[᭓᭘ 38B]
᭓᭘
ᬗᬸᬮᬄ᭞ᬥᬃᬫ᭄ᬫᬲᬥᬸᬭᬶᬂᬚᬕᬢ᭄᭞ᬲᬫᭀᬯᬸᬦ᭄ᬜᬦ᭄ᬤᬂᬤᬤᭀᬲ᭄ᬢᬶᬭᬸ᭞ᬭᬶᬂᬲᬓᬾᬳᬾᬧᬭᬚᬦ᭚ᬕᬦ᭄ᬢᬶᬦᬶᬂᬓᬘ᭄ᬭᬶᬢᬫᬮᬶᬄ᭞ᬲᬳᬤᬾᬦᬕ᭄ᬭᬶᬳᬲ᭄ᬢᬶᬦ᭞ᬲᬂᬧ᭄ᬭᬪᬹᬧᬭᬶᬓ᭄ᬱᬶᬢᬾ᭞ᬓᬭᬗ᭄ᬓᬸᬂᬫᬸᬓ᭄ᬢᬶᬯᬶ
ᬪᬯ᭞ᬭᬢᬸᬳᬜᬓ᭄ᬭᬥᬮ᭞ᬳᬓᬾᬄᬦᬵᬕᬭᬓᬯᭂᬗ᭄ᬓᬸ᭞ᬲᬚ᭄ᬭᭀᬦᬶᬂᬩ᭄ᬭᬢᬯᬃᬱ᭞᭚ᬬᬸᬲᬦᬾᬰ᭄ᬭᬶᬦᬭᬧᬢᬶ᭞ᬭᬶᬯᬳᬸᬦᬾᬫᬤᭂᬕ᭄ᬦᬵᬣ᭞ᬢᬶᬕᬂᬤᬰᬦᭂᬫ᭄ᬢᬳᬸᬦᬾ᭞ᬯᬶᬚᬶᬮᬾᬤᬸᬓ᭄
ᬩ᭄ᬭᬢᬬᬸᬤᬳ᭄᭞ᬓ᭄ᬮᬗ᭄ᬓᬸᬂᬓᬯ᭄ᬮᬲᬃᬱ᭞ᬢᬦ᭄ᬳᬸᬦᬶᬂᬩᬧᬳᬶᬩᬸ᭞ᬲᬤᬸᬭᬸᬗᬾᬲᬫ᭄ᬧᬸᬦ᭄ᬢᬶᬮᬃ᭚ᬭᬸᬧᬦᬾᬦ᭄ᬤᬢᬦ᭄ᬧᬢᬦ᭄ᬤ᭄ᬤᬶᬂ᭞ᬲᬫ᭄ᬧᬸᬦ᭄ᬲᬳᬶᬄᬲᬂᬅᬃᬚ᭄ᬚᬸᬡ᭞ᬮᬗ᭄ᬓᬸᬂᬫᬦᬶᬲ᭄ᬧᭀᬓᬶᬭᬦᬾ᭞ᬘᬬᬦᬾᬓᬤᬶᬬᬂᬯᬸ
ᬮᬦ᭄᭞ᬫᬜ᭄ᬚᬸᬃᬕᬸᬫᬶᬮᬂᬕᬶᬮᬂ᭞ᬢᬗᬦᬾᬦ᭄ᬭᬸᬲᬮᬸᬲ᭄᭞ᬓᬤᬶᬫᬗᬜᬕᬦ᭄ᬫᬦᬄ᭚᭐᭚ᬧᬹᬄᬤᬗ᭄ᬤᬂ᭚᭐᭚ᬫᬦᬶᬲ᭄ᬫᬦᬶᬲ᭄ᬫᬢᬮᬸᬜ᭄ᬘᬶᬧ᭄᭞ᬕᬤᬶᬂᬩᬶᬦ᭄ᬢᬂ᭞ᬓᬃᬢ᭄ᬢᬶᬓᬗᬭᬜᬩ᭄᭞ᬳᬰ᭄ᬭᬶ
[᭓᭙ 39A]
ᬧᬗᬸᬲ᭄ᬲᭀᬮᬳᬾ᭞ᬲᬓ᭄ᬱᬢ᭄ᬳ᭄ᬬᬂᬲ᭄ᬫᬭᬦᬸᬭᬸᬦ᭄᭞ᬤᬤᬶᬭᬢᬸᬳᬲ᭄ᬢᬶᬦᬧᬸᬭᬶ᭞ᬓᬢᬄᬬᬦ᭄ᬧᬜ᭄ᬚᬗᬦ᭄᭞ᬳᬢᬸᬢ᭄ᬲᬸᬩᬳᬢᬸᬢ᭄᭞ᬢᬸᬭᬸᬦᬦ᭄ᬭᬢᬸᬫᬳᭀᬢ᭄ᬢᬫ᭞ᬗ᭄ᬳᬶᬂᬮᬘᬸᬭᬾᬫᬤᭂᬕ᭄ᬭᬢᬸᬫᬲ
ᬦᬶᬂᬚᬦᬶ᭞ᬲ᭄ᬥᭂᬂᬫᬲᬦ᭄ᬓᬮᬶᬰᬗ᭄ᬕᬭ᭚ᬲᬫ᭄ᬧᬸᬦ᭄ᬳᬭᬂᬳᬭᬂᬩᬸᬤ᭄ᬥᬶᬩ᭄ᬘᬶᬓ᭄᭞ᬦᬶᬭᬸᬓᬤᬶ᭞ᬤᬸᬓᬶᬂᬓᬺᬢᬢ᭄ᬭᬾᬢ᭞ᬫᬗ᭄ᬤᬧᬸᬦᬶᬓᬫᬮᬶᬳᬾ᭞ᬬᬤᬶᬳᬫ᭄ᬗᬶᬮᬦ᭄ᬢᬶᬭᬸ᭞ᬭᬶᬂᬦᬾᬯᬳᬸᬮᬶᬦ᭄ᬢᬂᬳᬧᬮᬶᬄ᭞ᬲᬦᬾᬫ
ᬤᬦ᭄ᬤ᭄ᬯᬧᬭ᭞ᬧᬗᬫ᭄ᬩᬶᬮᬦ᭄ᬳᬶᬧᬸᬦ᭄᭞ᬫᬲᬦ᭄ᬧᬡ᭄ᬥᬯᬓᭀᬭᬯ᭞ᬯᬳᬸᬦᬶᬜ᭄ᬘᬧ᭄᭞ᬓᬮᬶᬤᬸᬓᬶᬂᬤ᭄ᬯᬭᬯᬢᬶ᭞ᬭᬸᬲᬓᬾᬤᬤᬶᬧᬵᬕᬭ᭚ᬫᬮᬶᬄᬩᬗᭂᬢ᭄ᬫᬗᬸᬗ᭄ᬕᬳᬦ᭄ᬳᬚᬶ᭞ᬩ᭄ᬘᬶᬓᬾᬧᬸᬦᬶᬓᬵ᭞ᬬᬦ᭄ᬢᬶ
ᬫ᭄ᬗᬂᬤ᭄ᬯᬧᬭᬦᬾ᭞ᬓᭀᬘᬧ᭄ᬲ᭄ᬫᬤᭂᬕ᭄ᬭᬢᬸᬦᬾ᭞ᬭᬶᬂᬳᬲ᭄ᬢᬶᬦᬧ᭄ᬭᬪᬸᬧᬭᬶᬓ᭄ᬱᬶᬢ᭄᭞ᬢᬶᬗ᭄ᬓᬳᬾᬗᬫᭀᬂᬚᬕᬢ᭄᭞ᬳᬸᬯᬄᬭᬶᬂᬦᬾᬲᬫ᭄ᬧᬸᬦ᭄᭞ᬓᬤᬶᬤᬸᬓ᭄ᬰ᭄ᬭᬶᬥᬃᬫ᭄ᬫᬯᬗ᭄ᬰ᭞ᬗ᭄ᬳᬶᬂᬳᭀᬯᬳᬾ᭞ᬢ
Kaca:Bali-lontar-paparikan-uwug-rusak-dwarawati-300ppi.pdf/39
Kaca puniki sampun kauji-wacén
