[᭒᭖26B]
᭒᭗᭞ᬯᬲᬶᬦ᭄᭞ᬓᬦ᭄ᬢᭂᬦ᭄ᬓᬬᬸ᭞ᬫᬓᬧᬸᬢ᭄ᬩᬳᬦ᭄ᬩᬮᬸᬮᬂ᭟ᬓᬾᬢᭀᬘᬳᬶᬓᬦ᭄ᬢᭂᬦᬜ᭞ᬲᬗ᭄ᬓᬦ᭄ᬤᬧᬢᬶᬦᬓᬸᬢᬶᬦ᭄᭞ᬫᬸᬜᬶᬦᬾᬕ᭄ᬤᬾᬗ᭄ᬕᬺᬕᭂᬳᬂ᭞ᬭᬾᬄᬳᬤᬢᬶᬫ᭄ᬧᬜᬭᬶᬳᬶᬦ᭄᭞ᬲᬗ᭄ᬓᬦ᭄ᬳᬦᬓᬾᬭᬶᬭᬶᬄ᭞ᬦᬯ
ᬯᬶᬢ᭄ᬤᬬᬦᬾᬮ᭄ᬬᬸ᭞ᬫᬶᬯᬄᬭᬶᬂᬲᬂᬯ᭄ᬯᬰᬲ᭄ᬢ᭄ᬭ᭞ᬢ᭄ᬯᬭᬳᬤᬩᬶᬲᬦᬓᬸᬢᬶᬦ᭄᭞ᬫᬸᬜᬶᬕ᭄ᬤᬾ᭞ᬧᬂᬕᭂᬩ᭄ᬭᬕ᭄ᬤᬶᬧᬲ᭄ᬬᬢᬦ᭄᭟ᬳᬓᬾᬢᭀᬧ᭄ᬭᬂᬕᬢ᭄ᬢᬸᬢᬸᬭᬦ᭄᭞ᬳᬶᬲᬫ᭄ᬩᬤᬧ᭄ᬭᬤᬢᬳᬶᬦ᭄᭞ᬗᬶᬂᬤᬶᬲ᭄ᬩᭂᬂᬫ᭄ᬮᬳᬗ᭞ᬳᬧᬂᬢ᭄ᬯ
ᬭᬤᬫᬳᬶᬭᬶᬩ᭄᭞ᬧᬓᬾᬯᭂᬳᬾᬦᬾᬚᬦᬶ᭞ᬢᬓᬸᬢ᭄ᬓᬢᬗᭂᬳᬦ᭄ᬢᬓᬸᬢ᭄᭞ᬓᬮᬶᬄᬬᬫᬗ᭄ᬕᬯᬾᬦᬂ᭞ᬧᬜ᭄ᬚᬓ᭄ᬜᬦᬾᬫᬗ᭄ᬤᬾᬩᬦᬶ᭞ᬢ᭄ᬓᬾᬦ᭄ᬫᬸᬲᬸᬄ᭞ᬦᬾᬫᬸᬮᬫᬓ᭄ᬦᭂᬄᬳᬶᬦᬂ᭟ᬳᬶᬩᬲᭀᬂᬧᬜ᭄ᬚᬓ᭄ᬳᬸᬘᬧᬂ᭞ᬧᬤᬍᬕ
ᬬᬫᬶᬭᬕᬶ᭞ᬦᬗ᭄ᬳᬶᬂᬲᬂᬘᬦ᭄ᬤᬧᬶᬗ᭄ᬕᬮ᭞ᬓᬭᬶᬗᬯᬶᬮᬂᬯᬶᬮᬗᬶᬦ᭄᭞ᬩᬳᬦ᭄ᬧᬜ᭄ᬚᬓᬾᬓᬶᬜ᭄ᬘᬶᬢ᭄᭞ᬦᬾᬢ᭄ᬓᬤᭂᬓ᭄ᬤᭂᬓ᭄ᬫᬢᬢᬸ᭞ᬩᬸᬭᭀᬦ᭄ᬓᬾᬦ᭄ᬓᬾᬦ᭄ᬮᬯᬦ᭄ᬜ᭞ᬢ᭄ᬯᬭᬢᬳᬾᬦ᭄ᬩᬸᬓᬚᬦᬶ᭞ᬳᬸᬮᬶᬫᬮᬸ᭞ᬓᬾᬢᭀᬓᬬᬸ
[᭒᭗27A]
ᬦ᭄ᬧ᭄ᬭᬪᬸᬲᬶᬗ᭄ᬳ᭟ᬭᬭᬶᬲ᭄ᬩᬂᬕ᭄ᬭᬲ᭄ᬫᬗᬦ᭄ᬤᬶᬓ᭞ᬦᬾᬦᬾᬚᬦᬶᬓ᭄ᬦᭂᬄᬓᬳᬶ᭞ᬧᬘᬂᬮ᭄ᬯᬲ᭄ᬫᬫᭂᬤᬲᬂ᭞ᬳᬧᬂᬓᬳᬶᬦᬯᬂᬚᬢᬶ᭞ᬢ᭄ᬓᬾᬦ᭄ᬦᬾᬫᬓᬾᬯᭂᬳᬶᬦ᭄᭞ᬬᬾᬦ᭄ᬓᬾᬦ᭄ᬓᬾᬦ᭄ᬕᭀᬩᬜᬤᬶᬢᬸ᭞ᬳᬓᬾᬢᭀᬧᬗᬦ᭄ᬤᬶᬓᬦ᭄᭞
ᬳᬶᬤᬫᬤᬸᬮᬸᬭᬦ᭄ᬩ᭄ᬭᬂᬢᬶ᭞ᬫᬢ᭄ᬮᬲᬦ᭄᭞ᬓᬬᬸᬦ᭄ᬫᬫᬃᬕ᭄ᬕᬶᬲᬂᬲᬶᬗ᭄ᬳ᭟ᬮ᭄ᬬᬸᬧᬜ᭄ᬚᬓᬾᬗᬶᬭᬶᬗᬂ᭞ᬯ᭄ᬬᬓ᭄ᬢᬶᬢᭀᬂᬓ᭄ᬦᬯᬶᬮᬗᬶᬦ᭄᭞ᬧᬚᬮᬦᬾᬕᬕᬗ᭄ᬲᬭᬦ᭄᭞ᬲᬸᬩᬫᬲᬸᬲᬸᬧᬦ᭄ᬲᬫᬶ᭞ᬤᬶᬳᬮᬲᬾᬗᭂᬩᭂᬓᬶᬦ᭄᭞
ᬫᬸᬳᬸᬕ᭄ᬫᬘᬓᬮ᭄ᬜᬮᬸᬓ᭄ᬲᬸᬓ᭄᭞ᬧᬩ᭄ᬭᬲᬢ᭄ᬗᬢ᭄ᬗᬳᬂ᭞ᬲᬂᬳᬦ᭄ᬤᬓᬓᭀᬘᬧ᭄ᬫᬗ᭄ᬓᬶᬦ᭄᭞ᬲ᭄ᬤᭂᬓ᭄ᬤᬦᬾ᭞ᬩᬸᬫᬭᬳᬸᬲᬦ᭄ᬫᬲᬶᬭᬫ᭄᭟ᬤᬶᬬᬾᬳᬾᬮᬶᬦ᭄ᬢᬂᬦᬶᬃᬫ᭄ᬫᬮ᭞ᬫᬳᬧᬯᬶᬢ᭄ᬭᬭ᭄ᬦᬶᬂ᭞ᬲᬲᬢ᭄ᬩᬸᬓᬢ᭄ᬮᬕᬯᬚ᭞
ᬧᬸᬜᬦ᭄ᬩᬸᬗᬫᬗᬸᬗ᭄ᬓᬮᬶᬦ᭄᭞ᬲ᭄ᬤᭂᬂᬫᬩᬸᬗᬫᬶᬬᬶᬓ᭄᭞ᬢᬫ᭄ᬩᬸᬮᬶᬮᬶᬗᬦᬾᬫᬳ᭄ᬭᬶᬬᬸᬂ᭞ᬮᬸᬫ᭄ᬯᬾᬦᬶᬫᬓᬭᭀᬦᬦ᭄᭞ᬢᬦ᭄ᬧ᭄ᬕᬢ᭄ᬫᬗᬶᬲᭂᬧ᭄ᬲᬭᬶ᭞ᬬᬾᬦ᭄ᬲᬯᬗᬂ᭞ᬫᬶᬭᬶᬩ᭄ᬳᬦᬓ᭄ᬧᬗᬹᬦ᭄ᬢᬦᬦ᭄᭟ᬤᬶᬢᬸᬤ
