Kaca:Bali-lontar-paparikan-wiratha-parwa-300ppi.pdf/27

Kaca puniki sampun kauji-wacén

[᭒᭖ 26B]
᭒᭖
ᬢᭂᬓ᭄ᬧ᭄ᬭᬯᬶᬭ᭞ᬭᬦ᭄ᬢᬩᬦ᭄ᬲᬫᬶᬫᬢᬗᬶ᭞ᬯᬢᭂᬓᬶᬂᬧ᭄ᬭᬯᬶᬭᬫᬗ᭄ᬓᭀ᭞ᬫᬦᬩᬸᬄᬫ᭄ᬭᬥᬗ᭄ᬕᬤᬾᬯᬶ᭞ᬢᬦ᭄ᬚᬗ᭄ᬓᬬᬦ᭄ᬢᬸᬫᬸᬮᬶ᭞ᬚᭂᬫᬸᬃᬳᬭᭀᬓ᭄ᬲᬮᬶᬂᬓᭂᬧᬸᬂ᭞ᬧᬲ᭄ᬬᬢᬾᬲᬮᬶᬂᬤᬶᬸᬘᬶᬤ᭄ᬭ᭞ᬲᬂ
ᬲᬸᬲᬃᬫ᭄ᬫᬵᬫᬗ᭄ᬲᭂᬄᬕᬢᬶ᭞ᬦᬾᬓᬚᬸᬚᬸᬃ᭞ᬭᬶᬳᬋᬧ᭄ᬧ᭄ᬭᬪᬸᬯᬶᬭᬣᬵ᭟ᬧᬢᬗ᭄ᬓᭂᬧᬾᬢᬦ᭄ᬚᬗ᭄ᬓᬬᬦ᭄᭞ᬧᬥᬵᬲᬶᬭᬢᬸᬯᬶᬕᬢᬶ᭞ᬧᬥᬵᬢᭂᬥᬸᬦ᭄ᬭᬶᬂᬲ᭄ᬬᬦ᭄ᬤᬦ᭞ᬧᬋᬂᬜᭂᬫᬓ᭄ᬕᬤᬯᭂᬲᬶ᭞ᬫᬳᬸ
ᬤᭂᬭᬦ᭄ᬢᬗ᭄ᬕᬶᬗ᭄ᬲᬶᬃ᭞ᬲᬮᬶᬂᬢᭂᬫ᭄ᬩᬸᬂᬲᬮᬶᬂᬧᬸᬧᬸᬄ᭞ᬫᬸᬗ᭄ᬕᬄᬧ᭄ᬭᬪᬸᬯᬶᬭᬣ᭞ᬢᬶᬦᭂᬫ᭄ᬧᬓ᭄ᬓᬸᬤᬦ᭄ᬬᬓᬮᬶᬄ᭞ᬋᬫᭂᬓ᭄ᬋᬫᬸᬓ᭄᭞ᬢᭂᬓᬦᬶᬂᬘᬓ᭄ᬭᬦ᭄ᬬᬲᬫ᭄ᬩ᭄ᬭᬕ᭄᭟ᬢᬦ᭄ᬕᬶᬗ᭄ᬲᬶᬃᬧ᭄ᬭᬪᬸᬯᬶᬭᬣ᭞ᬗᬥᭂᬧᭂᬓ᭄ᬓᬸᬤᬦ᭄ᬬᬓᬵ
ᬮᬶᬄ᭞ᬦᬸᬮᬶᬗᬫ᭄ᬩᬸᬓ᭄ᬳᬶᬤᬕᭀᬗ᭄ᬲᭀᬃ᭞ᬫᬦᬸᬚᬄᬢ᭄ᬭᬶᬕᬃᬢ᭄ᬢᬧᬢᬶ᭞ᬫᬗᭂᬤᬸᬓ᭄ᬢᭀᬫᬭᬢᬶᬢᬶᬃ᭞ᬓᬤᭂᬍᬲᭂᬓ᭄ᬲᬮᬶᬂᬢᭂᬫ᭄ᬩᬸᬂ᭞ᬓᬢᬡ᭄ᬥᭂᬲ᭄ᬧ᭄ᬭᬪᬸᬯᬶᬭᬣ᭞ᬓᬳᭂᬚᬸᬓ᭄ᬳᬶᬤᬦᬾᬫᬗ᭄ᬓᬶᬦ᭄᭞ᬢ᭄ᬯᬶᬓᬢᭂ
[᭒᭗ 27A]
ᬕᬸᬮ᭄᭞ᬓᬩ᭄ᬭᬶᬓᭂᬲ᭄ᬭᬭᬶᬂᬲ᭄ᬓᬚᬭᬄ᭟ᬭᬶᬓᬵᬮᬳᬶᬤᬓᬚᬭᬄ᭞ᬓᬢᭂᬕᬸᬮ᭄ᬲᬂᬫᬓ᭄ᬱ᭄ᬬᬵᬧᬢᬶ᭞ᬲᬫᬶᬯᬢᭂᬓᬶᬂᬯᬶᬭᬣᬵ᭞ᬚᭂᬚᭂᬳᬾᬢᬦ᭄ᬲᬶᬦᬶᬧᬶ᭞ᬚ᭄ᬭᬶᬳᬾᬓᬕᬶᬭᬶᬕᬶᬭᬶ᭞ᬓᬲᭂᬲᭂᬃᬢᬸ
ᬯᬶᬓᬓᭂᬧᬸᬂ᭞ᬦᭀᬭᬦᬗᬯᬍᬲᬂ᭞ᬓᬢᬸᬫ᭄ᬩᬓᬶᬦ᭄ᬓᬩᬾᬭᬗᬶᬦ᭄᭞ᬢ᭄ᬯᬶᬓᬤᬸᬮᬸ᭞ᬤᬾᬦᬶᬭᬲᬂᬥᬃᬫ᭄ᬫᬯᬗ᭄ᬰ᭟ᬕᬢᬶᬳᬶᬤᬫᬗᬦ᭄ᬤᬶᬓᬵ᭞ᬭᬶᬲᬂᬪᬷᬫ᭄ᬫᬲᬾᬦᬫᬗ᭄ᬓᬶᬦ᭄᭞ᬘᬶᬗᬓ᭄ᬳᬤᬶᬲᬂᬩᬮ
ᬯᬵ᭞ᬳᬶᬓᬵᬲᬂᬯᬶᬭᬣᬧᬢᬶ᭞ᬓᬧ᭄ᬭᬓᭀᬱᬵᬓᬢᬮᬶᬦᬶᬦ᭄᭞ᬤᬾᬦᬶᬭᬵᬢ᭄ᬭᬶᬕᬃᬢ᭄ᬢᬧ᭄ᬭᬪᬸ᭞ᬓᭂᬦᭂᬳᬤᬶᬫᬗᬢ᭄ᬬᬂ᭞ᬫᬦᬸᬮᬸᬗᬶᬦ᭄ᬲᬂᬪᬸᬧᬢᬶ᭞ᬳᬧᬂᬢᬯᬸ᭞ᬳᬤᬶᬓᭂᬦᬵᬲᬶᬳᬶᬦ᭄ᬤᬦ᭟ᬲᬂᬩᬮᬯᬵ
ᬫᬢᬸᬃᬩᬗ᭄ᬓᬦ᭄᭞ᬇᬗ᭄ᬕᬶᬄᬭᬢᬸᬢᬶᬢ᭄ᬬᬂᬗᬶᬭᬶᬂ᭞ᬇᬓᬶᬯᬾᬦ᭄ᬢᭂᬦ᭄ᬢᬭᬸᬓᬢᭀᬦ᭄᭞ᬍᬯᬶᬄᬳᬕᭂᬂᬢᬦ᭄ᬲᬶᬦᬶᬧᬶ᭞ᬳᬶᬓᬵᬳᬫ᭄ᬩᬸᬢ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬦᬶᬕ᭄ᬢᬶᬕ᭄ᬰᬢ᭄ᬭᬸ᭞ᬬᬸᬥᬶᬱ᭄ᬝᬶᬭᬗᬦ᭄ᬤᬶᬓ᭞ᬳᭂ