Kaca:Bali-lontar-paparikan-wraspati-tatwa-02-300ppi.pdf/3

[᭒ 2B]
᭒
ᬮ᭄ᬳᬶᬫᬬᬢᬢ᭄ᬯ᭞ᬧᬺᬥᬦᬢᬢ᭄ᬯᬫᬓᬵᬤᬶ᭞ᬦᭂᬢᭂᬄᬤᬶᬢᬸ᭞ᬲᬂᬳ᭄ᬬᬂᬳᬢ᭄ᬫᬵᬓᬲᬗ᭄ᬲᬭᬦ᭄᭟ᬧᬺᬥᬦᬢᬢ᭄ᬯᬢᬸᬢᬸᬭᬂ᭞ᬪᬝᬵᬭᬭᬶᬲ᭄ᬫᬗᭂᬜ᭄ᬘᬦᬶᬦ᭄᭞ᬤᬤᬶᬫᬲᬦ᭄ᬢᬦᬋ
ᬡ᭄ᬥᬄ᭞ᬢ᭄ᬭᬶᬕᬸᬡ᭄ᬦᬢᬢ᭄ᬯᬳᬸᬫᬶᬚᬶᬮ᭄᭞ᬲᬢ᭄ᬯᬭᬚᬄᬢᬫᬄᬰᬓ᭄ᬢᬶ᭞ᬫᬢᬶᬫ᭄ᬩᬂᬲᬋᬂᬢᬢᭂᬮᬸ᭞ᬳᬲᬶᬂᬕᭂᬤᬾᬤᬤᬶᬫᭂᬦᬂ᭞ᬫᬓᬃᬤᬶᬲᬮᬶᬂᬮᬗ᭄ᬓᬸᬗᬶᬦ᭄᭞ᬳᬚᬓ᭄‌‌ᬢᭂᬮᬸ᭞ᬲ
ᬮᬶᬂᬢᬸᬮᬸᬂᬲᬮᬶᬂᬳᬸᬫᬤ᭄᭟ᬳᬶᬥᬧ᭄ᬲᬢ᭄ᬯᬦᬾᬢᬸᬢᬸᬭᬂ᭞ᬩᬸᬤ᭄ᬥᬶᬳᬶᬗᬦ᭄ᬫᬶᬯᬄᬳᭂᬦᬶᬂ᭞ᬫᬶᬯᬄᬬᬦ᭄ᬳᬶᬩᬸᬤ᭄ᬥᬶᬭᬚᬄ᭞ᬢᬭᬶᬓ᭄‌‌ᬳᭀᬩᬄᬓᬤᬶᬳᬗᬶᬦ᭄᭞ᬫᬮᬶᬄᬳᬶᬢᬫᬄᬢᭂᬕᭂᬲᬶ
ᬦ᭄᭞ᬳᬦ᭄ᬢᭂᬩ᭄ᬲᬭᬢ᭄ᬧᭂᬢᭂᬂᬮᬶᬩᬸᬢ᭄᭞ᬲᬓᬶᬂᬳᬶᬥᬧ᭄ᬫᬗ᭄ᬭᬡ᭄ᬦᬬᬂ᭞ᬰ᭄ᬯᬃᬕ᭄ᬕᬦᬾᬧᬘᬂᬓᬧᬗ᭄ᬕᬶᬄ᭞ᬳᬶᬥᬧ᭄‌‌ᬦᬸᬤᬸᬄ᭞ᬓ᭄ᬭᬡ᭄ᬦᬓᬢᬶᬩᬭᬶᬂᬓᬯᬄ᭟ᬲᬓᬶᬂᬳᬶᬥᬧ᭄ᬫᬗ᭄ᬭᬡ᭄ᬦᬬᬂ᭞

[᭓ 3A]
᭓
ᬤᬤᬶᬢᬶᬭ᭄ᬬᬓ᭄‌‌ᬫᬦᬸᬫᬶᬢᬶᬲ᭄᭞ᬤᬾᬦᬶᬂᬳᬶᬥᬧᬾᬫᬓ᭄ᬭᬡ᭄ᬦ᭞ᬓᬫᬦᬸᬱᬦ᭄ᬫᬡ᭄ᬥᬯᬤᬶ᭞ᬲᬓᬶᬂᬳᬶᬥᬧ᭄ᬓ᭄ᬭᬡ᭄ᬦᬫᬗ᭄ᬕᬶᬄ᭞ᬓᬫᭀᬓ᭄ᬱᬦ᭄ᬓᬍᬧᬲ᭄ᬳᬬᬸ᭞ᬳᬶᬥᬧ᭄ᬢᭂᬮᬸᬦᬾᬫᬓ᭄ᬭᬡ᭄ᬦ᭞ᬫᬗ᭄ᬕᬶᬄ
ᬳᬮᬮᬯᬦ᭄ᬩᭂᬘᬶᬓ᭄᭞ᬲᬲᬢ᭄ᬕᬸᬭᬸ᭞ᬳᬶᬥᬧᬾᬢ᭄ᬯᬄᬤᬤᬶᬤᬲᬃ᭟ᬩᬸᬯᬶᬦ᭄ᬯᬦ᭄ᬢᬸᬦᬶᬦ᭄ᬘᬭᬶᬢ᭄ᬣ᭞ᬩᬸᬤ᭄ᬥᬶᬲᬢ᭄ᬯᬦᬾᬢᭂᬕᭂᬲᬶᬦ᭄᭞ᬳᬶᬥᬧ᭄‌‌ᬧᬕᭂᬄᬢᬸᬭᬶᬂᬕᬮᬂ᭞ᬩᬶᬱᬗᬶᬗᭂᬃᬳᬲᬶᬂ
ᬫᭂᬦ᭄ᬢᬶᬓ᭄᭞ᬲᬃᬯ᭄ᬯᬫᬬᬓᬳᬸᬦᬶᬗᬶᬦ᭄᭞ᬳᬶᬰ᭄ᬯᬭᬢᬢ᭄ᬯᬧᬫᬸᬧᬸᬢ᭄᭞ᬢᬢᬲ᭄ᬧᬸᬦᬶ᭠ᬓᬵᬓᬢᬯᬂ᭞ᬳᬮᬸᬲ᭄ᬫᬫᭂᬲ᭄ᬯᬂᬫᬸᬜᬶ᭞ᬩᬶᬓᬲ᭄ᬧᬗᬸᬲ᭄᭞ᬢᬦ᭄ᬲᬄᬩᬶᬱᬗᬮᬧ᭄ᬢᬺᬱ᭄ᬡ᭟ᬩᬸ
ᬤ᭄ᬥᬶᬭᬚᬳᬾᬳᬸᬘᬧᬂ᭞ᬫᬫ᭄ᬩᭂᬓ᭄ᬓ᭄ᬭᭀᬥᬲᬳᬶᬲᬳᬶ᭞ᬲᭀᬮᬄᬕᬗ᭄ᬲᬃᬢᬸᬃᬧ᭄ᬭᬶᬓᭀᬰ᭞ᬢᬦ᭄ᬲᬄᬗ᭄ᬕᬯᬾᬦᬶᬦ᭄‌‌ᬚᬚ᭄ᬭᬶᬄ᭞ᬮᭀᬪᬫᬹᬃᬓ᭄ᬓᬫᬫᬦᭂᬲᬶᬦ᭄᭞ᬘᬧᬮ