[᭒᭕ 25B]
᭒᭕
ᬯᬓᬂᬲᬜ᭄ᬚᬢᬍᬯᬶᬄ᭞ᬢᬦ᭄ᬳᬸᬘᬧᬓ᭄ᬯᬾᬳᬶᬂᬫᬢᬶ᭞ᬳᬤᬓᬾᬧᬾᬢ᭄ᬳᬤᬳᭂᬮᬸᬂ᭞ᬲᬺᬗᭂᬦ᭄ᬫᬸᬗ᭄ᬕᬶᬮ᭄ᬓᬧᬸᬗ᭄ᬕᬮ᭄᭞ᬲ᭄ᬬᬢᬾᬕᬶᬕᬶᬲᬶᬦ᭄᭞ᬲᬮᬶᬂᬳᬫ᭄ᬩᬸᬓ᭄᭞ᬲᬮᬶᬂᬢᬸᬫ᭄ᬩᬓ᭄ᬓᬩᬾᬭᬗᬦ᭄᭟ᬕᭂᬢᬶᬄᬫᭂ
ᬫ᭄ᬩᬄᬢᬦ᭄ᬧᬓᬵᬮ᭞ᬫᬕᬸᬮᬸᬗᬦ᭄ᬓᬤᬶᬧᬲᬶᬄ᭞ᬓ᭄ᬭᬡᬵᬩᬸᬓᬾᬧᬥᭂᬫ᭄ᬫᬗ᭄ᬓᭀ᭞ᬕᬮᬂᬭᬶᬂᬭᬡᬗ᭄ᬕᬪᬸᬫᬶ᭞ᬫᬗ᭄ᬓᬢ᭄ᬲᬢᬦᬶᬓᬵᬓᬮᬶᬄ᭞ᬫᬥᬶᬭᬰ᭄ᬯᬢᬸᬯᬶᬢᬸᬫᬸᬢ᭄᭞ᬫᬕᬸᬢ᭄ᬢ᭄ᬭᬶᬕᬃᬢ᭄ᬢᬵᬬᬸᬥᬵ᭞ᬦᬶᬯ
ᬓᬂᬲᬜ᭄ᬚᬢᬵᬍᬯᬶᬄ᭞ᬢᬸᬯᬶᬲᬢᬸᬲ᭄᭞ᬧᭂᬚᬄᬤᬾᬦᬶᬂᬲᬢᬵᬦᬶᬓᬵ᭟ᬭᭀᬗᬢᬸᬲ᭄ᬫᬢᬶᬤᬾᬦᬶᬭ᭞ᬲᬂᬫᬥᬶᬭᬰ᭄ᬯᬢᬸᬫᬸᬮᬶ᭞ᬫᬭᬲᬂᬧ᭄ᬭᬪᬸᬯᬶᬭᬣᬵ᭞ᬲᬢᬸᬲ᭄ᬧᬸᬮᬸᬄᬯᬶᬭᬫᬢᬶ᭞ᬲᬳᬵᬦᬸᬗ᭄ᬕᬗᬶᬂ
ᬳᬱ᭄ᬝᬶ᭞ᬢᭂᬓᬦᬶᬂᬫᬗᬯᬵᬤᬦᬸᬄ᭞ᬓᬢᭀᬦ᭄ᬤᬾᬦᬶᬂᬲᬸᬲᬃᬫ᭄ᬫ᭞ᬯᬤ᭄ᬯᬦ᭄ᬜᬦᬾᬮᬶᬬᬸᬫᬢᬶ᭞ᬤᬾᬦᬶᬂᬰᬢ᭄ᬭᬸ᭞ᬫᬗ᭄ᬲᭂᬄᬫᬦᬸᬗ᭄ᬕᬗᬶᬂᬭᬣ᭟ᬓᬳᬸᬗ᭄ᬲᬶᬧ᭄ᬭᬪᬸᬯᬶᬭᬣ᭞ᬫᬢᬗ᭄ᬓᭂᬧ᭄ᬳᬶᬓᬵᬲᬂᬓᬵᬮᬶᬄ᭞ᬧ
[᭒᭖ 26A]
ᬥᬫᬦᭂᬕᬓᬶᬦ᭄ᬓ᭄ᬭᬾᬣᬵ᭞ᬧᬥᬵᬥᬶᬭᬲᬶᬭᬓᬵᬮᬶᬄ᭞ᬫᬗ᭄ᬓᬶᬦ᭄ᬧᬋᬓ᭄ᬳᬭᬸᬲᬶᬢ᭄᭞ᬓᬕᬾᬢ᭄ᬲᬂᬓᬮᬶᬄᬳᬦᬫ᭄ᬩᬸᬢ᭄᭞ᬫᬗᬸᬬᭂᬂᬳᬲ᭄ᬢ᭄ᬭᬵᬕᬥᬵ᭞ᬫᬓᬶᬮᬶᬢ᭄ᬬᬸᬥᬵᬦᬾᬫᬗ᭄ᬓᬶᬦ᭄᭞ᬲᬮᬶᬂᬩᭂᬦ᭄ᬢᬸᬃ᭞
ᬧᬥᬥᬶᬭᬭᬶᬂᬭᬡᬗ᭄ᬕ᭟ᬓᬲᬸᬯᬾᬦ᭄ᬧᬧ᭄ᬭᬂᬦᬶᬭ᭞ᬓᬲᬶᬗ᭄ᬲᬾᬢ᭄ᬭᬶᬕᬃᬢ᭄ᬢᬧᬢᬶ᭞ᬢᬶᬦᭂᬫ᭄ᬩᬸᬂᬓᬸᬤᬦ᭄ᬬᬗ᭄ᬭᬾᬫ᭄ᬧᭀᬂ᭞ᬲᬭᬣᬶᬦ᭄ᬬᬢᭂᬮᬲ᭄ᬫᬢᬶ᭞ᬬᬢ᭄ᬦᬵᬢ᭄ᬭᬶᬕᬃᬢ᭄ᬢᬧᬢᬶ᭞ᬗᬯᬍᬲᬂᬦᬸᬮᬶᬗᬫ᭄ᬩᬸᬓ᭄᭞ᬭᬣ
ᬲᬂᬫᬓ᭄ᬱ᭄ᬬᬥᬶᬧᬵ᭞ᬋᬫ᭄ᬧᬓ᭄ᬓ᭄ᬭᬾᬫ᭄ᬧᭀᬂᬓᬸᬤᬓᬮᬶᬄ᭞ᬧᭂᬚᬄᬲᬫ᭄ᬧᬸᬦ᭄᭞ᬢᭂᬓᬦᬶᬂᬲ᭄ᬬᬦ᭄ᬤᬦᬲᬫ᭄ᬩ᭄ᬭᬕ᭄᭟ᬕᭂᬮᬶᬲ᭄ᬲᬸᬭᬸᬧ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬧᭂᬢᭂᬂᬧᭂᬧᭂᬢ᭄ᬢᬸᬯᬶᬫᬗ᭄ᬓᬶᬦ᭄᭞ᬫᬓᬶᬍᬲ᭄ᬯᬢᭂᬓ᭄ᬧ᭄ᬭᬯᬶᬭ᭞ᬗᬸᬗ᭄ᬲᬶ
ᬧᭀᬡ᭄ᬥᭀᬓ᭄ᬤᬸᬃᬕ᭄ᬕᬫᬾᬱ᭄ᬝᬶ᭞ᬫᬭᬵᬃᬬ᭄ᬬᬦ᭄ᬳᬶᬧᬸᬦ᭄ᬲᬫᬶ᭞ᬧᬶᬭᬓᬸᬦᬂᬲᬸᬯᬾᬦ᭄ᬳᬶᬧᬸᬦ᭄᭞ᬯᬢᬭᬵᬢᭂᬗᬄᬯᭂᬗ᭄ᬬ᭞ᬢᬢᬲ᭄ᬫᬶᬚᬶᬮ᭄ᬲᬂᬳ᭄ᬬᬂᬰᬰᬶᬄ᭞ᬳᬶᬓᬵᬢᬸᬳᬸ᭞ᬗᬯᬾᬦᬂᬲᬸᬓᬦᬶᬂᬫᬦᬄ᭟ᬲᬓ᭄ᬭᬳᬶᬂᬯ
Kaca:Bali-lontar-paparikan-wiratha-parwa-300ppi.pdf/26
Kaca puniki sampun kauji-wacén
