[᭑᭖ 16B]
᭑᭖
ᬳᬃᬬ᭄ᬬᬉᬕ᭄ᬭᬲᬾᬦ᭞ᬭᬢᬸᬮᬶᬗ᭄ᬲᬶᬃ᭞ᬧ᭄ᬭᬲᬶᬤ᭄ᬥᬧᬭᬦᬶᬂᬢᬭᬶ᭞ᬭᬶᬂᬲᬃᬯ᭄ᬯᬩᭂᬩᬯᭀᬲᬦ᭄᭚ᬮᬭᬶᬲ᭄ᬭᬯᬸᬄᬲᬲᬗ᭄ᬕ᭄ᬭᬳᬦ᭄ᬕᭂᬮᬶᬲ᭄᭞ᬯᬃᬡ᭄ᬦᬵᬯᬃᬡ᭄ᬦ᭞ᬲᬓᬢᬄᬲᬤ᭄ᬭᬱ᭞ᬳᬶᬦᬸᬫ᭄ᬳᬶᬦᬸᬫ᭄ᬲᬃᬯ᭄ᬯᬫ
ᬦᬶᬲᬾ᭞ᬲᬸᬓᬲᬂᬯᬢᭂᬓ᭄ᬬᬤᬸ᭞ᬲᬯᬸᬲᬾᬫᬗᬶᬦᬸᬫ᭄ᬲᬫᬶ᭞ᬫᬮᬶᬄᬫ᭄ᬭᬕᬯᭀᬲᬦ᭄᭞᭠ᬲᬤᬮᬦ᭄ᬢᬸᬃᬮᬦ᭄ᬢᬸᬃ᭞ᬫᬫ᭄ᬩᬯᭀᬲᬦ᭄ᬳᬶᬦ᭄ᬤᬶᬓ᭄᭞ᬬᬸᬥᬵᬧ᭄ᬭᬢᬶᬗ᭄ᬓᬳᬾ᭞ᬫᬶᬦᬂᬓᬧᬶᬦᬂᬦᬾᬭᬶᬬᬶ
ᬦ᭄᭞ᬓᬳᬗ᭄ᬕᬾᬦ᭄ᬲ᭄ᬬᬓ᭄ᬭᬡ᭚ᬮᬭᬶᬲ᭄ᬫᬢᬸᬃᬓᬭᬵᬃᬬ᭄ᬬᬲᬢ᭄ᬬᬓᬶ᭞ᬳᬶᬗ᭄ᬕᬶᬄᬲᬫᬶ᭞ᬧᬫᬃᬕ᭄ᬕᬶᬧᬸᬦᬶᬓᬵ᭞ᬲᬫ᭄ᬧᬸᬦ᭄ᬗᭂᬦᭂᬃᬧᬗᬸᬘᬧᬾ᭞ᬧ᭄ᬭᬢᬶᬗ᭄ᬓᬳᬾᬲᬂᬬᬤᬸ᭞ᬓᬾᬯᬮᬯᬾᬦ᭄ᬢᭂᬦ᭄ᬳᬲᬶᬓᬶ᭞ᬲᬤᬸᬓ᭄
ᬧ᭄ᬭᬂᬩ᭄ᬭᬢᬬᬸᬤ᭄ᬥ᭞ᬲᬫᬶᬧᬭᬭᬢᬶ᭞ᬫᬗᬗ᭄ᬕᭂᬳᬂᬓᬰᬓ᭄ᬢ᭄ᬬᬦ᭄᭞ᬲᬓᬶᬂᬭᬶᬬᬶᬦ᭄᭞ᬢᬢᬦᬶᬂᬯᬢᭂᬓ᭄ᬧ᭄ᬭᬚᬸᬭᬶᬢ᭄᭞ᬓᬤᬭᬶᬂᬩᬭᬢ᭄ᬣᬬᬸᬤ᭄ᬥ᭚ᬢ᭄ᬓᬯᬾᬦ᭄ᬢᭂᬦᬤᬓ᭄ᬦᬮᬸᬢᬸᬳᬶᬦ᭄᭞ᬮᬮᬶᬧᬶ
[᭑᭗ 17A]
ᬲᬦ᭄᭞ᬢ᭄ᬓᬾᬦ᭄ᬲᬢ᭄ᬬᬯᬶᬰᬾᬱ᭞ᬲᬗᬃᬬ᭄ᬬᬓᬺᬢᬯᬃᬫ᭄ᬫᬦᬾ᭞ᬫᬦ᭄ᬤᬸᬱ᭄ᬝᬵᬯ᭄ᬗᬶᬗᬫᬸᬓ᭄᭞ᬲ᭄ᬭᬘᬦᬶᬂᬲᬢ᭄ᬣᬵᬢᬗ᭄ᬳᬵ᭞ᬫᬶᬮᬸᬭᬶᬗᬰ᭄ᬯᬢᬫ᭞ᬰᬢ᭄ᬭᬸᬧᬸᬍᬲ᭄ᬳᬫᬸᬓ᭄᭞ᬲᬓ᭄ᬱᬢ᭄ᬗᬫᬢ᭄ᬬᬂᬰᬯ᭞ᬓᬺᬢᬯᬃᬫ᭄ᬫᬄ᭠
ᬩᭀᬬᬧᬶᬲᬦ᭄ᬧᬢᬸᬢ᭄ᬓᬭᬶ᭞ᬳᬢᭂᬧᬶᬦ᭄ᬲᬶᬤ᭄ᬥᬶᬓᬭ᭚ᬩᬗᭂᬢ᭄ᬓᬗ᭄ᬕᭂᬓ᭄ᬧ᭄ᬭᬧᬗ᭄ᬮᬶᬲᬶᬭᬾᬲᬫᬶ᭞ᬳᬭᬄᬗ᭄ᬮᬮᬸ᭞ᬓᬢᬶᬩᬦ᭄ᬲᬗ᭄ᬕᬭ᭞ᬢᬦ᭄ᬤᬤᬶᬫᬮᬶᬄᬫᬓᬶᬭᬶᬕ᭄᭞ᬲᬓᬢᬄᬯᬢᭂᬓ᭄ᬬᬤᬸ᭠
ᬲᬫ᭄ᬧᬸᬦ᭄ᬓ᭄ᬭᬜ᭄ᬚᬶᬗᬦ᭄ᬓᬮᬶ᭞ᬲᬸᬕᬶᬄᬳᬸᬧᭂᬢ᭄ᬳᬸᬧᭂᬢᬦ᭄᭞ᬮᬮᬶᬭᬶᬂᬧᬶᬢᬸᬢᬸᬃ᭞ᬲᬫ᭄ᬧᬸᬦ᭄ᬓᬲᬓ᭄ᬱᬢᬂᬚᬶᬫᬢ᭄᭞ᬓᬭᬲᬬᬂ᭞ᬧᬦᬸᬕ᭄ᬭᬳᬦ᭄ᬲᬓᬶᬂᬮᬗᬶᬢ᭄᭞ᬬᬾᬦ᭄ᬧᭀᬮᬶᬄᬧᬜᬘᬤᬦ᭄᭚
ᬢ᭄ᬯᬭᬳᬾᬮᬶᬂᬢᭂᬓᬾᬦ᭄ᬓ᭄ᬦᬳᭀᬧᬣᬚᬢᬶ᭞ᬗᬯᬂᬗᬯᬂ᭞ᬓ᭄ᬦᬵᬯ᭄ᬯᬶᬦ᭄ᬭᬓᬵ᭞ᬫᬸᬭᬸᬩ᭄ᬫᬸᬭᬸᬩ᭄ᬧᬍᬓᬳᬾ᭞ᬲᬫ᭄ᬧᬸᬦ᭄ᬫᬲᬦᬶᬂᬜᬸᬲᬸᬧ᭄᭞ᬓᬮᬶᬧᬸᬢ᭄ᬲᬗ᭄ᬕᬭᬫᬶᬚᬶᬮ᭄᭞ᬲᬗᬃᬬ᭄ᬬᬧ᭄ᬭᬤ᭄ᬬᬸᬫ᭄ᬦ
Kaca:Bali-lontar-paparikan-uwug-rusak-dwarawati-300ppi.pdf/17
Kaca puniki sampun kauji-wacén
