[᭑᭐ 10B]
᭑᭐
ᬧᬱ᭄ᬝᬧᬸᬭᬸᬲ᭄᭞ᬲᬸᬩᬫᬯᬶᬮᬂᬳᬤᬰ᭞ᬲᬂᬳᬶᬦ᭄ᬢ᭄ᬭᬶᬬ᭞ᬫᬗᬯᬾᬦᬶᬦ᭄ᬧᭂᬢᭂᬂᬮᬶ᭠ᬩᬸᬢ᭄᭞ᬤᬾᬦᬶᬂᬯᬶᬚᬶᬮ᭄ᬲᬓᬶᬂᬢᬫᬄ᭞ᬳᬗ᭄ᬓᬭᬫᭀᬫᭀᬢᬦ᭄ᬲᬶᬧᬶ᭟ᬲᬶᬪᬸᬢᬵᬥᬶ
ᬳᬗ᭄ᬓᬭ᭞ᬫᬓᬫᬶᬯᬄᬲᬶᬢᬾᬚᬲᬵᬜᬋᬗᬶᬦ᭄᭞ᬕᬯᬾᬦᬾᬧᬥᬓᬯᬗᬸᬦ᭄᭞ᬫᭂᬢᬸᬳᬶᬧᬜ᭄ᬘᬢᬦ᭄ᬫᬢᬺ᭞ᬫᬲ᭄ᬯᬪᬯ᭞ᬧᬥᬳᬗ᭄ᬓᬭᬧᬫᬸᬧᬸᬢ᭄᭞ᬓ᭄ᬭᬡ᭄ᬦᬳᬤᬮᬯ᭠
ᬢ᭄ᬫᬢᬺ᭞ᬓᬢᬫᬓᬬᬂᬓᬯᬶᬗ᭄ᬓᬶᬂ᭟ᬳᬶᬧᬜ᭄ᬘᬢᬦ᭄ᬫᬢ᭄ᬭᬯᬶᬮᬂ᭞ᬳᬤᬰᬩ᭄ᬥᬲ᭄ᬧᬃᬰᬶᬸᬱᬭᬹᬧᬵᬲᬫᬮᬶᬄ᭞ᬕᬡ᭄ᬥᬓᬢᬶᬩᬭᬶᬂᬘᬸᬗᬸᬄ᭞ᬭᬱᬵᬭᬶᬂᬮᬶᬥᬄᬫᬕᭂᬦᬄ᭞ᬬᬳᬶ
ᬭᬹᬧᬵ᭞ᬭᬶᬂᬫᬢᬯᬦ᭄ᬢᬄᬫᬮᬸᬗ᭄ᬕᬸᬄ᭞ᬲ᭄ᬧᬃᬱᬵᬭᬶᬂᬓᬸᬮᬶᬢ᭄ᬓᭀᬘᬧ᭄᭞ᬰᬩ᭄ᬥᬭᬶᬂᬘᬗ᭄ᬓᭂᬫ᭄ᬫᬮᬶᬗ᭄ᬕᬶᬄ᭟ᬬᬦ᭄ᬧᬓ᭄ᬱᬢᬸᬢᬸᬧ᭄ᬳᬶᬓᬃᬡ᭄ᬦ᭞ᬅᬤᬰᬩ᭄ᬥᬲᬫᬦ᭄ᬢ᭄ᬭᬓᬋᬗᭂᬄᬓᬭᬶ
[᭑᭑ 11A]
᭑᭑
ᬮᬶᬢ᭄ᬦᬶᬂᬰᬩ᭄ᬥᬓᬭᬸᬗᬸ᭞ᬳᭂᬦ᭄ᬢᭀᬢ᭄ᬯᬄᬰᬩ᭄ᬥᬢᬦ᭄ᬫᬢ᭄ᬭ᭞ᬳᬤᬳᬗᬶᬦ᭄᭞ᬓᬓᬸᬮᬶᬢ᭄ᬫᬦ᭄ᬢᬄᬫᬜᬸᬲᬸᬧ᭄᭞ᬓᬳᬶᬥᬧ᭄ᬲᬸᬩᬫᬭᬱ᭞ᬲ᭄ᬧᬃᬱᬢᬦ᭄ᬫᬢ᭄ᬭᬚᬢᬶ᭟ᬓᬵᬮᬲᬸᬫᬸ
ᬭᬸᬧ᭄ᬳ᭄ᬬᬂᬲᬹᬃᬬ᭄ᬬ᭞ᬮᬶᬢ᭄ᬦᬶᬂᬢᬾᬚᬓᬢᭀᬦ᭄ᬲᬫᬢ᭄ᬭᬓᬭᬶ᭞ᬭᬹᬧᬢᬦ᭄ᬫᬢ᭄ᬭᬓᬯᬸᬯᬸ᭠ᬲ᭄᭞ᬫᬶᬯᬄᬲᬮ᭄ᬯᬶᬭᬶᬂᬧᬶᬦᬗᬦ᭄᭞ᬳᬤᬭᬱᬵ᭞ᬭᬶᬂᬮᬶᬥᬄᬲᬫᬢ᭄ᬭᬓᬦ᭄ᬢᬸᬦ᭄᭞ᬳᭂᬦ᭄ᬢᭀ
ᬢ᭄ᬯᬄᬓᬳᬤᬦᬶᬦ᭄᭞ᬭᬱᬢᬦ᭄ᬫᬢ᭄ᬭᬲᬸᬚᬢᬶ᭟ᬳᬲᭂᬧ᭄ᬫᭂᬜᬦ᭄ᬫ᭄ᬯᬄᬘᬡ᭄ᬥᬦ᭞ᬳᬲᬶᬂᬳᬫ᭄ᬩᬸᬳᬶᬘᬸᬗᬸᬄᬳᬶᬗᬦ᭄ᬫᬗ᭄ᬭᬜ᭄ᬚᬶᬂ᭞ᬓᬲᬸᬯᬾᬦ᭄ᬳᬫ᭄ᬩᬸᬦᬾᬳᭂᬦᬸ᭞ᬫᬢ᭄ᬭᬫᬢ᭄ᬭᬫᬭᬯ
ᬢ᭄᭞ᬳᭂᬦ᭄ᬢᭀᬫᬤᬦ᭄᭞ᬕᬡ᭄ᬥᬢᬦ᭄ᬫᬢ᭄ᬭᬧᬶᬢᬸᬤᬶᬸᬄᬳᬸ᭞ᬳᬫᭀᬦ᭄ᬢᭀᬧᬜ᭄ᬘᬢᬦ᭄ᬫᬢ᭄ᬭ᭞ᬲᬓᬾᬂᬭᬚᬄᬢᬫᬄᬫᬶᬚᬶᬮ᭄᭟ᬲᬓᬶᬂᬳᬶᬧᬜ᭄ᬘᬢᬦ᭄ᬫᬢ᭄ᬭ᭞ᬗᬯᬶᬚᬶᬮᬂᬧ
