[᭑᭕ 15B]
᭑᭕
ᬫᬦᬸᬮᬓ᭄᭞ᬲᬃᬯ᭄ᬯᬳᬮᬲᬾ᭞ᬧᬸᬦᬶᬓᬵᬫᬤᬦ᭄ᬗ᭄ᬮᬸᬯᬶᬳᬶᬦ᭄᭞ᬲᬮ᭄ᬯᬶᬬᬶᬂᬲᬃᬯ᭄ᬯᬭᬶᬂᬲᬃᬯ᭄ᬯᬚᬤ᭄ᬫ᭚ᬳᬾᬮᬶᬂᬳᬾᬮᬶᬂᬯᬢᭂᬓ᭄ᬬᬤᬸᬯᬺᬱ᭄ᬡᬶ᭞ᬦᬸᬳᬸᬦ᭄ᬧᬗᬫ᭄ᬧᬸᬭᬦᬶᬂᬳ᭄ᬬᬂᬲᬹᬓ᭄ᬱ᭄ᬫ᭞ᬭᬶᬂᬲᬓᬾᬄᬓᬮᬸᬧᬸᬢᬾ᭞᭠
ᬧᬗ᭄ᬮᬸᬫᬶᬳᬮᬳᬬᬸᬦᬾ᭞ᬓ᭄ᬦᬶᬰᬯᬦᬶᬂᬳᭀᬯᬭᬋᬱᬶ᭞ᬫᭀᬖᬵᬫᭀᬖᬵᬳ᭄ᬬᬂᬲᬸᬓ᭄ᬱ᭄ᬫ᭞ᬲᬶᬄᬫᬃᬫ᭄ᬫᬢᬸᬢᬸᬮᬸᬂ᭞ᬦᬶᬯᬓᬶᬦ᭄ᬢᬶᬃᬢ᭄ᬣᬧᬗᭂᬦ᭄ᬢᬲ᭄᭞ᬭᬾᬳᬶᬦ᭄ᬳᬦᬓ᭄᭞ᬢᬦ᭄ᬧᬓᬤᬂᬢᬦ᭄ᬧᬯᬃᬕ᭄ᬕᬶ᭞
᭞ᬬᬦ᭄ᬢᬦ᭄ᬳᭂᬫ᭄ᬧᬸᬭᬦᬶᬂᬳ᭄ᬬᬂ᭚ᬳᬕᬸᬗᬶᬂᬤᭀᬱᬳᬶᬗᭂᬭᬶᬳᬸᬭᬶᬧ᭄᭞ᬲᬓᬶᬂᬓᬸᬭᬂ᭞ᬓᬤ᭄ᬬᬕᬦ᭄ᬭᬶᬂᬘᭀᬩ᭞ᬓᬶᬭᬂᬍᬯᬶᬄᬬᬩᬸᬤ᭄ᬥᬶᬦᬾ᭞ᬯᬶᬦᬸᬭᬸᬓ᭄ᬦᬾᬓᬾᬯᬸᬄ᭞ᬓᬲᬭᬓᭂᬢᬶᬂᬧᬦ᭄ᬤᬸᬫ
ᬤ᭄ᬥᬶ᭞ᬓᬕᬸᬗᬦ᭄ᬮᬭᬯᬶᬭᬂ᭞ᬫᭀᬖᬫᭀᬖᬓᬸᬓᬸᬄ᭞ᬦᬗ᭄ᬕᬵᬲᬢᬶᬢᬄᬳ᭄ᬬᬂᬲᬸᬓ᭄ᬱ᭄ᬫ᭞ᬲᬫᬮᬶᬳᬾ᭞ᬓᬭᬶᬲᬶᬳ᭄ᬬᬂᬯᬶᬤ᭄ᬥᬶ᭞ᬲᭂᬓᬤᬶᬧᬗᭂᬫ᭄ᬧᬸᬭ᭚ᬫᭀᬖᬫᬗ᭄ᬕᬾᬄᬧᬗᬧᬤᬵᬲ
[᭑᭖ 16A]
ᬫᬶ᭞ᬳᬶᬗᭂᬢ᭄ᬳᬶᬗᭂᬢ᭄᭞ᬮᬫᬸᬦ᭄ᬬᬤᬸᬓᬸᬮ᭞ᬓᬮᭀᬓᬧ᭄ᬭᬯᬷᬭᬦᬾ᭞ᬲ᭄ᬭᬶᬂᬗᬲᭀᬭᬦ᭄ᬰᬢ᭄ᬭᬸ᭞ᬓᬢᬄᬢᬸᬃᬰᬹᬭᬰᬓ᭄ᬢᬶ᭞ᬪᬵᬦᬯᬵᬭᬵᬚᬪᭀᬫ᭞ᬫᬯᬤ᭄ᬯᬮᬶᬬᬸ᭞ᬤᬾᬢ᭄ᬬᬭᬵᬓ᭄ᬱᬲᬧᬶ
ᬰᬘᬵ᭞ᬦᬕᬬᬓ᭄ᬱ᭞ᬫᬵᬦᬸᬱᬢᬸᬃᬧᬥᬰᬓ᭄ᬢᬶ᭞ᬫᬸᬯᬄᬳᬶᬓᬮᬬ᭄ᬯᬡ᭚ᬫᬮᬶᬄᬫᬳᬵᬭᬵᬚᬓᬗ᭄ᬰᬗᬸᬦᬶ᭞ᬓᬭᬸᬲᬓᬦᬾ᭞ᬲᬫᬶᬧᬸᬦ᭄ᬤᬶᬓᬵ᭞ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬬᬦᬾ᭞ᬭᬶᬂᬢᭂᬗᭂᬃᬦ᭄ᬯᬗ᭄ᬰᬬ
ᬤᬸ᭞ᬫᬗ᭄ᬓᬾᬓ᭄ᬦᬰᬵᬧᬦᬶᬂᬋᬱᬶ᭞ᬧᬧᭂᬲᬦ᭄ᬭᬶᬂᬲᬸᬰᬶᬮ᭞ᬫᬗ᭄ᬤᬾᬮᬗ᭄ᬕᭂᬂᬓᬸᬓᬸᬄ᭞ᬲᬸᬘᬶᬦᬶᬂᬓᬸᬮᬷᬡᬚᬤ᭄ᬫᬵ᭞ᬳᬾᬮᬶᬂᬳᬾᬮᬶᬂ᭞ᬫᬸᬲᬸᬄᬫᬦᬄᬮᬾᬦ᭄ᬭᬶᬂᬩᬸᬫᬶ᭞ᬧᬥᬧᬥᬵᬫᬩ᭄ᬯᬢ᭄᭚ᬬᬾᬦᬶᬂᬢᬶᬫ᭄ᬩᬂ
ᬩ᭄ᬯᬢᬦᬾᬭᬶᬗᬢᬶ᭞ᬯᬢᭂᬓ᭄ᬬᬤᬸ᭞ᬯᬺᬱ᭄ᬡ᭄ᬬᬵᬦ᭄ᬤᬓᬵᬩᭀᬚ᭞ᬲᬫᬶᬦᬸᬳᬸᬦ᭄ᬭᬶᬂᬳᬢᬸᬭᬾ᭞ᬫᬾᬲᭂᬫ᭄ᬓᬜ᭄ᬚᭂᬂᬲᬶᬦᬸᬳᬸᬦ᭄᭞ᬓᬧᬶᬦᬂᬲᬂᬧ᭄ᬭᬪᬸᬓᬮᬶᬄ᭞ᬲᬫᬶᬫᬢᬸᬢᬂ᭞ᬧᬶᬢᬸᬢᬸᬃᬧᬸᬦᬶᬓ᭞ᬲᬓᬶᬂ
Kaca:Bali-lontar-paparikan-uwug-rusak-dwarawati-300ppi.pdf/16
Kaca puniki sampun kauji-wacén
