[᭒᭓ 23B]
᭒᭓
ᬦᬶᬂᬓᬾᬢᭀᬳᬶᬥᭂᬧ᭄ᬳᬤᬶ᭞ᬩᭂᬮᬶᬍᬕᬵᬦᬫ᭄ᬧᬾᬦᬶᬦ᭄᭞ᬇᬗ᭄ᬕᬶᬄᬩᭂᬮᬶᬲᬸᬃᬬ᭄ᬬᬲᬸᬦᬸ᭞ᬓᬾᬢᭀᬳᬢᬹᬃᬢ᭄ᬭᬶᬕᬃᬢ᭄ᬢ᭞ᬩᭂᬮᬶᬫᬫᬶᬦᭂᬳᬶᬦ᭄ᬫᬗ᭄ᬓᬶᬦ᭄᭞ᬲᬸᬃᬬ᭄ᬬᬲᬸᬦᬸ᭞ᬫᬢᬹᬃᬳᬭᬶᬲ᭄ᬲᬳᬲᭂ
ᬫ᭄ᬩᬄ᭟ᬮᬶᬦ᭄ᬢᬂᬧᬢᬸᬢ᭄ᬫᬦᬄᬢᬶᬢ᭄ᬬᬂ᭞ᬳᬢᬹᬃᬲᬂᬢ᭄ᬭᬶᬕᬃᬢ᭄ᬢᬧᬢᬶ᭞ᬕᭂᬮᬶᬲᬂᬘᭀᬓᭀᬃᬳᬶᬤᬾᬯ᭞ᬤᬯᬸᬳᬶᬦ᭄ᬯᬤ᭄ᬯᬦᬾᬲᬫᬶ᭞ᬲᬺᬕᭂᬧ᭄ᬢᬫ᭄ᬬᬂᬲᬸᬮᬶᬕᬶ᭞ᬩᭂᬥᬶᬮ᭄ᬢᭂᬫ᭄ᬩᬓ᭄ᬫ᭄ᬯᬂᬢᬸᬮᬸᬧ᭄᭞ᬓᬮᬶᬄᬪᬕ
ᬯᬦ᭄ᬪᬶᬱ᭄ᬫᬵ᭞ᬥᬗ᭄ᬳ᭄ᬬᬂᬤ᭄ᬭᭀᬡᬓᬺᬧᬵᬢᬸᬯᬶ᭞ᬲᬋᬂᬤᬶᬢᬸ᭞ᬳᬗ᭄ᬕᬾᬦ᭄ᬫᬓᬳᬢ᭄ᬫᬭᬵᬓ᭄ᬱᬵ᭟ᬫᬗ᭄ᬓᬶᬦ᭄ᬧᬸᬧᬸᬢ᭄ᬩᬯᭀᬲ᭄ᬳᬶᬤ᭞ᬲᬂᬓᬃᬡ᭄ᬦᬵᬲᬂᬓᬸᬭᬸᬧᬢᬶ᭞ᬫᬶᬦᬓᬤᬶᬲᬂᬲᬸᬲᬃᬫ᭄ᬫᬵ᭞ᬲᬫ᭄ᬧᬸᬦ᭄ᬢᬢᬲᬼ
ᬫᬄᬫᬗ᭄ᬓᬶᬦ᭄᭞ᬦᬸᬮᬶᬮᬸᬫᬫ᭄ᬧᬄᬲᬫᬶ᭞ᬫᬗᭀᬚᭀᬕ᭄ᬧ᭄ᬭᬤᬾᬰᬦᬶᬂᬍᬫ᭄ᬩᬸ᭞ᬭᭀᬭᬲ᭄ᬍᬫᭂᬂᬲᬂᬓᭀᬭᬯᬵ᭞ᬫᬗᬶᬦᭂᬧ᭄ᬭᬶᬂᬫᬃᬕ᭄ᬕᬶᬫᬃᬕ᭄ᬕᬶ᭞ᬲᬫ᭄ᬧᬸᬦ᭄ᬭᬭᬸᬄ᭞ᬯᭂᬦ᭄ᬢᭂᬦᬶᬂᬓᬡ᭄ᬥᬂᬳᭀᬯᬍᬫ᭄ᬩᬦ᭄᭟
[᭒᭔ 24A]
ᬧᬗ᭄ᬮᭀᬂᬧᬶᬂᬧᬶᬢᬸᬓᬵᬮ᭞ᬬᭀᬥᬲᬂᬢ᭄ᬭᬶᬕᬃᬢ᭄ᬢᬧᬢᬶ᭞ᬜᬶᬮᬶᬩ᭄ᬧᬚᬮᬦᬾᬕᭀᬗ᭄ᬲᭀᬃ᭞ᬜᬭᬄᬍᬫ᭄ᬩᬸᬧᬶᬭᬂᬓᭀᬣᬶ᭞ᬓᬳᭂᬚᬸᬓ᭄ᬓᬲᬓᬶᬢᬶᬦ᭄᭞ᬫᬦᬶᬕ᭄ᬢᬶᬕ᭄ᬫ᭄ᬯᬂᬫᬦᭂᬕᬸᬮ᭄᭞ᬲᬫ᭄ᬩ᭄ᬭᬵ
ᬕ᭄ᬳᬶᬓᬂᬯᬺᬲᬪ᭞ᬕᭀᬨᬮᬦ᭄ᬬᬓᬲᬓᬶᬢᬶᬦ᭄᭞ᬦᬾᬳᬳᬸᬓᬸᬤ᭄᭞ᬫᬮᬳᬶᬩ᭄ᬫᬭᬦᬶᬂᬭᬚ᭄ᬬ᭟ᬢᬸᬯᬶᬕᬢᬶᬧ᭄ᬭᬬᬦᬶᬭ᭞ᬧᬋᬓ᭄ᬭᬶᬲᬂᬫᬓ᭄ᬱ᭄ᬬᬵᬧᬢᬶ᭞ᬧᬚᬮᬦᬾᬓᬲᭀᬮ᭄ᬓᬲᭀᬮ᭄
᭞ᬳᬗ᭄ᬓ᭄ᬬᬦ᭄ᬜᬦᬾᬤᬳᬲ᭄ᬤᬶᬳᬶᬲ᭄᭞ᬲᬂᬧ᭄ᬭᬪᬸᬲᭂᬥᭂᬓ᭄ᬢᬶᬦᬗ᭄ᬓᬶᬮ᭄᭞ᬫᬮᬶᬗ᭄ᬕᬶᬄᬭᬶᬂᬳᬸᬭᬸᬕ᭄ᬳᬸᬭᬸᬕ᭄᭞ᬩ᭄ᬭᬳ᭄ᬫᬡᬰᬶᬯᬵᬩᬸᬤ᭄ᬥ᭞ᬧᬸᬗ᭄ᬕᬯᬵᬫᬜ᭄ᬘᬦᬾᬲᬫᬶ᭞ᬧᬥᬵᬤᬶᬢᬸ᭞ᬢᭂᬓᬦᬶᬂᬘᬢᬸᬃᬧᬡ᭄ᬥᬯᬵ
᭟ᬳᬶᬤᬲᬂᬤ᭄ᬯᬶᬚᬓᬗ᭄ᬓ᭞ᬲᬋᬂᬗ᭄ᬭᬯᭀᬲ᭄ᬳᬸᬮᬂᬳᬸᬮᬶᬄ᭞ᬭᬶᬂᬳᬚᭂᬂᬳᬶᬭᬲᬂᬓᬢᭀᬂ᭞ᬲᬂᬕᭀᬨᬮᬵᬢᭂᬓᬕᬶᬧᬶᬄ᭞ᬫᬢᬹᬃᬳᬗᬰᬶᬳᬰᬶᬄ᭞ᬭᬶᬳᬚᭂᬂᬳᬶᬭᬲᬂᬧ᭄ᬭᬪᬸ᭞ᬇᬗ᭄ᬕᬶᬄᬭᬢᬸᬲᬂᬦᬵᬣ᭞
Kaca:Bali-lontar-paparikan-wiratha-parwa-300ppi.pdf/24
Kaca puniki sampun kauji-wacén
