᭒᭕ [25B] ᭒᭖ ᬦ᭄᭞ᬢ᭄ᬯᬭᬢᭀᬲ᭄ᬤᭂᬂᬢᬢᬸᬢᬶᬦ᭄᭞ᬦᬾᬤᬶᬗᭂᬳᬂ᭞ᬩ᭄ᬮᬶᬦᬸᬢᬸᬭᬂᬧᬂᬢᬢᬲ᭄᭟ᬕᬦᬾᬫᬮᬸᬢ᭄ᬯᬶᬳᬤ᭞ᬲᬂᬧ᭄ᬭᬪᬸᬧᬜᬓ᭄ᬭᬯᬂᬣᬶ᭞ᬫᬧᬲᬾᬗᬦ᭄ᬯᬶᬱ᭄ᬩᬸᬕᬸᬧ᭄ᬢ᭞ᬦᬕᬭᬦᬾᬤᬶᬓᬸᬮᬫ᭄ᬩᬶ᭞ᬓᬤᬶᬦᬾᬦᬾ
ᬢᬦ᭄ᬲᬶᬧᬶ᭞ᬲ᭄ᬤᭂᬓ᭄ᬓᬕᭂᬩᬸᬕ᭄ᬩᬦ᭄ᬫᬸᬲᬸᬄ᭞ᬮ᭄ᬬᬸᬜᬢᬸᬃᬤᬾᬰ᭞ᬩᬸᬮᬦᬦ᭄ᬫᬲ᭄ᬬᬢ᭄ᬲᬳᬶ᭞ᬧᬤᬰᬓ᭄ᬢᬶ᭞ᬲᬢᬦ᭄ᬤᬶᬂᬗᬤᬸᬓᬤᬶᬭᬦ᭄᭟ᬧᬸᬧᬫᬶᬫᬲᬶᬄᬚᬸᬮᬸᬓᬂ᭞ᬓ᭄ᬭᬤᬶᬓᬦ᭄ᬲ᭄ᬬᬢᬾᬢᬶᬢᬶᬃ᭞ᬦᬾᬫᬢᬶᬢᬦ᭄ᬧ
ᬯᬶᬮᬗᬦ᭄᭞ᬓᬢᬸᬯᭀᬦ᭄ᬩᬦ᭄ᬮᬶᬦ᭄ᬢᬂᬰᬓ᭄ᬢᬶ᭞ᬧ᭄ᬭᬪᬸᬦᬾᬤᬶᬓᬸᬲᬸᬫ᭄ᬩᬶ᭞ᬤᭂᬓᭂᬓ᭄ᬫᬸᬲᬸᬄᬦᬾᬮ᭄ᬬᬸ᭞ᬲᬸᬃᬬ᭄ᬬᬓᬾᬫᬩ᭄ᬬᭀᬬᭀᬗᬦ᭄᭞ᬕᬕᬫᭂᬮᬦᬾᬫᬮᬶᬮᬂ᭞ᬫᬩᬮ᭄ᬬᬸᬓ᭄᭞ᬩᬸᬓᬓ᭄ᬭᬸᬕᬾᬢᬗ᭄ᬓᭂᬩᬂ᭟
ᬢᬫ᭄ᬩᬸᬭᬾᬧᬮᬶᬂᬓ᭄ᬭᬸᬭᬜ᭞ᬭᬱᬫᬗᬸᬳᬸᬕᬂᬮᬗᬶᬢ᭄᭞ᬫᬸᬜᬶᬦᬾᬓᬩᬶᬦᬩᬶᬦ᭞ᬢᭀᬳᬯᬦᬦ᭄ᬬᬓᬮᬶᬮᬶᬄ᭞ᬳᬗᭀᬩ᭄ᬢᬶᬓᬾᬤᬶᬂᬫᬸᬜᬶ᭞ᬩᬳᬦᬾᬕ᭄ᬤᬾᬗ᭄ᬕᬭᬸᬤᬸᬕ᭄᭞ᬤᬶᬲᬸᬩᬦᬾᬫ
᭒᭖ [26A] ᬩ᭄ᬮᬲᬦ᭄᭞ᬲ᭄ᬬᬢᬾᬲᭂᬓᬤ᭄ᬩᭂᬮᬶ᭞ᬮᬮᬶᬮᬮᬶ᭞ᬮᬯᬸᬢ᭄ᬲᬶᬗ᭄ᬕᬓᬾᬧᬲ᭄ᬬᬢᬦ᭄᭟ᬮ᭄ᬬᬸᬩᬗ᭄ᬓᬾᬦᬾᬧᬚᬶᬫ᭄ᬧᬂ᭞ᬩᬗᭂᬲᬾᬫᬳᬶᬫ᭄ᬩᬸᬄᬳᬮᬶᬩ᭄᭞ᬦᬾᬧ᭄ᬘᬓ᭄ᬫᬢᬶᬫᬲ᭄ᬬᬢ᭄᭞ᬩᬸᬓᬫᬗᭂᬓᬶᬦ᭄ᬕᬫᬶ᭞ᬲᬲᬢ᭄
ᬓᭀᬯᬳ"ᬦ᭄ᬡ"ᬓ᭄ᬯᬶ᭞ᬓ᭄ᬦᬶᬄᬩ᭄ᬮᬶᬦᬾᬢᭀᬤᬶᬢᬸ᭞ᬍᬕᬦᬾᬢᬦ᭄ᬲᬧᬶᬭ᭞ᬗᬫᬄᬩᬗ᭄ᬓᬾᬗᬶᬦᭂᬫ᭄ᬕ᭄ᬢᬶᬄ᭞ᬲᬓᬾᬯᬯᬸᬮ᭞ᬳᬩ᭄ᬲᬶᬓ᭄ᬢᭀᬦ᭄ᬤᬾᬦ᭄ᬜᬶᬤᬬᬂ᭟ᬳᭂᬦ᭄ᬢᭀᬦᬾᬕ᭄ᬤᬾᬫᬸᬜᬶᬜ᭞ᬫᬳᬶᬍᬩ᭄ᬮᬶᬫ
ᬗᬮᬶᬄ᭞ᬢ᭄ᬯᬭᬓ᭄ᬮᭀᬤᬤ᭄ᬬᬜ᭞ᬮᬯᬸᬢ᭄ᬬᬢ᭄ᬧᬸᬓᬶᬦ᭄ᬩᭂᬮᬶ᭞ᬫᬦᬸᬚᬸᬲᬸᬯᬸᬂᬲ᭄ᬧᬶ᭞ᬲᬶᬂᬳᬤᬓᭀᬗᭀᬲᬶᬦ᭄ᬤᬶᬢᬸ᭞ᬲᬳᬲᬩ᭄ᬮᬶᬜᬭᬧ᭄᭞ᬮᬲ᭄ᬬᬩᭀᬗ᭄ᬓᬾᬂᬓ᭄ᬲᬾᬢ᭄ᬩᭂᬮᬶ᭞ᬤᬤᬶᬮᬚᬸ᭞ᬫᬤ᭄ᬯᬚᬂᬳ᭄ᬓᭂᬤ᭄ᬚᬸᬫ
ᬳᬦ᭄᭟ᬓᬫᭂᬫᭂᬕᬦ᭄ᬤᬤᬶᬕᬯᬂ᭞ᬫᬜᭂᬮ᭄ᬲᭂᬮ᭄ᬩᭂᬮᬶᬤᬶᬳᬯᬶ᭞ᬕ᭄ᬦᬶᬳᬂᬢᭀᬦ᭄ᬤᬾᬦᬾᬲᬸᬩ᭞ᬳᬶᬲᬶᬦ᭄ᬜᬦᬾᬮ᭄ᬬᬸᬕᬢᬶ᭞ᬫᬶᬯᬄᬫᬸᬮᬸᬓ᭄ᬕᬶᬢᬶᬄ᭞ᬲᬯᬢᬄᬧ᭄ᬤᬲ᭄ᬗᬍᬢ᭄᭞ᬢᬲ᭄ᬢᬸᬳᬜᬢ᭄ᬯᬭᬳᬤ᭞ᬧ᭄ᬤᬲᬂᬫᬲᬄᬗᬶ
