Kaca:Bali-lontar-paparikan-wraspati-tatwa-02-300ppi.pdf/12

[᭑᭑ 11B]
᭑᭑
ᬜ᭄ᬘᬫᬳᬵᬪᬸᬢᬰᬓ᭄ᬢᬶ᭞ᬲᬓᬶᬂᬲ᭄ᬧᬃᬱᬳᬶᬪᬬᬸ᭞ᬳᬓᬰᬲᬓᬶᬂᬳᬶᬰᬩ᭄ᬥ᭞ᬲᬓᬶᬂᬭᬹᬧ᭞ᬳᬶᬢᬾᬚᬭᬭᬶᬲ᭄ᬳᬸᬫ᭄ᬢᬸ᭞ᬲᬓᬶᬂᬭᬱᬫ᭄ᬢᬸᬳᬧᬄ᭞ᬕᬡ᭄ᬥᬧᬺᬢ᭄ᬣᬶᬯᬶᬦᬾᬫᬶᬚᬶᬮ᭄᭟ᬬ
ᬦᬶᬂᬲᬸᬩᬓᬢᭀᬦ᭄ᬢᬶᬗ᭄ᬕᬃ᭞ᬢᬸᬭᬶᬂᬲᬶᬤ᭄ᬥᬩᬳᬦ᭄ᬗᬯᬾᬢᬸᬃᬫᬗᬶᬲᬶ᭞ᬢᬢ᭄ᬯᬲᭀᬯᬵᬱ᭄ᬝᬦ᭄ᬳᬶᬧᬸᬦ᭄᭞ᬢᬢ᭄ᬯᬲᭀᬃᬢ᭄ᬯᬄᬜᬶᬤ᭄ᬥᬬᬂ᭞ᬫᬗᬸᬗ᭄ᬲᬶᬬᬂ᭞ᬢᬢ᭄ᬯᬦᬾᬦᭀᬗᭀᬲ᭄ᬤᬶᬤᬸᬳᬸᬃ᭞ᬢᬸ
ᬭᬶᬂᬜᬶᬤ᭄ᬥᬬᬂᬫᬦᬶᬢᬄ᭞ᬲᬓᬶᬂᬲᭀᬃᬮᬸᬳᬸᬃᬓᬳᬸᬗ᭄ᬰᬶ᭟ᬧᬺᬢ᭄ᬣᬶᬯᬶᬢᬢ᭄ᬯᬘᬭᬶᬢ᭄ᬣ᭞ᬧᬓᬸᬫ᭄ᬧᬸᬮᬦ᭄ᬢᬢ᭄ᬯᬢᬢ᭄ᬯᬫᬓᬲᬫᬶ᭞ᬲ᭄ᬧᬃᬱᬕᬸᬡ᭄ᬦᬦᬶᬂᬪᬬᬸ᭞ᬰᬩ᭄ᬥᬕᬸᬡ᭄ᬦᬦᬶᬂᬳᬓᬰ᭞᭠
ᬬᬳᬶᬭᬶᬸᬭᬹᬧ᭞ᬕᬸᬡ᭄ᬦᬦᬶᬂᬢᬾᬚᬧᬶᬢᬸᬳᬸ᭞ᬳᬶᬭᬱᬕᬸᬡ᭄ᬦᬦᬶᬂᬳᬧᬄ᭞ᬕᬡ᭄ᬥᬦᬾᬲᬓᬶᬂᬧᬺᬢ᭄ᬣᬶᬯᬶ᭟ᬘᬘᬓᬦ᭄ᬭᬱᬦᬾᬯᬶᬮᬂ᭞ᬦᭂᬫ᭄ᬦᭂᬫ᭄ᬓᬸᬫ᭄ᬧᬸᬮ᭄ᬱᬤ᭄ᬭᬱᬢ᭄ᬯᬄᬓᬵᬤᬦᬶᬦ᭄᭞

[᭑᭒ 12A]
᭑᭒
ᬧᬓᬾᬄᬫᬲᭂᬫ᭄ᬲᭂᬧᭂᬢ᭄ᬢᬸᬳᬸ᭞ᬫᬦᬶᬲ᭄ᬧᬳᬶᬢ᭄ᬫᬶᬯᬄᬮᬮᬄ᭞ᬲᬸᬩᬧ᭄ᬭᬕᬢ᭄᭞ᬳᬶᬱᬤ᭄ᬭᬱᬦᬾᬓᬓᬸᬫ᭄ᬧᬸᬮ᭄᭞ᬢᬢ᭄ᬯᬲᭀᬃᬳᭂᬦ᭄ᬢᭀᬫᬓ᭄ᬚᬂ᭟ᬲᬫᬶᬕᬸᬡ᭄ᬦᬦᬶᬂᬧᬺᬢ᭄ᬣᬶᬯᬶ᭟ᬲᬓᬶᬂᬳ
ᬫ᭄ᬩᬸᬢ᭄ᬯᬄᬤᬤ᭄ᬯ᭞ᬳᬮᬳᬬᬸᬫᬶᬳᬶᬓ᭄‌‌ᬫᬓᬫᬶᬯᬄᬧ᭄ᬗᬶᬢ᭄᭞ᬳᬶᬱᬤ᭄ᬭᬱᬩᬸᬯᬶᬦ᭄ᬳᬶᬢᬸᬂ᭞ᬳᭂᬦ᭄ᬢᭀᬓᬳᬶᬦᬸᬫ᭄ᬓᬧᬗᬦ᭄᭞ᬭᬶᬂᬳᬶᬚᬦ᭄ᬫ᭞ᬮᬸᬄᬫ᭄ᬯᬦᬶᬫᬗᬦ᭄‌‌ᬗᬶᬦᬸᬫ᭄᭞ᬳᭂᬦ᭄ᬢᭀᬫ
ᬦᬤᬶᬰᬭᬶᬭᬵ᭞ᬫᬶᬯᬄᬫᬦᬤ᭄ᬬᬂᬳᬸᬭᬶᬧ᭄᭟ᬲᬭᬶᬦ᭄‌‌ᬰᬭᬶᬭᬦᬾᬓᭀᬘᬧ᭄᭞ᬳᭂᬦ᭄ᬢᭀᬦᬤᬶᬓᬫᬵᬮᬸᬄᬫᬶᬯᬄᬫ᭄ᬯᬦᬶ᭞ᬲ᭄ᬯᬦᬶᬢᬬᬦ᭄ᬚᬦ᭄ᬫᬳᭂᬮᬸᬄ᭞ᬬᬦ᭄ᬭᬶᬂᬫ᭄ᬯᬦᬶᬫᬤ᭠
ᬦ᭄‌‌ᬰᬸᬓ᭄ᬮ᭞ᬫᬓᬤᬤ᭄ᬯ᭞ᬭᬶᬂᬧᬤ᭄ᬫᬦᬤᬶᬳᬸᬫᬸᬗ᭄ᬕᬸᬄ᭞ᬭᬶᬂᬫᬵᬤ᭄ᬬᬦᬶᬂᬳᬶᬱᬤ᭄‌‌ᬓᭀᬰ᭞ᬤᬶᬢᬸᬢᭀᬗᭀᬲ᭄‌‌ᬲᬂᬳ᭄ᬬᬂᬳᬸᬭᬶᬧ᭄᭟ᬳᬶᬰᬸᬓ᭄ᬮᬫ᭄ᬯᬄᬳᬶᬲ᭄ᬯᬦᬶᬢ᭞ᬫᬦᬸᬫᬤᬶᬓ