬂᬢᬶᬕᬧ᭄ᬭ
ᬡᬬᬫᬓᬯᬵᬱ᭄ᬝᬦᬶᬦ᭄᭞ᬧᬧᬶᬗᬶᬢᬦ᭄᭞ᬬᭀᬕᬧ᭄ᬭᬡᬬᬫ᭞ᬲᬃᬯ᭄ᬯᬤ᭄ᬯᬭᬫᬶᬦᭂᬩ᭄ᬓᬩᬾᬄ᭞ᬤᬶᬲᬸᬩᬤ᭄ᬯᬭᬫᬢᬸᬢᬸᬧ᭄᭞ᬳᬶᬪᬬᬸᬫᬳᬶᬲᭂᬧ᭄ᬲᬫᬶ᭞ᬮᬶᬯᬸᬢ᭄ᬳᬸᬫᬤ᭄ᬗᬫᭂᬦᬾ
ᬓᬂ᭞ᬓᬯᬸᬦ᭄ᬯᬸᬦᬦ᭄ᬫᭂᬢᬸ᭞ᬬᬦ᭄ᬢᬦ᭄ᬪ᭄ᬬᬱᬓᬯᬸᬦ᭄ᬯᬸᬦᬦ᭄᭞ᬮᬯᬸᬢ᭄ᬚᬗ᭄ᬓ᭞ᬓᬘᬸᬗᬸᬄᬲᭂᬓᬲᬤᬶᬤᬶᬓ᭄᭞ᬪᬬᬸᬦᬾᬗᬫ᭄ᬩᬄᬧᬢ᭄ᬮᬦ᭄᭟ᬓᬧᬶᬂᬳᭂᬫ᭄ᬧᬢ᭄ᬥᬭᬡᬬᭀᬕᬓ
