Kaca:Bali-lontar-paparikan-wiratha-parwa-300ppi.pdf/23

[᭒᭒ 22B]
᭒᭒
ᬓᬢᬸᬯᬶ᭞ᬲᭂᬥᭂᬂᬭᬸᬭᬸᬄ᭞ᬕᭂᬦᬄᬦ᭄ᬬᬳᬧᬂᬢᬢᬲ᭄᭟ᬢᭂᬓᬦᬶᬂᬲᬯᬶᬢ᭄ᬭᬦ᭄ᬬ᭞ᬢᭂᬓᬾᬂᬯᬃᬕ᭄ᬕᬯᬤ᭄ᬯᬲᬫᬶ᭞ᬍᬯᬶᬄᬩᭂᬓᭂᬮ᭄ᬢᬸᬗ᭄ᬕᬗᬦ᭄ᬬᬵ᭞ᬮᬯᬦ᭄ᬯᬂᬫᬰᬶᬄᬢᬦ᭄ᬫᬰᬶᬄ᭞ᬳᭂᬦ᭄ᬢᭀᬩᬸᬯᬶᬦ᭄ᬧᬶᬦᭂ
ᬳᬶᬦ᭄᭞ᬕᬯᬾᬦᬂᬉᬧᬬᬵᬘᬢᬸᬃ᭞ᬥᬡ᭄ᬥᬩᬾᬤ᭄ᬥᬵᬫ᭄ᬯᬂᬲᬫ᭞ᬥᬦᬵᬳᬗ᭄ᬕᬾᬦ᭄ᬫᬗᬸᬮᬸᬭᬶᬦ᭄᭞ᬢᬺᬱ᭄ᬡᬵᬢᬸᬳᬸ᭞ᬓᬥᬂᬢᭂᬓᬦᬶᬂᬲᬯᬶᬢ᭄ᬭ᭟ᬬᬢ᭄ᬦᬵᬬᬢ᭄ᬦᬵᬲᬂᬦᬭᬵᬃᬬ᭄ᬬ᭞ᬫᬗᬮᬶᬄᬓᬕᬸᬗᬦᬼ
ᬯᬶᬄ᭞ᬲᬤ᭄ᬕᬸᬡᬦᬾᬢᬢᬦ᭄ᬳᬤᭀᬄ᭞ᬲᬺᬕᭂᬧ᭄ᬕᬸᬡᬦᬾᬪᬸᬧᬢᬶ᭞ᬲᬯᬶᬢ᭄ᬭᬳᬧᬂᬳᬰᬶᬄ᭞ᬯᬤ᭄ᬯᬦᬾᬫᬗ᭄ᬤᬾᬢᬸᬳᬸ᭞ᬢᬺᬱ᭄ᬡᬵᬭᬶᬂᬳᬶᬤᬾᬯᬵ᭞ᬳᬧᬂᬢᬸᬳᬸᬢᬶᬡ᭄ᬥᬶᬄᬪᬓ᭄ᬢᬶ᭞ᬫᬗ᭄ᬤᬾᬓᬸᬓᬸᬄ᭞ᬳᬶ
ᬤᬾᬯᬵᬦᭂᬫᬸᬓᬕᬸᬗᬦ᭄᭟ᬫᬫᬾᬗᭀᬲ᭄ᬲᬂᬥᬹᬃᬬ᭄ᬬᭀᬥᬦ᭞ᬢᬦ᭄ᬮᬶᬗ᭄ᬳᬭᬶᬂᬢᬸᬢᬸᬃᬬᬸᬓ᭄ᬢᬶ᭞ᬲᬂᬲᬸᬲᬃᬫ᭄ᬫᬵᬫᬢᬸᬃᬳᬮᭀᬦ᭄᭞ᬇᬗ᭄ᬕᬶᬄᬭᬢᬸᬲᬂᬪᬸᬧᬢᬶ᭞ᬫᬦ᭄ᬤᭂᬮ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬧᭂ
[᭒᭓ 23A]
ᬚᬄᬲᬸᬢ᭄ᬢᬵᬲᬸᬦᬸ᭞ᬚᬢᬶᬤᬾᬦᬶᬂᬕᬡ᭄ᬥᬃᬯ᭄ᬯᬵ᭞ᬫᬦᬄᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭞ᬧᬘᬂᬗᭂᬩᬸᬕ᭄᭞ᬲᬳᬦᬦᬶᬂᬲᬂᬯᬶᬭᬣᬵ᭟ᬢᭂᬮᬲᬂᬢᭂᬓᬦᬶᬂᬯᬾᬱ᭄ᬫᬵ᭞ᬚᬭᬳᭂᬦ᭄ᬢᭂᬓᬦᬶᬂᬭᬩᬶ᭞ᬭᬫ᭄ᬧᬲᭂᬦ᭄ᬭ
ᬚᬫᬸᬮ᭄ᬬ᭞ᬋᬚᭂᬓᭂᬦ᭄ᬓᬥᬂᬦ᭄ᬬᬲᬫᬶ᭞ᬫ᭄ᬯᬂᬲᬯᬢᭂᬓᬶᬂᬳᬶᬲ᭄ᬢ᭄ᬭᬶ᭞ᬓᬢᭂᬓᬦᬶᬂᬳᬦᬓ᭄ᬧᬸᬢᬸ᭞ᬚᬢᬶᬲᬶᬤ᭄ᬥᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬦᭂᬮᬲᬂᬢᭂᬓᬦᬶᬂᬪᬸᬫᬶ᭞ᬫᬗ᭄ᬤᬾᬓᬢᬸᬃ᭞ᬓᬯᬯᬵᬤᬾᬧ᭄ᬭᬫᬾᬰ᭄ᬯᬭ᭟
ᬬᬦ᭄ᬓᬧᬢᬸᬢ᭄ᬳᬢᬸᬃᬢᬶᬢ᭄ᬬᬂ᭞ᬕᬯᬾᬦᬂᬉᬧᬬᬵᬲᬡ᭄ᬥᬶ᭞ᬚᬭᬳᭂᬦᬼᬫ᭄ᬩᬸᬦ᭄ᬬᬫᬗ᭄ᬓᭀ᭞ᬧᬗᬗᭀᬦ᭄ᬬᬧᭂᬚᬄᬲᬫᬶ᭞ᬬᬦ᭄ᬲᬫ᭄ᬧᬸᬦ᭄ᬳᬶᬧᬸᬦ᭄ᬲᭂᬗᬶᬢ᭄᭞ᬫᬗ᭄ᬤᬾᬮᬚᬸᬬᬫᬦᬸᬮᬸᬂ᭞ᬤᬶᬢᬸ
ᬢᬶᬢ᭄ᬬᬂᬫᬗᭂᬮᬶᬲᬂ᭞ᬢᬦ᭄ᬚᬗ᭄ᬓᬬᬦ᭄ᬫᬦᬗ᭄ᬓᭂᬧᬶᬦ᭄᭞ᬧᬫᬸᬓ᭄ᬳᬶᬧᬸᬦ᭄᭞ᬲᬯᬢᭂᬓᬶᬂᬲᬂᬯᬶᬭᬣ᭟ᬓᬾᬢᭀᬳᬢᬸᬃᬲᬂᬲᬸᬲᬃᬫ᭄ᬫᬵ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬳᬥᬸᬳᬤᬶᬲᬂᬲᬸᬲᬃᬫ᭄ᬫ᭞ᬤᬾ