[᭓᭙᭞39B]ᬫᬗᬧᬶᬢᬸᬢ᭄ᬲᬧᭀᬮᬄᬢᬶᬗ᭄ᬓᬄᬲᬂᬲᬫ᭄ᬧᬶ᭞ᬫᬢᬸᬳᬸᬢᬶᬦ᭄ᬕᬸᬩᬲᬥᬸ᭞ᬫᬶᬮᬸᬗᬚᭂᬗᬂᬧᬤᬂ᭞ᬢᬸᬢᬶᬂᬧᬜ᭄ᬚᬓ᭄ᬫᬗ᭄ᬤᬾᬫᬶᬮᬸᬗᬸᬮᬄᬲᬥᬸ᭞ᬓᬲ᭄ᬭᭂᬂᬫᬗᬫᬄᬧᬤᬂ᭞ᬫᬯᬲ᭄ᬢᬸᬧᬜ᭄ᬚᬓᬾᬲᬓᬶᬓ᭄᭟ᬓᬄᬩ᭄ᬮᬶᬧᬘᬂᬗᬶᬢᬸᬗᬂ᭞ᬗᬶᬓᭂᬢᬂᬳᬸᬧᬬᬲᬦ᭄ᬤᬶᬦᬾᬦᬾᬚᬦᬶ᭞ᬗ᭄ᬕᬯᭀᬦᬂᬓ᭄ᬭᭀᬥᬦ᭄ᬲᬂᬧ᭄ᬭᬪᬸ᭞ᬫᬗᬾᬲᬦ᭄ᬗ᭄ᬕᬳᬾᬧᬶᬲᬸᬦ᭞ᬗ᭄ᬭᬜ᭄ᬚᬦᬘᬂᬳᬸᬧᬬᬦᬾᬫᬗ᭄ᬤᬾᬮᬫ᭄ᬧᬸᬲ᭄᭞ᬳᬶᬢᬢᬶᬢ᭄ᬢᬾᬕᬃᬦ᭄ᬤᬶᬗᭂᬳᬂ᭞ᬳ᭄ᬦᭂᬗᬂᬘᬶᬘᬶᬗᬾᬲᬫᬶ᭟ᬓᭀᬘᬧᬧᬢᬶᬄᬲᬫ᭄ᬪᬤ᭞ᬮ᭄ᬯᬲ᭄ᬜᬶᬗ᭄ᬲᬾᬧᬋᬓ᭄ᬲᬂᬳᬦ᭄ᬤᬓᬜᬶᬮᬶᬩ᭄᭞ᬲ᭄ᬤᭂᬓ᭄ᬲᬸᬯᬸᬂᬦᬸᬚᬸᬤᬶᬢᬸ᭞ᬲᬂᬳᬦ᭄ᬤᬓᬫᬗ᭄ᬕᬸᬭᬦ᭄᭞ᬩᬢᬦ᭄ᬳᬶᬧᬶᬮ᭄ᬕ᭄ᬮᬬᬄᬕ᭄ᬮᬬᬄᬫᬋᬧ᭄ᬓᬯᬸᬄ᭞ᬜᭂᬳᭂᬩ᭄ᬢᭂᬓᬳᬶᬲᬫ᭄ᬪᬤ᭞ᬫᬳᬢᬸᬃᬫᬸᬜᬶᬦᬾᬦᬶᬲ᭄᭟ᬭᬢᬸᬲᬂᬋᬱᬶᬳᬦ᭄ᬤᬓ᭞ᬕᬯᭀᬓ᭄ᬭᬸᬶᬂᬓ᭄ᬢᬶᬢ᭄ᬬᬂᬭᬶᬂᬭᬃᬍᬯᬶᬩᬸᬄᬫᬍᬗᬶᬲ᭄᭞ᬢᬦ᭄ᬲᬫᬶᬲᬫᬶᬭᬶᬂᬭᬸᬭᬸ᭞ᬯ [᭔᭐᭞40A]ᬦ᭄ᬢᬄᬤᬾᬯᬢᬫᬭᬕ᭞ᬓᬩᬶᬦᬯᬓᬧ᭄ᬭᬚ᭄ᬜᬦ᭄ᬭᬶᬂᬲᬃᬯ᭄ᬯᬢᬸᬢᬸᬃ᭞ᬓᬲᬸᬩ᭄ᬓᬮᭀᬓᬭᬶᬂᬚᬕᬢ᭄᭞ᬯ᭄ᬦᬂᬓᬲᬂᬄᬭᬶᬂᬓᬲ᭄ᬬᬲᬶᬄ᭟ᬬᬦ᭄ᬲᬂᬍᬯᬶᬕᬂᬮᬓ᭄ᬱᬡ᭄᭞ᬩᭀᬬᬓᬬᬸᬦ᭄ᬲᬶᬄᬭᬶᬂᬲᬂᬧᬧᬩᬸᬤᬶ᭞ᬫᬓ᭄ᬭᬦᬳᭀᬩᬄᬓᬲᬤᬸᬦ᭄᭞ᬩ᭄ᬳᬶᬂᬋᬓᬾᬳᬸᬘᬧᬦ᭄ᬰᬲ᭄ᬢ᭄ᬭ᭞ᬓᬤᬶᬫᬲ᭄ᬭᬶᬂᬢᬳᬶᬋᬂᬫᬳᬤᬸᬓ᭄᭞ᬩᬲᭂᬳᬶᬦ᭄ᬢᭂᬮᬳᬂᬳᬸᬫ᭄ᬩᬄ᭞ᬳ᭄ᬫᬲᬾᬚ᭄ᬯᬧᬸᬧᭀᬦᬶᬦ᭄᭟ᬬᬤ᭄ᬬᬧᬶᬦ᭄ᬫᬦᬸᬱᬘᭀᬭᬄ᭞ᬩᬺᬲᬶᬳᬶᬦ᭄ᬳᬲᬦᬂᬳᬶᬧᬸᬦ᭄ᬫᬫᬮᬶᬂ᭞ᬮᬸᬓᬢ᭄ᬤᬤᬲ᭄ᬫᬗ᭄ᬤᬾᬕᭂᬫ᭄ᬧᬸ᭞ᬲᬦ᭄ᬭᬓᬦᬾᬢᬶᬗ᭄ᬕᬮᬂ᭞ᬓᬤᬶᬯᬶᬱ᭄ᬬᬫᬯᭀᬭᬦ᭄ᬭᬶᬂᬳᬸᬫ᭄ᬩᬶᬦ᭄ᬕᬤᬸᬂ᭞ᬬᬦ᭄ᬲᬂᬫᬳᬶᬥᭂᬧ᭄ᬫᬫᭂᬚᬄ᭞ᬩᬗ᭄ᬓᬶᬢ᭄ᬭᬲᬜᬓᬧᬗ᭄ᬕᬶᬄ᭟ᬓᬤ᭄ᬬᬓᬦ᭄ᬬᬫᬾᬰᬲ᭄ᬢ᭄ᬭ᭞ᬲᬢᬶᬩ᭄ᬬᬢᬧᬕᭂᬄᬕᬕᬸᬡᬤᬾᬍᬯᬶᬄ᭞ᬬᬤᬶᬂᬦ᭄ᬯᬶᬂᬓᬸᬚᬦᬢᬸᬫ᭄ᬩᬸᬄ᭞ᬯ᭄ᬦᬦᬶᬓᬧᬜ᭄ᬚᬶᬗ᭞ᬓᬗ᭄ᬕᬾᬭᬩᬶᬳᬦ᭄ᬢᬓ᭄ᬲᬂᬯᬶᬱᬾᬰᬧ᭄ᬭᬪᬸ᭞ᬧᬓ᭄ᬭᬦᬧᬕᭂᬄᬓ
