᭗᭒ [72B] ᬧᬍᬂᬓ᭄ᬢᬶᬓ᭞ᬧ᭄ᬭᬫᬶᬲ᭄ᬯᬭᬶᬓᬦ᭄ᬢᬩᬦ᭄ᬲᬗᭂᬢ᭄ᬓᭀᬲᭂᬓᬦ᭄᭞ᬧᬩ᭄ᬚ᭄ᬭᬵᬯᬦᬾᬧᬲᭂᬗᬶ᭞ᬲᬂᬧ᭄ᬭᬪᬸᬓᬾᬫᭂᬗᬦ᭄᭞ᬳᬓᬗᭂᬦ᭄ᬫ᭄ᬩᬳᭀᬲᬂᬭᬕ᭞ᬤᬸᬄᬓᬶᬢᬦᬾᬢᬦ᭄ᬧᬢᬦ᭄ᬤᬶᬂ᭞ᬓ᭄ᬭᬯᭀᬲ᭄ᬦᬶᬦᬶᬸ
ᬲ᭄ᬓᬃᬬ᭄ᬬ᭞ᬓᬲᬸᬓᬦᬾᬗᬕᬸᬗᬶᬦ᭄᭟ᬧᬶᬲᬦ᭄ᬧᬶᬲᬦ᭄ᬓᬳ᭄ᬬᬸᬦᬾᬢ᭄ᬮᬲ᭄ᬭᬸᬭᬶᬸᬲᬓ᭄᭞ᬓᭂᬲᭂᬮ᭄ᬲᭂᬓ᭄ᬲᬸᬫᬶᬗ᭄ᬓᬶᬦᬦ᭄᭞ᬧᬮᬶᬂᬢ᭄ᬓᬾᬦ᭄ᬭᬕ᭞ᬓᬦ᭄ᬢᬸᬲᬧᬮᬶᬗ᭄ᬮᬶᬳᬦ᭄᭞ᬮᬶᬗᬾᬫᬢᬸᬮᬸᬳᬦ᭄ᬲᬸᬫᬶᬗ᭄ᬓᬶᬦ᭄᭞
ᬧᬭᬧᬸᬗ᭄ᬕᬯ᭞ᬗ᭄ᬕᭂᬮᬸᬃᬲᬮᬶᬂᬢᬶᬫ᭄ᬩᬮᬶ᭄᭟ᬦ᭄ᬤᬤᬸᬢ᭄ᬳᬢᬶᬲᬲᬫ᭄ᬩᬢᬾᬢᬦ᭄ᬧ᭄ᬕᬢ᭄᭞ᬤᬸᬄᬭᬢᬸᬲᬧᬸᬦᬯᬶ᭞ᬚᬕᬧᬦ᭄ᬤᬤᭀᬲᬦ᭄᭞ᬚᬕᬢᬾᬫᬓᬩᬶᬤᬂ᭞ᬤᬾᬯᬦᬾᬓᬧᭀᬩᬲ᭄ᬮᬮᬶ
ᬧᬶᬲᬦᬦ᭄ᬢᭂᬮᬲ᭄᭞ᬍᬩᬸᬃᬚᬕᬢᬾᬲᬫᬶ᭟ᬩᭀᬬᬦᬦ᭄ᬤᬂᬗᬦ᭄ᬢᭂᬦᬂᬘᭀᬓᭀᬃᬳᬶᬤᬾᬯ᭞ᬓᬤᬶᬓᬢᬗ᭄ᬓᭂᬗ᭄ᬮᬗᬶᬢ᭄᭞ᬧᬤᬡ᭄ᬥᬧᬢᬶᬣᬦ᭄᭞ᬲᬶᬲᬸᬢᬸᬮᬸᬂᬫᬜ᭄ᬚᬚᬕ᭄᭞ᬯᭂᬢᬸᬫ᭄ᬭᬢᬲᬜ᭄ᬚᬶ
᭗᭓ [73A] ᬯᬦᬶ᭞ᬧᬫᬕᭂᬄᬚᬶᬯ᭞ᬲᬂᬧ᭄ᬭᬪᬸᬫᬶᬯᬄᬭᬩᬶ᭟ᬧᬸᬗᬸᬦ᭄ᬧᬸᬗᬸᬦ᭄ᬳᬶᬮᬶᬗᬾᬓᬤᬶᬩ᭄ᬯᬧ᭄ᬦ᭞ᬭᬲᬢᬦ᭄ᬦᬫ᭄ᬧᬓ᭄ᬕᬸᬫᬶ᭞ᬲᬸᬗ᭄ᬲᬸᬢ᭄ᬫᬫ᭄ᬭᬢ᭄᭞ᬫᬗ᭄ᬕᭂᬮᬸᬢ᭄ᬕᭂᬮᬸᬢ᭄ᬳᭀᬓ᭞ᬧᬦ᭄ᬤᬮᬫᬾᬗᬲᬶᬄᬳᬲᬶᬄ᭞ᬫ
ᬫ᭄ᬕᬢ᭄ᬫ᭄ᬕᬢ᭄᭞ᬓᬮᬫ᭄ᬧᭂᬓ᭄ᬩᬳᬦ᭄ᬢᬗᬶᬲ᭄᭟ᬓᬕᬸᬬᬗᬶᬦ᭄ᬮᬬᭀᬦᬾᬓᬳᬸᬲᬧ᭄ᬳᬸᬲᬧ᭄᭞ᬓᬓᭀᬘᭀᬓ᭄ᬓᭀᬘᭀᬓ᭄ᬢᬶᬢᬶᬂ᭞ᬳᬤᬸᬄᬳᬢ᭄ᬫᬚᬶᬯ᭞ᬳᭀᬮᬶᬄᬓᬾᬫᬾᬫᬾᬩᬧ᭞ᬤᭀᬩᬗᬸ
ᬦ᭄ᬮᬯᬦ᭄ᬮᬯᬦᬶᬦ᭄᭞ᬳᭂᬦ᭄ᬤᬾᬦ᭄ᬳᬤᬾᬗᬂ᭞ᬳᭀᬮᬲᬾᬗᬮᬳᬶᬦ᭄ᬫᬢᬶ᭟ᬳᬧᬧ᭄ᬯᬭᬦ᭄ᬫᬾᬫᬾᬩᬧᬬᬦ᭄ᬳᬶᬤᬾᬯ᭞ᬢᬸᬮᬸᬲ᭄ᬗᭂᬫᬶᬦ᭄ᬫᬢᬶ᭞ᬗ᭄ᬕᭂᬮᬄᬧᬦᬓ᭄ᬤᬤ᭄ᬯ᭞ᬢᭀᬂᬳᬤᬩᬓᬢ᭄ᬧᬮᬃ᭞ᬳᬗ᭄ᬕᭀᬦ᭄ᬩᬸ
ᬗᬦ᭄ᬫᬢᬲᬳᬶ᭞ᬗ᭄ᬕᭂᬦ᭄ᬢᬶᬦᬶᬦ᭄ᬩᬧ᭞ᬗᭀᬘᬾᬢᬂᬤᬶᬦᬕᬭᬶ᭟ᬤᬸᬄᬯᬶᬤ᭄ᬥᬶᬦᬾᬤᭂᬗ᭄ᬓᬶᬜᬗ᭄ᬲᬭᬲᬢᬢ᭞ᬳᬶᬃᬱ᭄ᬬᬳᬶᬮᬶᬓ᭄ᬳᬶᬭᬶᬳᬢᬶ᭞ᬢ᭄ᬓᬾᬦ᭄ᬳᬦᬓ᭄ᬲᬸᬓ᭞ᬤᬸᬓ᭄ᬦᬾᬫᬢᬶᬫᬮ᭄ᬯᬦ᭄᭞ᬳᬤᬭᬜ
