[᭓᭙ 39B]
᭓᭙
ᬦ᭄ᬓᬤᬶᬫᬲᬦᬶᬂᬫᬗ᭄ᬓᬶᬦ᭄᭞ᬫᬲᬶᬄᬓᬭᬶᬓᬯᬾᬩᬸᬄᬳᬦ᭄᭚ᬫᬲᬶᬄᬲᬗᭂᬢ᭄ᬫ᭄ᬯᬢᬦᬾᬫᬶᬲᬶ᭞ᬲᬶᬭᬧ᭄ᬭᬪᬸ᭞ᬧᬭᬶᬓ᭄ᬱᬶᬢ᭄ᬧᬸᬦᬶᬓᬵ᭞ᬲᬫ᭄ᬧᬸᬦ᭄ᬓᬲᬸᬩ᭄ᬧ᭄ᬭᬯᬶᬭᬦᬾ᭞ᬲ᭄ᬭᬶᬂᬗᬲᭀᬭᬦ᭄ᬰᬢ᭄ᬭᬸ᭞
ᬤᬾᬢ᭄ᬬᬬᬓ᭄ᬱᬫᬵᬦᬸᬱᬫᬮᬶᬄ᭞ᬓᬢᬄᬭᬢᬸᬓᬢᬶᬢᬄ᭞ᬳᬢᬸᬃᬦᬸᬗ᭄ᬕᬶᬮ᭄ᬢᬳᬸᬦ᭄᭞ᬉᬧ᭄ᬢᬶᬦᬾᬓᬳᬲ᭄ᬢᬶᬦ᭞ᬲᬫᬮᬶᬳᬾ᭞ᬲᬫ᭄ᬧᬸᬦ᭄ᬥᬃᬩ᭄ᬪᬾᬧ᭄ᬭᬫᬶᬰ᭄ᬯᬭᬶ᭞ᬫᬧᬭᬩ᭄ᬤᬾᬯᬶᬫᬤ᭄ᬭ᭚ᬓᭀᬘ
ᬧ᭄ᬭᬓᬾᬧ᭄ᬭᬪᬸᬧᬭᬶᬓ᭄ᬱᬶᬢ᭄᭞ᬤᬸᬓᬾᬭᬶᬳᬶᬦ᭄᭞ᬓᬭᬶᬭᬶᬂᬚ᭄ᬭᭀᬕᬃᬩ᭄ᬪ᭞ᬓ᭄ᬦᬶᬓᬧᬦᬄᬲᬾᬤᬦᬾ᭞ᬧᬦᬄᬰ᭄ᬯᬢᬫᬤᬸᬫᬸᬦ᭄᭞ᬭᬶᬲᬫ᭄ᬧᬸᬦᬾᬓᬳᬸᬭᬶᬧᬫᬮᬶᬄ᭞ᬳᬦ᭄ᬢᬸᬓ᭄ᬪᬝᬵᬭᬓᬺᬱ᭄ᬡᬵ᭞ᬲ
ᬦᬾᬲᬾᬤᬤᬸᬭᬸᬲ᭄᭞ᬓᬾᬯᬮᬧᬸᬢ᭄ᬭᬶᬯᬶᬭᬢ᭞ᬲᬗᬸᬢ᭄ᬢᬭᬶ᭞ᬳᬶᬩᬸᬦᬾᬧ᭄ᬭᬪᬸᬧᬭᬶᬓ᭄ᬱᬶᬢ᭄᭞ᬤᬸᬓ᭄ᬢᬸᬢᬸᬕ᭄ᬩ᭄ᬭᬢᬬᬸᬥᬵ᭚ᬮᬭᬶᬲᬂᬗᬰ᭄ᬯᬢ᭄ᬢᬫᬲᬶᬲᬶᬧ᭄᭞ᬓ᭄ᬦᬶᬓᬦ᭄ᬭᬓᬦ᭄᭞ᬧᬧᬦᬶᬂᬩ᭄ᬭᬸᬦ᭄ᬤ
[᭔᭠ 40A]
ᬳ᭞ᬫᬢᬶᬭᬭᬾᬚ᭄ᬭᭀᬯ᭄ᬢᭂᬗᬾ᭞ᬫᬮᬶᬄᬢᬗ᭄ᬓᬳᬾᬗᬫᬸᬓ᭄᭞ᬲᬢ᭄ᬗᬗ᭄ᬕᬾᬱᬤ᭄ᬢᬢᬳᬶ᭞ᬭᬾᬄᬗᬫᬸᬓ᭄ᬗᬯᬕᬯᬕ᭄᭞ᬫᬮᬶᬂᬢᬸᬯᬶᬦ᭄ᬳᬶᬧᬸᬦ᭄᭞ᬲᬂᬰ᭄ᬯᬢᬫ᭞ᬍᬲ᭄ᬳᬶᬘᬮ᭄ᬕᭂᬮᬶᬲ᭄ᬫᬭᬂᬩᭀᬬᬓ
ᬦ᭄ᬢᭂᬦᬾᬫᬗ᭄ᬓᬶᬦ᭄᭞ᬭᬾᬄᬲᬫ᭄ᬧᬸᬦ᭄ᬢᬢᬲ᭄ᬭᬤ᭄ᬥᬂ᭚ᬮᬫᬶᬮᬫᬶᬲᬂᬧ᭄ᬭᬪᬸᬧᬭᬶᬓ᭄ᬱᬶᬢ᭄᭞ᬲᬫ᭄ᬧᬸᬦ᭄ᬯᬾᬦ᭄ᬢᭂᬦ᭄᭞ᬫᬧᬸᬢ᭄ᬭᬲᬦᬸᬗ᭄ᬕᬮ᭄᭞ᬫᬶᬚᬶᬮ᭄ᬭᬶᬂᬧ᭄ᬭᬫᬶᬰ᭄ᬯᬭᬶ᭞ᬤᬸᬓᬾᬦᭂᬫ᭄ᬤᬰᬢᬳᬸᬦ᭄᭞ᬧᬬᬸᬱᬦᬾ
ᬧ᭄ᬭᬪᬸᬧᬭᬶᬓ᭄ᬱᬶᬢ᭄᭞ᬧᬢ᭄ᬭᬶᬦᬾᬳᬮᬶᬢ᭄ᬧᬶᬲᬦ᭄᭞ᬢᬢᬸᬭᬸᬄᬭᬶᬂᬩᬧᬾᬩᬸ᭞ᬲᬓᬶᬂᬩᬗᭂᬢ᭄ᬕᬳᬮᬶᬢᬦ᭄᭞ᬕ᭄ᬮᬶᬲᬶᬜ᭄ᬘ᭄ᬭᬶᬢ᭞ᬭᬶᬂᬲᬾᬥᬦᬾᬧ᭄ᬭᬪᬸᬧᬭᬶᬓ᭄ᬱᬶᬢ᭄᭞ᬫᬫᬗ᭄ᬕᬶᬄᬧᬫᬜ᭄ᬘᬡ᭞᭚
ᬦᬶᬭᬸᬪᬝᬵᬭᬧᬡ᭄ᬥᬸᬦᬾᬭᬶᬳᬶᬦ᭄᭞ᬭᬳᭂᬢ᭄ᬲ᭄ᬦᭂᬂᬫᬩᬸᬭᬸᬭᬶᬂᬳᬮᬲ᭄᭞ᬳᬫ᭄ᬩᬶᬮ᭄ᬘᭂᬥᭂᬓ᭄ᬘᬭᬶᬂᬢᬦᬾ᭞ᬤᬸᬓ᭄ᬮᬸᬗᭂᬦᬾᬲᬂᬧ᭄ᬭᬪᬸ᭞ᬫᬩᬩᬸᬭᬸᬬ᭄ᬬᬮᬲ᭄ᬩᬸᬓᬶᬢ᭄᭞ᬓᬮᬳᬤᬗᭂᬢᬸᬢ᭄ᬓᬶᬤᬂ᭞ᬲ
Kaca:Bali-lontar-paparikan-uwug-rusak-dwarawati-300ppi.pdf/40
Kaca puniki sampun kauji-wacén
