[᭓᭘᭞38B]ᬮᬶᬗ᭄ᬕᬶᬄ᭞ᬲᬫ᭄ᬧᬸᬦ᭄ᬫᬦᬗ᭄ᬲᬬᬩᬬᬸᬦ᭄᭞ᬳᬶᬭᬶᬓᬶᬭᬶᬂᬧᬢᬧᬦ᭄᭞ᬭᬢᬸᬧᬤᬡ᭄ᬤᬧᬸᬦᬶᬓᬶᬲᬂᬧ᭄ᬭᬪᬸᬭᬯᬸᬄᬲᬓᬶᬂᬤᬾᬰᬳᬸᬲᬷᬦᬭ᭞ᬧᬤᬡ᭄ᬥᬕ᭄ᬭᬶᬲ᭄ᬫᬧᬕᬶᬦ᭄᭟ᬫᬫ᭄ᬩᬓ᭄ᬢᬲᬾᬯᬫ᭄ᬩᬫᬲ᭄᭞ᬫᬶᬲᬶᬢᬶᬃᬣᬧᬯᬶᬢ᭄ᬭᬳ᭄ᬦᬶ᭞ᬲᬂᬧ᭄ᬭᬪᬸᬫᬲᬸᬘᬶᬲᬫ᭄ᬧᬸᬦ᭄᭞ᬫᬢᬶᬣᬓᬚᬬᬚᬬ᭞ᬓᬳᬢᬸᬭᬦ᭄ᬧᬮᬩᬸᬗ᭄ᬓᬄᬩᬸᬯᬸᬂ᭞ᬓᬢᬸᬦᬦ᭄ᬲᬃᬯ᭄ᬯᬳᬸᬢᬫ᭞ᬲᬍᬯᬶᬄᬓᬮᬤᬶᬓᬸᬦᬶᬂ᭟ᬤᬸᬄᬤᬾᬯᬲᬂᬕᬚᬤ᭄ᬭᬫ᭞ᬳᬫ᭄ᬧᬸᬭᬬᬂᬳᬢᬸᬭᬦ᭄ᬩᬧᬳᬶᬫᬶᬲ᭄ᬓᬶᬦ᭄᭞ᬓᭂᬚᬧᬮᬸᬗᬦᬾᬜᬸᬦᬸᬢ᭄᭞ᬤᭀᬦᬶᬂᬧᬭᬭᬕᬬᬦ᭄᭞ᬮᬶᬦ᭄ᬢᬂᬲᭂᬦ᭄ᬤᬸᬯᬶᬱ᭄ᬡᬲ᭄ᬯᬪᬯᬦᬾᬲᬫᬸᬦ᭄᭞ᬫᬲᬳᬸᬢ᭄ᬲᬂᬕᬚᬕᬤ᭄ᬭᬸᬫ᭞ᬢᬶᬢ᭄ᬬᬂᬓᬲᭀᬭᬦ᭄ᬳᬚᬸᬭᬶᬢ᭄᭟ᬩᬸᬓ᭄ᬢᬢ᭄ᬮᬲ᭄ᬓᬧ᭄ᬭᬤᬢ᭞ᬫᬦᬓᬾᬦᬂᬧᬾᬓᬢ᭄ᬯᬾᬦ᭄ᬢᭂᬦ᭄ᬓᬧᬗ᭄ᬕᬶᬄ᭞ᬧᬢᭂᬄᬭᬳᬸᬳᬶᬂᬦᬾᬦᬾᬯᬳᬸ᭞ᬳᬶᬧᬾᬓ᭄ᬫᬢᬸᬃᬩᬦ᭄ᬩᬦ᭄᭞ᬳᬶᬗ᭄ᬕᬶᬄᬚᬢᬸᬲᬾᬚᬾᬧᬸᬦᬶᬓᬦᬾᬯᬳᬸ᭞ᬳᬧᬦ᭄ᬳᬶᬧᬸᬦ᭄ [᭓᭙᭞39A] ᬧᬾᬓ᭄ᬚᬕᬮ᭄᭞ᬲᬳᬶᬦ᭄ᬤᬶᬗᭂᬄᬫᬸᬜᬶᬚᬳᬶᬮ᭄᭟ᬳᬤᭀᬄᬳᬸᬦᬶᬂᬭᬶᬂᬓᬥᬃᬫᬦ᭄᭞ᬓᬢᬸᬯᬸᬢᬦ᭄ᬫᬫᬸᬜᬶᬚᬸᬓ᭄ᬢᬮᬶᬦᬶᬦ᭄᭞ᬢᭀᬂᬫᬦᬶᬭᬸᬫᬸᬜᬶᬳᬮᬸᬲ᭄᭞ᬭᬾᬄᬗᬧᬶᬢᬸᬢ᭄ᬦᬾᬗᭂᬮᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬲᬩ᭄ᬭᬦ᭄ᬦ᭄ᬤᬶᬗᭂᬄᬳᬚᬶᬢᬸᬢᬸᬃ᭞ᬲᬮᭀᬓᬧᬸᬭᬡᬰᬲ᭄ᬢ᭄ᬭ᭞ᬫᬍᬃᬓᬋᬘᭂᬧ᭄ᬭᬶᬂᬳᬢᬶ᭟ᬳᬗ᭄ᬳᬶᬂᬲᬩ᭄ᬭᬦ᭄ᬓᬤᬶᬗᭂᬳᬂ᭞ᬫᬗ᭄ᬤᬾᬓᬢᬸᬢ᭄ᬳᬫᬸᬗ᭄ᬕᬄᬓᬸᬓᬸᬄᬭᬶᬂᬳᬢᬶ᭞ᬯᬦ᭄ᬢᬄᬓᬦ᭄ᬢᬶᬦᬾᬓᬢᬶᬭᬸ᭞ᬓᬤᬶᬘᭀᬓᭀᬃᬳᬶᬤᬾᬯ᭞ᬗᬮᬶᬗ᭄ᬕᬶᬳᬶᬦ᭄ᬲᬓᬤᬶᬳᬢᬸᬃᬤᬶᬩᬕᬸᬲ᭄᭞ᬢᬦ᭄ᬲᬾᬗᭂᬄᬭᬶᬂᬯᬘᬦᬜ᭞ᬤᬤᭀᬲ᭄ᬲᬧᬸᬦᬶᬓᬶᬧᬗ᭄ᬕᬶᬄ᭟ᬳᬕᬸᬗᬾᬤᬤᬶᬫᬮᬶᬗᬦ᭄᭞ᬧᬬᬸᬫᭀᬗ᭄ᬮᭀᬢ᭄ᬫᬗᬸᬗ᭄ᬲᬶᬳᬮᬲᬲ᭄ᬧᬶ᭞ᬧᬜ᭄ᬚᬓ᭄ᬳᭀᬜᬚ᭄ᬯᬃᬫᬸᬲᬸᬄ᭞ᬚᬦᬶᬦᭀᬗᭀᬲ᭄ᬤᬶᬧᬢᬧᬦ᭄᭞ᬧᬢᬸᬳᬸᬓᬶᬦ᭄ᬗᬚᭂᬗᬂᬓᬲᬾᬮᬚᬕᬸᬂ᭞ᬲᬂᬕᬚᬤ᭄ᬭᬸᬫᬗᬦ᭄ᬤᬶᬓ᭞ᬩ᭄ᬦᭂᬄᬧᬫᬸᬜᬶᬦ᭄ᬳᬶᬓ᭄ᬤᬶᬲ᭄᭟ᬩᬸᬓᬓᬾᬢᭀᬧ᭄ᬭᬪᬸᬲᬶᬗ᭄ᬳ᭞
