[᭑ 1B]
᭑
᭚᭜᭚ᬧᬸᬧᬸᬄᬲᬶᬦᭀᬫ᭄᭟ᬯᬶᬪᬹᬄᬰᬓ᭄ᬢᬶᬢ᭄ᬯᬄᬳᬶᬦᬸᬘᬧ᭄᭞ᬫᬗᭂᬩᭂᬓᬶᬦ᭄ᬚᬕᬢ᭄ᬲᬫᬶ᭞ᬧ᭄ᬭᬪᬹᬯᬶᬪᬸᬄᬫᬳᬸᬢ᭄ᬢᬫ᭞ᬭᬶᬂᬧᬤ᭄ᬫᬓᬵᬭᬫᬮᬶᬗ᭄ᬕᬶᬄ᭞ᬫᬶᬯᬄᬗᬕᭂᬫ᭄ᬘᬥᬸ
ᬰᬓ᭄ᬢᬶ᭞ᬳ᭄ᬬᬂᬭᬸᬤᬺᬫᬭᬕᬤᬶᬢᬸ᭞ᬢᬸᬯᬶᬢ᭄ᬯᬭᬳᬤᬧᬤ᭞ᬳᬤᬕᬸᬡ᭄ᬦᬲᬃᬯ᭄ᬯᬍᬯᬶᬄ᭞ᬫᬸᬗ᭄ᬕᬸᬄᬤᬶᬢᬸ᭞ᬭᬶᬂᬳᬗ᭄ᬕᬦ᭄ᬳᬶᬤᬪᬝᬵᬭ᭟ᬳᬶᬤᬩᬶᬱᬵᬫᬫᬶᬳᬃᬱ᭞ᬳᬤᭀᬄᬦᬫ᭄ᬧᭂ
ᬓ᭄ᬧᬢᬸᬄᬲᬫᬶ᭞ᬬᬤᬶᬦ᭄ᬲᬳᬫ᭄ᬩᭂᬓᬶᬂᬯ᭄ᬯᬂ᭞ᬳᬶᬤᬢᬢᬲ᭄ᬲᬫᬶᬳᬸᬦᬶᬂ᭞ᬦᬾᬦᬾᬤᭀᬄᬦᬾᬦᬾᬤᬶᬦᬶ᭞ᬘᬓ᭄ᬱᬸᬲᬦ᭄ᬳᬶᬤᬧᬶᬢᬸᬳᬸ᭞ᬩᬾᬢᬾᬮ᭄ᬧᬦᭀᬦ᭄ᬫ᭄ᬯᬄᬧᬗ᭄ᬭᬾᬗᭀ᭞ᬢ᭄ᬯ
ᬭᬢᬳᬾᬦ᭄ᬳᬶᬤᬮᬮᬶ᭞ᬍᬯᬶᬄᬫᬸᬭᬸᬩ᭄᭞ᬳᬓᬾᬄᬬᬦ᭄ᬫᬮᬶᬄᬢᬸᬢᬸᬭᬂ᭟ᬰᬶᬯᬢᬢ᭄ᬯᬦᬾᬢᬸᬢᬸᬭᬂ᭞ᬧᬮᬶᬂᬲᭀᬃᬳᬶᬤᬫᬮᬶᬗ᭄ᬕᬶᬄ᭞ᬰᬶᬯᬵᬢ᭄ᬫᬳᬶᬤᬳᬶᬦᬸᬘᬧ᭄᭞ᬲᬂᬗ᭄ᬳ᭄ᬬᬂ᭠
[᭒ 2A]
᭒
ᬳᬢ᭄ᬫᬮᬶᬦ᭄ᬢᬂᬍᬯᬶᬄ᭞ᬳᬗᬶᬂᬓᬓᬮᬶᬄᬓᬧᬗ᭄ᬕᬶᬄ᭞ᬰ᭄ᬯᬃᬕ᭄ᬕᬦᬭᬓᬦᬾᬤᬶᬢᬸ᭞ᬓᬧᬗ᭄ᬕᬸᬄᬢ᭄ᬯᬄᬲᬸᬓᬤᬸᬓ᭞ᬲᬸᬓᬤᬸᬓᬧᬮᬕᭂᬦ᭄ᬢᬶ᭞ᬳᬮᬳᬬᬸ᭞ᬳᭂᬦ᭄ᬢᭀᬳᬸᬕᬶᬧᬘᬂᬩ
ᬓᬢ᭄᭟ᬤᬾᬦᬶᬂᬓᬮᬶᬧᬸᬢ᭄ᬩᬵᬦ᭄ᬫᬮᬵ᭞ᬳᬘᬾᬢᬦᬫᬗᬸᬭᬸᬕᬶᬦ᭄᭞ᬳᭂᬦ᭄ᬢᭀᬓ᭄ᬭᬡ᭄ᬦᬓᬲᬂᬲᬭᬦ᭄᭞ᬰᬶᬯᬢᬢ᭄ᬯᬫᬤᬶᬡᬶᬓ᭄᭞ᬓᬮᬶᬧᬸᬢ᭄ᬩᬵᬦ᭄ᬮᬢᭂᬓ᭄ᬤᬓᬶ᭞ᬳᬶᬫ
ᬡᬶᬓ᭄ᬤᬤᬶᬓᬓᬧᬸᬢ᭄᭞ᬩᬵᬦ᭄ᬲᬃᬯ᭄ᬯᬫᬮᬵᬫᬮᬵ᭞ᬳᬢ᭄ᬫᬵᬦᬾᬫᬧᬬᬲ᭄ᬤᬓᬶ᭞ᬲᬃᬯ᭄ᬯᬍᬢᬸᬄ᭞ᬳᬘᬾᬝᬦᬦᬾᬓᬳᬸᬘᬧ᭄᭟ᬫᬶᬚᬶᬮ᭄ᬲᬓᬶᬂᬫᬬᬢᬢ᭄ᬯ᭞ᬮ᭄ᬬᬸ
ᬮᬯᬢ᭄ᬫᬗ᭄ᬭᬜ᭄ᬚᬶᬗᬶᬦ᭄᭞ᬳᬸᬮᬶᬓᬸᬧᬶᬂᬘᬸᬗᬸᬄᬫᬢ᭞ᬘᬗ᭄ᬓᭂᬫ᭄ᬧᬸᬭᬸᬲ᭄ᬧᬱ᭄ᬝᬓᬸᬮᬶᬢ᭄᭞ᬫᬶᬯᬄᬳᬤᬲᬓᬶᬂᬲᬶᬮᬶᬢ᭄᭞ᬳᭂᬦ᭄ᬢᭀᬓ᭄ᬭᬡ᭄ᬦᬧᭂᬢᭂᬂᬮᬶᬩᬸᬢ᭄᭞ᬫᬓᬸᬫ᭄ᬧᬸ
