[᭓᭔ 34B]
᭓᭔
ᬳᭂᬦ᭄ᬢᭀᬕᬦ᭄ᬤᬾᬯᬧᬢᬸᬢ᭄᭞ᬳᬸᬮᬶᬳᬂᬭᬶᬂᬲᬂᬳ᭄ᬬᬂᬩ᭄ᬭᬸᬡ᭚ᬦᬾᬫᬗᬭᬦ᭄ᬫᬳᬾᬲᬸᬤ᭄ᬥᬶ᭞ᬯᬶᬭᬾᬄᬢ᭄ᬯᬭᬤᬵᬕᬸᬡᬜ᭞ᬭᬶᬂᬘ᭄ᬦᬶᬂᬧ᭄ᬭᬬᬫᬗᬗ᭄ᬕᭀ᭞ᬓᬤᬶᬡᬓ᭄ᬭᬲᬸᬤᬃᬱᬡ᭞ᬢᬦ᭄ᬧᬤᭀᬦ᭄ᬭᬶ
ᬲᬂᬓᬺᬱ᭄ᬡᬵ᭞ᬲᬸᬩᬳᬶᬮᬂᬧᬶᬦᬶᬳᬶᬮᬸ᭞ᬓ᭄ᬭᬡᬕᭂᬦ᭄ᬤᬾᬯᬧᬸᬦᬶᬓᬵ᭚ᬲᬸᬩᬯ᭄ᬦᬂᬳᬢᬸᬭᬦ᭄ᬘ᭄ᬦᬶᬂ᭞ᬭᬶᬂᬳᬶᬤᬲᬂᬳ᭄ᬬᬂᬩᬭᬸᬡ᭞ᬲᬯᬶᬭᬾᬄᬬᬢᬦ᭄ᬧᬓ᭄ᬦᭀᬄ᭞ᬫᬗᬫ᭄ᬩᭂᬮ᭄ᬭᬶᬲᬂᬧᬡ᭄ᬥᬶᬢ᭞ᬯᬶᬓᬸᬬᬯᬦᬯᬰ
᭞ᬲᬗᬃᬚ᭄ᬚᬸᬡᬭᬗ᭄ᬓᬸᬂᬦᬸᬭᬸᬢ᭄᭞ᬮᬭᬶᬲ᭄ᬦᬶᬯᬓᬂᬕᬦ᭄ᬤᬾᬯ᭚ᬢᬶᬩᬭᬶᬂᬧᬲᬶᬄ᭞ᬳᬶᬤᬳ᭄ᬬᬂᬗᬕ᭄ᬦᬶᬫᭀᬓ᭄ᬱᬄ᭞ᬲᬂᬧᬡ᭄ᬥᬯᬓᭀᬘᬧ᭄ᬭᬓᬾ᭞ᬧᬫᬃᬕ᭄ᬕᬶᬦᬾᬫᬳᬸᬤᭂᬭᬦ᭄᭞ᬭᬶᬂᬢᬦᬄᬩ᭄ᬭᬢᬵᬯᬃᬱ᭟
ᬫᬗᬮᭀᬤᬦ᭄ᬮᬭᬶᬲ᭄ᬭᬯᬸᬄ᭞ᬭᬶᬓᬂᬤᬤ᭄ᬓ᭄ᬱᬶᬡᬲᬵᬕᬭ᭚ᬮᬭᬶᬲ᭄ᬫᬗᬯᬸᬳᬂᬫᬮᬶᬄ᭞ᬓᬦ᭄ᬢᭂᬦ᭄ᬧ᭄ᬚᬓᬶᬂᬦᬵᬕᬭ᭞ᬚᬚᬳᬦ᭄ᬤ᭄ᬯᬭᬯᬢᬶᬦᬾ᭞ᬦᬵᬗ᭄ᬳᬶᬂᬫᬭᬹᬧᬲᬵᬕᬭ᭞ᬫ᭄ᬗᬭᬸᬤᬸᬕ᭄ᬫᬳᭀᬫ᭄ᬩᬓᬦ᭄᭞ᬓᬗ᭄ᬕᭂ
[᭓᭕ 35A]
ᬓ᭄ᬱᬂᬧᬯᬦᬗᬸᬗᬸᬦ᭄᭞ᬳᬾᬮᬶᬂᬭᬶᬂᬪᬝᬵᬭᬓᬺᬱ᭄ᬡ᭚ᬲᬫᬶᬦᬗᬶᬲ᭄ᬫᬲᬶᬄᬳᬲᬶᬄ᭞ᬮᬯᬶᬲ᭄ᬫᬸᬗ᭄ᬕᬄᬭᬶᬂᬳᬶᬫᬯᬦ᭄᭞ᬲᬫᬶᬫᬗᬃᬤ᭄ᬥᬶᬬᭀᬕᬦᬾ᭞ᬗᬋᬧ᭄ᬕᭂᬧ᭄ᬩᬸᬤ᭄ᬥᬶᬦᬶᬃᬫᬮ᭞ᬯᬳᬸᬓᬦ᭄ᬢᭂᬦ
ᬦ᭄ᬢᬭᬂ᭞ᬧᬸᬘᬓ᭄ᬱᬂᬳ᭄ᬬᬂᬫᬳᬵᬫᬾᬭᬸ᭞ᬮᬭᬶᬲ᭄ᬯᭂᬦ᭄ᬢᭂᬦ᭄ᬓᬯᬲ᭄ᬧᬥ᭞᭚ᬭᬸᬧᬯᬲᬶᬄᬩᬸᬓᬯᬗ᭄ᬕᬶᬄ᭞ᬇᬭᬶᬓᬵᬫᬢᭂᬓᬂᬬᭀᬕᬦᬾ᭞ᬲᬂᬤᭀᬧᬤᬶᬭᬶᬳᬶᬦᬾ᭞ᬓᬲᬫ᭄ᬧᭂᬢ᭄ᬢᬦ᭄ᬤ
ᬤᭀᬲ᭄ᬫᭀᬮᬄ᭞ᬫᬢᬸᬃᬲᬂᬯ᭄ᬭᬓᭀᬥᬭ᭞ᬳᬶᬗ᭄ᬕᬶᬄᬩ᭄ᬮᬶᬲᬫ᭄ᬧᬸᬦ᭄ᬓᬸᬭᬸ᭞ᬳᬶᬤ᭄ᬯᭀᬧᬤᬶᬭᬸᬧᬧ᭄ᬚᬄ᭚ᬕ᭄ᬮᬶᬲ᭄ᬢᬸᬮᬸᬗᬶᬦ᭄᭞ᬩ᭄ᬮᬶ᭞ᬭᬶᬭᬾᬄᬢᬦ᭄ᬓᬗ᭄ᬓᬢ᭄ᬫᬓᬶᬢᬶᬧᬦ᭄᭞ᬰ᭄ᬭᬶᬬᬸᬥᬶᬱ᭄ᬝᬶᬭᬲᬳᬸᬭᬾ᭞ᬳ᭄ᬥ
ᬳᬤᬶᬫᬜᬸᬗ᭄ᬲᬸᬢᬦ᭄᭞ᬬᬤ᭄ᬬᬦᬶᬂᬧ᭄ᬚᬄᬤᭂᬧᬂ᭞ᬲᬂᬪᬶᬫᬵᬫᬮᬶᬄᬫᬳᬢᬸᬃ᭞ᬦᬧᬶᬓ᭄ᬭᬡᬲᬧᬸᬦᬶᬓᬵ᭚ᬰ᭄ᬭᬶᬬᬸᬥᬶᬧ᭄ᬝᬶᬭᬜᬕᬸᬭᬶᬦ᭄᭞ᬳᬶᬤᭀᬧᬤᬶᬦᬦ᭄ᬤᬂᬤᭀᬱ᭞ᬫᬓᬸᬋᬦ᭄ᬭᬶᬂᬮ
Kaca:Bali-lontar-paparikan-uwug-rusak-dwarawati-300ppi.pdf/35
Kaca puniki sampun kauji-wacén
