[73B ᭗᭓ ] ᬫᬳᬶᬭᬶᬩ᭄᭞ᬧᬸᬜᬤᬗ᭄ᬲᬦ᭞ᬓᭂᬗᬸᬲᬦ᭄ᬫᬢᬦ᭄ᬳᬳᬶ᭟ᬦᬉᬤᬾᬯᬫᬯᬓ᭄ᬕᭂᬋᬄᬲᬲᬶᬄᬓᬧᬢ᭄᭞ᬗᬶᬦ᭄ᬓᬶᬤ᭄ᬫᬗᬸᬧᬵᬭᬯᬶᬢ᭄᭞ᬧᭂᬲᬸᬓᬘᬸᬧᬶᬢᬦ᭄᭞ᬩᬋᬢ᭄ᬓᬸᬢᬶᬕᬫ᭄ᬩᬩᬃ᭞ᬕᬓᬬᬾ ᬵᬗᭂᬤᬾᬗᭂᬮᬗᬸᬳᬶᬦ᭄᭞ᬤᬶᬓᬧᬦ᭄ᬳᬤ᭞ᬲᬸᬮᬶᬧᬸᬮᬸᬳᬗ᭄ᬯᬶᬦ᭄᭟ᬳᬾᬗ᭄ᬕᬮ᭄ᬳᬾᬗ᭄ᬕᬮ᭄ᬓᬸᬤᬚ᭄ᬯᬂᬫᬾᬫᬾᬩᬧ᭞ᬫᬗ᭄ᬤᬾᬓᬢ᭄ᬧᬸᬓ᭄ᬗ᭄ᬯᬶᬦ᭄᭞ᬗ᭄ᬯᬶᬦ᭄ᬳᬯ᭄ᬓᬲᬦ᭄᭞ᬳᬧᬂᬩᬋᬂᬦᬸᬗ᭄ᬕᬮᬂ᭞ᬚ᭄ᬮᬾᬫ᭄ᬮᬄᬳᬶᬤᬸ ᬧ᭄ᬫᬢᬶ᭞ᬳᬶᬗ᭄ᬕᬶᬄᬧᬤᬡ᭄ᬥ᭞ᬩᬯᭀᬲᬶᬦ᭄ᬯᬶᬢ᭄ᬬᬂᬫᬗ᭄ᬓᬶᬦ᭄᭟ᬳᬦ᭄ᬢᬸᬓ᭄ᬯᭂᬓᬲ᭄ᬤᬸᬄᬓᬶᬢᬦᬾᬧᬗ᭄ᬕᬶᬄᬢᬶᬢ᭄ᬬᬂ᭞ᬳᬸᬭᬶᬧ᭄ᬳᬸᬭᬶᬧᬦ᭄ᬓᬭᬶ᭞ᬲᬫ᭄ᬧᬸᬦ᭄ᬗᭀᬩᭀᬓᬯᬄ᭞ᬩᭀᬬᬤᬤᭀᬲ᭄ᬧᬮᬶᬮ᭞ᬗᬸ ᬗᭂᬂᬫᬦᬄᬢᬶᬢ᭄ᬬᬂᬧᬮᬶᬂ᭞ᬓᬤᬶᬕ᭄ᬮᭀᬫ᭄ᬩᬬᬂ᭞ᬧᬸᬲᬦ᭄ᬦᬫ᭄ᬧᬓ᭄ᬳᬶᬭᬶᬓᬶ᭟ᬤᬶᬚᬯᬾᬦ᭄ᬢᬦ᭄ᬭᬢᬸᬲᬢᭂᬄᬓᬤᬶᬢᬶᬢ᭄ᬬᬂ᭞ᬳᬲᬧᬸᬦᬧᬶ᭞ᬧᬸᬧᬸᬢ᭄ᬳᬸᬦ᭄ᬧᬤᬡ᭄ᬥ᭞ᬳᬦ᭄ᬢᬸᬓ᭄ᬳᬶᬧᬸᬓᬾᬭᬸᬲᬓ᭄᭞ᬧᬸᬢᬸ
[74A᭗᭔] ᬦ᭄ᬧᬤᬡ᭄ᬥᬦᬾᬫᬗ᭄ᬓᬶᬦ᭄᭞ᬩᬗ᭄ᬕᬬᬂᬢᬶᬢ᭄ᬬᬂ᭞ᬗ᭄ᬕᬦᬸᬂᬫᬢᬓᬶᬢᬓᬶ᭟ᬫᬢᬢᬧᬦ᭄ᬗᬶᬭᬧᬫᬂᬓ᭄ᬕᬶᬦ᭄ᬧᬫᬸᬃᬤᬡ᭄ᬥ᭟ᬦᬶᬸᬢᬶᬦᬕᬭᬶ᭞ᬧᬶᬲᬦ᭄ᬳᬓᬾᬭᬸᬲᬓ᭄᭞ᬦᬦ᭄ᬤᬗᬶᬦ᭄ᬲᬸᬦᬶᬢ᭄ᬫᬦᬄ ᬧᬤᬡ᭄ᬥᬫᬲᬯᬸᬃᬲᬫᬶ᭞ᬘᭀᬓᭀᬃᬳᬶᬤᬾᬯ᭞ᬤᬸᬭᬶᬂᬫᬲᬦ᭄ᬫᬓᬶᬦ᭄ᬓᬶᬦ᭄᭟ᬭᬾᬄᬳᬶᬦᬸᬘᬧ᭄ᬲᬓᬤᬶᬘᭀᬓᭀᬃᬤᬾᬯ᭞ᬢᬦ᭄ᬯᬾᬦ᭄ᬢᭂᬦ᭄ᬓᬾᬗᬶᬦ᭄ᬳᬜᬶ᭞ᬓᬸᬓᬸᬄᬫᬗ᭄ᬮᬚ᭄ᬭᬂ᭞ᬓ᭄ᬱᬢ᭄ᬭᬶᬬᬦ᭄ᬧᬸᬦᬶᬓ᭞ᬲᬸᬓ ᬤᬸᬄᬓᬦᬾᬢᬳᭂᬦᬶᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬢᬸᬮᬓ᭄᭞ᬲᬓᭂᬩᬸᬲ᭄ᬤᬬᬸᬳᬾᬢᬫ᭄ᬧᬶ᭟ᬫᬧᬲ᭄ᬢᬶᬓᬫᬶᬧᬫᬶᬢᭂᬄᬢᬸᬢᬸᬃᬏᬢ᭄ᬢᬫ᭞ᬲᬸᬘᬶᬦᬶᬃᬫ᭄ᬫᬮᬫᬶᬗᬶᬢ᭄᭞ᬓ᭄ᬭᬫᬦᬶᬂᬓ᭄ᬱᬢ᭄ᬭᬶᬬᬦ᭄᭞ᬮᬓᬮᬢᬦ᭄ᬧᬓᬤᬂ᭞ᬮ᭄ᬬ ᬦᬦ᭄ᬭᬶᬂᬭᬕᬦᬾᬳᬶᬲ᭄ᬢ᭄ᬭᬶ᭟ᬧ᭄ᬭᬲᬶᬤ᭄ᬥᬓᬤᬂ᭞ᬫᬓᬤᬶᬦ᭄ᬳᬶᬧᬸᬦ᭄ᬫᬮᬶᬄ᭟ᬲᬂᬳ᭄ᬬᬂᬳᬢ᭄ᬫᬲᭀᬘᬓᬳ᭄ᬬᬸᬦᬾᬧᬯᬶᬢ᭄ᬭ᭞ᬫᬗ᭄ᬕᬶᬄᬳᬗ᭄ᬕᬾᬦ᭄ᬗᭂᬫ᭄ᬩᬗᬶᬦ᭄᭞ᬓᬫᬦᬾᬢᬶᬗ᭄ᬕᬮᬂ᭞ᬫᬗ᭄ᬤᬲᬫ᭄ᬧᬸᬦᬲᬲᬃ᭞ᬓᬧᬸᬗ᭄ᬓᬸᬃᬮᬭ
