[᭓᭕ 35B]
᭓᭕
ᬮᬶᬫᬦᬾ᭞ᬳᬶᬅᬃᬚ᭄ᬚᬸᬡᬓᬲᬳᭂᬢᬂ᭞ᬧᬮᬶᬂᬲᬗᭂᬢ᭄ᬓᬢᬺᬱ᭄ᬡᬦ᭄᭞ᬓ᭄ᬭᬡᬢᬦ᭄ᬲᬶᬤ᭄ᬥᬫᬦᬸᬢᬸᬕ᭄᭞ᬩ᭄ᬮᬶᬫᬚᬮᬦ᭄ᬗᬢᬶᬬᬂ᭚ᬮᬭᬶᬲ᭄ᬯᬾᬦ᭄ᬢᭂᬦ᭄ᬫᬮᬶᬄᬓᬵᬓ᭄ᬱᬶ᭞ᬲᬂᬲᬤᬾᬯᬜᭂᬗ᭄ᬯᬂᬫ᭄ᬧᬂ᭞ᬲᬂ
ᬪᬶᬫᬵᬫᬮᬶᬄᬫᬢᬓᭀᬦ᭄᭞ᬳᬶᬗ᭄ᬕᬶᬄᬩ᭄ᬮᬶᬳᬶᬲᬤᬾᬯ᭞ᬫᬮᬶᬄᬮᬩᬸᬄᬜᭂᬍᬫ᭄ᬧᬄ᭞ᬦᬧᬶᬲᬶᬲᬶᬧᬾᬤᬸᬫᬸᬦ᭄᭞ᬕ᭄ᬭᬶᬬᬸᬥᬶᬱ᭄ᬝᬶᬭᬗᬦ᭄ᬤᬶᬓᬵ᭚ᬲᬮᬄᬜᬦᬾᬢᬦ᭄ᬓᬤᬶᬓᬤᬶ᭞ᬧ᭄ᬭᬢᬶ
ᬗ᭄ᬓᬄᬫᬳᬫ᭄ᬩᭂᬓ᭄ᬧᬸᬜᬄ᭞ᬯᬶᬭᬾᬄᬧᬗ᭄ᬭᬱᬦᬾᬤᬾᬯᬾᬓ᭄᭞ᬢ᭄ᬯᬭᬳᬤᬲᬳᬲᬄ᭞ᬩ᭄ᬯᬶᬦ᭄ᬭᬶᬂᬓᬧ᭄ᬭᬚ᭄ᬜᬡᬦ᭄᭞ᬓ᭄ᬭᬡᬲᬥ᭄ᬬᬦᬾᬢᬦ᭄ᬢᬸᬢᬸᬕ᭄᭞ᬢ᭄ᬯᬭᬜᬦ᭄ᬤᬂᬢᭀᬲᬸᬦ᭄ᬲᬸᬢᬂ᭚ᬲᬂ
ᬦᬓᬸᬮᬵᬫᬮᬶᬄᬫᬢᬶ᭞ᬲᬂᬪᬶᬫᬕᬶᬲᬸᬦᬸᬦᬲᬦ᭄᭞ᬧᬸᬦᬧᬶᬤᬤᬶᬲᬶᬲᬶᬧᬾ᭞ᬗᬦ᭄ᬤᬶᬓᬰ᭄ᬭᬶᬬᬸᬥᬶᬱ᭄ᬝᬶᬭ᭞ᬢᭀᬳᬤᬶᬳᬶᬦᬓᬸᬮᬵ᭞ᬲᬗᭂᬢ᭄ᬗᬲᬾᬳᬯᬓ᭄ᬩᬕᬸᬲ᭄᭞ᬫᬲᬶᬄᬫ
[᭓᭖ 36A]
ᬦᭂᬫᬸᬲᬗ᭄ᬲᬭ᭚ᬲᬂᬪᬶᬫᬢᭂᬗ᭄ᬓᭂᬚᬸᬢ᭄ᬫᬮᬶᬄ᭞ᬳᬶᬗ᭄ᬕᬶᬄᬩ᭄ᬮᬶᬳᬶᬅᬃᬚ᭄ᬚᬸᬡ᭞ᬲᬓ᭄ᬱᬢ᭄ᬳ᭄ᬬᬂᬇᬦ᭄ᬤ᭄ᬭᬰᬓ᭄ᬢᬶᬦᬾ᭞ᬫᬲᬶᬄᬫᬢᬶᬢᬦ᭄ᬧᬓ᭄ᬭᬡ᭞ᬫᬜᭂᬍᬫ᭄ᬧᬄᬭᬶᬂᬢᬦᬳᬾ᭞ᬦᬧᬶᬩ᭄ᬮᬶᬲᬶᬲᬶᬧ᭄ᬳᬶ
ᬧᬸᬦ᭄᭞ᬰ᭄ᬭᬶᬬᬸᬥᬶᬱ᭄ᬝᬶᬭᬜᬳᬸᬭᬂ᭚ᬇᬅᬃᬚ᭄ᬚᬸᬡᬫᬢᬶ᭞ᬦᬾᬫᬮᬸᬤᬸᬓ᭄ᬩ᭄ᬭᬢᬵᬬᬸᬤ᭄ᬥᬶ᭞ᬗᬓᬸᬗᬫᬢ᭄ᬬᬂᬫᬸᬲᬸᬳᬾ᭞ᬫᬗ᭄ᬤᬾᬕ᭄ᬢᬶᬳᬾᬫᬳᬫ᭄ᬩᬄ᭞ᬓᬤᬶᬭᬶᬂᬢᬸᬓᬤ᭄ᬕᬗ᭄ᬕᬵ᭞
ᬬᬤ᭄ᬬᬦ᭄ᬤᬾᬯᬤᬤᬶᬫᬸᬲᬸᬄ᭞ᬤᬶᬲᬸᬩᬦᬾᬤᬶᬧᬧ᭄ᬭᬗᬦ᭄᭚ᬓᬾᬯᬮᬗᬸᬗ᭄ᬲᬶᬬᬂᬳᬸᬭᬶᬧ᭄᭞ᬢᭀᬲᬮᬄᬳᬶᬅᬃᬚ᭄ᬚᬸᬡ᭞ᬲᬂᬪᬶᬫᬮᬭᬶᬲ᭄ᬓᬮᬲᭀᬦ᭄᭞ᬳᬢᬸᬭᬾᬢ᭄ᬳᭂᬃᬦᬸᬦᬲᬦ᭄
᭞ᬧᬸᬦᬧᬶᬫᬓ᭄ᬭᬡᬲᬾᬥ᭄ᬬᬢ᭄ᬓᬢᬦ᭄ᬢᬸᬢᬸᬕ᭄᭞ᬧ᭄ᬭᬬᬗᬸᬗ᭄ᬲᬶᬓ᭄ᬮᬗ᭄ᬕᭂᬗᬦ᭄᭚ᬲᬫ᭄ᬧᬸᬦ᭄ᬢᭂᬮᬲ᭄ᬫᬓᬲᬫᬶ᭞ᬲᬂᬘᬢᬸᬃᬧᬡ᭄ᬥᬯᬵᬮᬶᬡᬵ᭞ᬲᬋᬂᬧᬜ᭄ᬘᬭᬶᬂᬤ᭄ᬭᬸᬧᬤᬶᬦᬾ᭞ᬓᬾᬯᬮᬰ᭄ᬭᬶᬬᬸᬥᬶᬱ᭄ᬝᬶ
Kaca:Bali-lontar-paparikan-uwug-rusak-dwarawati-300ppi.pdf/36
Kaca puniki sampun kauji-wacén
